Dit artikel is gesjreve (of begos) in 't Mofers . Laes hie wie v'r mit de versjillende saorte Limburgs omgaon.

YouTube is 'n website die gebroekers 't meugelik maak videofilmkes d'rop te zette, op te zeuke, te betrachten en te becommentariere. d'n Inhaad varieertj van richtige filme , toet meziek, nuuts, documentaires, videoblogs , teikenfilme, humor en nag vaol miee. Noe d'n tied is 't de grotste website op 't internet .

YouTube woort opgerich in fibberwarie 2005 door drie aaj mitwirkers van PayPal . 't Grotste versjil mitte anger videosites die 't haw in daen tied waas det alle video's automatisch woorten omgezatj nao e gangbaar formaot, flash (.flv). Same mit 't feit det de website gratis is zorgdje daoveur det YouTube al gaw de grotste videosite van 't internet is gewore.

't Euverdeil aan video's op YouTube waere door 't vouk d'rop gezatj, mer 't guuef ouch e deil media die zelf haor eige matterjaal besjikbaar stelle. Veur filmkes te konne zeen hoof me zich neet te registrere, mer 't uploade van filmkes is waal behaje veur geregistreerde gebroekers. E deil video's is aafgesjurmp veure jeug en kan pas waere bekeke door geregistreerde gebroekers die ajer zeen es 18.

In november 2006 woort YouTube euvergenomme door Google , wovan 't noe 'n ongeraafdeiling is.