Cocktail
is in
Amerikaanske
romantyske film
ut
1988
under
rezjy
fan
Roger Donaldson
, mei yn 'e
haadrollen
Tom Cruise
,
Bryan Brown
en
Elisabeth Shue
. De
titel
ferwiist nei
alkohoalyske miksdrankjes
. It
ferhaal
folget Brian Flanagan, in jonge Amerikaanske
studint
dy't in
bybaantsje
as
barkeeper
fynt, mar uteinlik syn
studzje
deroan jout en
foltiids
yn in
bar
oan it wurk giet. Hy hat dreamen om syn eigen saak te iepenjen, mar as er yn
Jamaika
Jordan Mooney moetet, feroaret dat syn
libben
.
Cocktail
krige fan 'e
filmkritisy
tige negative
resinsjes
, mar groeide yn 'e
bioskopen
ut ta in grut
kommersjeel
sukses.
Brian Flanagan is in
jonge
ut in
arbeidersfermidden
yn 'e
New Yorkske
borough
Queens
, dy't weromkomt ut
militere tsjinst
. Hy is derfan oertsjuge dat er de feardichheden hat om syn fortun te meitsjen, mei't New York de sted fan 'e dreamen is. Hy begjint te
sollisitearjen
by
bedriuwen
yn 'e
finansjele sektor
op
Wall Street
, mar der nimme se inkeld lju oan dy't in
studzje
foltoge en op syn minst in
bachelorgraad
behelle hawwe. Hy kriget it advys om it mei syn
flotte babbel
ris yn 'e
reklamebrans
te prebearjen, mar der wurdt er oeral ofwiisd omreden fan syn gebrek oan
wurkunderfining
. Hy komt ta de untdekking dat nimmen belangstelling hat foar wat er eins yn syn mars hat.
Ferbuke
giet er op hus oan, en sjocht dan by in
kafee
in bryfke oan it
rut
hingjen dat der ferlet is fan in nije
barkeeper
. Mei't er neat te ferliezen hat, besiket er it der ris. De haadbarkeeper, Doug Coughlin, sjocht wol wat yn him, dat hy wurdt oannommen, ek al hat er ek op dit fakmed frijwol gjin wurkunderfining. Nei in dreech begjin untjout Brian him under it
mentorskip
fan Doug ta ien fan 'e beste barkeepers fan New York en in master fan it
flerbarkeepen
(werby't u.m. mei
flessen
drank
jonglearre
wurdt). De mannen reitsje ek
befreone
en bringe buten it wurk om in protte tiid mei-inoar troch.
Brian wurket
juns
en brukt syn
baan
as barkeeper om him fan te
underhalden
wylst er oerdeis in
stuzje
ekonomy
folget. Hy hat syn plannen om
ryk
te wurden nammentlik noch net opjun. Meitiid wurde lykwols de junen almar langer en de
dagen
koarter. Nei in oanfarring mei in
arrogante
universiter
dosint
, dy't der aardichheid oan hat om syn
studinten
leech te lizzen, beslut Brian syn studzje deroan te jaan en him
foltiids
op it barkeepen ta te lizzen. Hy makket plannen om yn gearwurking mei Doug in eigen
bar
te iepenjen, dy't
Cocktails & Dreams
komme moat te hjitten. Hy rekkenet foar dat soks utkinne moat as se in pear jier de
simmers
op
Jamaika
wurkje, der't barkeepers yn
toeristyske
resorts
poerbest jild fertsjinje kinne, wylst der amper
belesting
oer ofdroegen hoecht te wurden. Doug hat niget oan Brian syn
jeugdige
entusjasme
, mar besiket syn plannen te bedimjen om't er dy finansjeel te riskant fynt.
Tink derom: Yn de tekst hjirunder wurdt de ofrin fan de film beskreaun.
As jo de film sels sjen wolle, is it mooglik better dat jo it no folgjende diel fan 'e plotbeskriuwing (earst noch) net leze.
|
Nei ferrin fan tiid wurde de twamans
optredens
as jonglearjende barkeepers dy't Brian en Doug fertoane, sa
populer
, dat harren in baan oanbean wurdt yn in
trendy
nachtklub
. Ek der steane se folop yn 'e belangstelling fan it bewunderjende
publyk
. Brian lukt de oandacht fan 'e
tsjeppe
en
rike
fotografe
Coral, mei wa't er deselde juns noch
op bed
rekket. Hja krije in
relaajse
. Brian is alhiel yn 'e wolkens, mar Doug warskoget him dat er foar Coral mar in fersetsje is en seit dat se foar de ein fan 'e
wike
mei in oare man op bed west hawwe sil. Brian wol der neat fan witte, en de beide freonen slute der in
weddenskip
oer of. De oare juns docht bliken dat Doug Coral
manipulearre
hat om mei himsels op bed te gean. Dat bringe se oan Brian ut troch yn syn bywezen in lange, yntime
tongtut
ut te wikseljen. Brian is
poer
. Hy slacht Doug del, seit dat er neat mear mei him te krijen hawwe wol, nimt
untslach
en jout him of.
Twa jier letter wurket Brian as barkeeper yn in resort op Jamaika, mei't er noch altyd dreamt fan in eigen bar. Der komt er yn 'e kunde mei Jordan Mooney, in
servearster
en aspirearjend
keunstneresse
ut New York, dy't der mei har
freondinnen
op
fakansje
is. Se fiele har
ta-inoar oanlutsen
en krije
ferkearing
. De serieuzens fan 'e relaasje komt ta utering yn it feit dat se pas nei in wike of deromtrint foar it earst seks hawwe, wat foar Brian syn dwaan in utsunderlik stadich tempo is. Underwilens komt Doug yn Jamaika opdaagjen. Brian hat him twa jier net sjoen, en de tiid hat it
spul
tusken harren saksearje litten, dat hy is
bliid
om syn alde maat wer te moetsjen. Doug blykt no
troud
te wezen mei in Kerry, dy't iepentlik mei oare manlju
flirt
. Sy komt ut in smoarrike New Yorkske
famylje
, en it liket derop dat Doug benammen mei har troud is om har jild, wylst it
houlik
mei in sljochtwei barkeeper foar har fral in manear is om in
middelfinger op te stekken
nei har
aldelju
.
As de relaasje mei Jordan Brian eins wat al te serieus wurdt, en Doug him utdaget om sjen te litten dat er in nije toeriste, in rike aldere frou dy't Bonnie hjit,
fersiere
kin, lit Brian him utlokje om deroan ta te jaan. Hy flirt mei Bonnie en wit har te fersieren, mar as er mei har nei har
hotelkeamer
giet, wurde se sjoen troch Jordan. Dy is
untsteld
troch Brian syn
untrou
, en stapt op it earste
fleantuch
werom nei New York. De oare
moarns
hat Brian
spyt
dat er mei Bonnie sliept hat. Hy siket Jordan, mar kriget fan ien fan har freondinnen te hearren dat hja nei hus is en dat dat syn skuld is. Doug
pleaget
Brian mei de sitewaasje, mar drukt him op it hert dat er folle better of is mei de rike Bonnie as mei de earmoedige Jordan.
Nei't er yn New York weromkeard is, nimt Brian wat unwennich de rol oan fan Bonnie har
boytoy
. Hy besiket har safier te krijen dat se syn
karriere
op gong helpt, mar se komt mei ferlechjes en hy fielt him oan it lyntsje holden. Der komt noch by dat er hielendal neat op hat mei de
snobistyske
sosjale fermiddens
fan 'e New Yorkske
high society
der't sy har yn beweecht. By in
cocktailparty
yn in
keunstgalery
drinkt er tefolle en kriget er
slaanderij
mei de arrogante
keunstner
waans wurk der
tentoansteld
wurdt. Der krije hy en Bonnie butendoar in
ruzje
oer dy't dermei einiget dat Brian har oan 'e dyk set. Hy beseft dat er in rare misslach makke hat troch syn
ferstan
boppe syn
hert
prefalearje te litten en Bonnie oer Jordan te kiezen.
Dat, sadwaande giet er nei it
kafetaria
der't Jordan as servearster wurket. Dat misbeteart raar as sy him in
board
iten
yn 'e
skurte
smyt en in board
sop
oer de
holle
jit. Mei't er beseft dat se it rjocht hat om
nidich
te wezen, akseptearret er dat as syn fertsjinne
straf
. Dy juns wachtet er har buten op en besiket er it nochris. Jordan stegeret him noch hieltyd of, mar diskear praat se teminsten mei him. Derby fertelt se him dat se fan him
yn ferwachting
rekke is. Der wurdt Brian al rare
kjel
fan. Mar nei't er wat fan 'e skrik bekommen is, beslut er de oare deis om ferantwurdlikheid foar syn dieden te nimmen en Jordan te bewizen dat er weardige
heit
foar harren
bern
weze sil.
As er Jordan thus opsiket, fertelt in
buorfrou
him dat se in pear dagen by har
aldelju
utfanhuzet
. Dan komt Brian derefter dat Jordan har alden guon fan 'e rykste lju fan New York binne, eat dat se op Jamaika foar him stilholden hie om't se bang wie dat er oars inkeld om it jild in relaasje mei har oangean soe. Brian set nei Jordan har alden ta, dy't yn in
penthouse
op in
wolkekliuwer
yn
Manhattan
wenje mei utsjoch op
Central Park
. As er der arrivearret, is Jordan net thus, mar har heit untfangt him en biedt him $10.000 oan as er opsokkeballet en Jordan net mear lestich falt. Brian fertelt ynstee oan Jordan, dy't op dat stuit thuskomt, dat er
fan har haldt
en in
gesin
mei har stiftsje wol. As se him op 'e nij ofstegeret, ferskuort er lykwols, foar't er fuortgiet, de
sjek
dy't har heit him jun hat.
Brian siket Doug op, dy't no, mei it jild fan syn frou Kerry, in eigen bar iepene hat. As se nei Doug syn nije
boat
yn 'e
jachthaven
geane, deunby de bar, bychtet Doug lykwols op dat er djip yn 'e swierrichheden sit. Hy hat op 'e
oandielemerk
oan it belizzen west, en troch in stikmannich ferkearde
ynvestearrings
is it jild no frijwol op. Hy stiet sadwaande op it punt om syn bar wer te ferliezen. En syn frou nei alle gedachten ek, as se untdekt wat er dien hat. Kerry komt harren ut 'e bar efternei om't se nei hus wol, mar Doug, dy't him
bedronken
hat, is net by steat om har thus te bringen. Dat ynstee riidt Brian har nei hus ta. Hja nuget him by har
appartemint
deryn en besiket him dan te
ferlieden
. Dat giet Brian te fier, dat hy triuwt har by him wei en giet fuort, ta
lulkens
fan Kerry. Hy keart werom nei de jachthaven, mar as er der op Doug syn boat komt, fynt er syn maat dea, mei't Doug yn it tuskenskoft
selsmoard
dien hat troch himsels troch de holle te sjitten.
Brian
rouwet
om syn freon, mar hy leart ek fan Doug syn flaters. Hy beseft dat Doug te
grutsk
wie om help te sykjen oant it mei him al te fier hinne wie, en hy nimt him foar om soks sels net te dwaan. Derom bejout er him op 'e nij nei it penthouse fan Jordan har aldelju, der't er no inkeld noch mei de grutste muoite nei binnen glupe kin, om noch in leste kear te besykjen en bepraat har om by him werom te kommen. Hy fertelt Jordan oer de dea fan Doug en wat er derfan leard hat, en unthjit in goede
man
foar har en in goede heit foar har bern te wezen. Jordan har heit set de
portier
en de
butler
yn om him fuort te krijen, en alle luk- en triuwwurk helpt Jordan om ta in beslut te kommen. Se kiest foar Brian, ta
argewaasje
fan har heit, dy't driget har te
untervjen
. As dat har net op oare gedachten bringt, ferbrekt har heit alle bannen mei har. Jordan giet mei Brian fuort.
Neitiid
trouwe
Brian en Jordan yn it bywezen fan syn
famylje
en de
freonen
fan syn en fan har wurk. De
brulloft
wurdt holden yn 'e
kroech
fan syn
omke
Pat yn Queens. Fan omke Pat
lient
Brian it bedrach der't er ferlet fan hat om mei syn
sparjild
by steat te wezen en keapje syn eigen bar, dy't er
Flanagan's Cocktails & Dreams
neamt. By de feestlike iepening derfan fertoant Brian ien fan syn alde trukjes troch op 'e
bar
te klimmen en foar de han wei in
gedicht
te betinken en foar te dragen. Diskear giet it oer syn noch net berne
poppe
en oft dat in
jonkje
of in
famke
weze sil. As er klear is, seit Jordan dat se in ferrassing foar him hat: se is swier fan in
twilling
.
- haadrollen
- byrollen
Cocktail
waard basearre op 'e semy-
autobiografyske
roman
Cocktail
fan
Heywood Gould
, dy't yn
1984
ferskynde. Dat
boek
wie basearre op Gould syn eigen
underfinings
en dy fan syn
kollega's
ut 'e perioade dat er tusken
1969
en
1981
yn
New York
wurke as
barkeeper
om yn syn
libbensunderhald
te foarsjen wylst er in
karriere
as
skriuwer
fan 'e grun besocht te krijen. Yn 'e roman is de
haadpersoan
in aldere man dy't it idee begjint te krijen dat er mei syn libben de boat mist hat.
Doe't
filmstudio
Universal Pictures
de
filmrjochten
op it boek oankocht, wurke Gould sels de roman om ta in ferfilmber
senario
. De studio seach uteinlik fan it projekt of om't Gould, nei eigen sizzen, de haadpersoan net sympatyk genoch meitsje woe. De filmrjochten waarden doe oerkocht troch
The Walt Disney Company
, der't Gould itselde op 'e nij belibbe: de studio woe dingen oan it senario feroare hawwe dy't hy net feroarje woe. Om't er besefte dat de film nea makke wurde soe as er foet by stik hold, besocht er de gouden middenwei te finen tusken wat it ferhaal neffens him weze moast en wat Disney derfan meitsje woe. By in
fraachpetear
mei de
Chicago Tribune
yn
2013
joech Gould lykwols ta dat de studiobazen by Disney gelyk han hiene. Hy sei: "Se woene filmpersonaazjes hawwe. Personaazjes dy't fleurich wiene en in
happy end
krije soene en
takomst
hiene yn harren libbens. Dat is wat je hawwe wolle yn in grutte
Hollywood
-film."
Doe't
topakteur
Tom Cruise
oanjoech dat er belangstelling hie foar de
haadrol
, kaam dertroch de
finansiering
fan
Cocktail
flugger ree. Neffens akteur
Bryan Brown
, dy't de rol fan Doug Coughlin spile, wie it oarspronklike skript "ien fan 'e alderbeste senario's dy't ik ea lezen hie. Hiel dunker […]. Tom Cruise is in hiele leave man, dat wied er doe en is er noch. Mar doe't Tom by it projekt belutsen rekke, moast de film wol feroarje. De studio fierde oanpassings troch om 'e stjer te beskermjen, en dertroch waard it in folle oerflakkiger film."
Cocktail
waard
regissearre
troch
Roger Donaldson
. As
produsinten
wiene
Ted Field
en
Robert W. Cort
by it projekt belutsen foar de
filmstudio's
Touchstone Pictures
(in
dochterundernimming
fan
Disney
),
Silver Screen Partners III
en
Interscope Communications
. Foar de film wie in
budget
beskikber fan
$
20 miljoen. De
kamerarezjy
wie yn 'e hannen fan
Dean Semler
. De
filmmuzyk
soe oarspronklik fersoarge wurde troch
Maurice Jarre
, mar dy waard op it leste momint ferfongen troch
J. Peter Robinson
.
De
opnamen
fan
Cocktail
setten utein op
26 oktober
1987
en funen plak op lokaasje yn
New York
, it
Kanadeeske
Toronto
en
Port Antonio
op
Jamaika
. Neffens
senarioskriuwer
Heywood Gould
kaam it
jonglearjen mei flessen drank
net yn it boek of it oarspronklike skript foar, mar it wie wat dat er
Tom Cruise
en
Bryan Brown
sjen liet, dy't it harsels oanlearden en der in wichtich underdiel fan 'e film fan makken.
Yn in
fraachpetear
mei
The A.V. Club
, in Amerikaanske
online
-
krante
, sei
aktrise
Kelly Lynch
(dy't yn 'e film de rol fan Kerry Coughlin spile), dat de film "eins in tige yngewikkeld ferhaal oer de
1980-er jierren
en
macht
en
jild
" wie. Der heakke se oan ta: "[De film] waard op sa'n manear
wermontearre
dat it eftergrunferhaal fan myn personaazje folslein ferlern gie ? har gebrek oan
selsrespekt
, wa't har heit wie, werom't se de persoan wie dy't se wie ? mar it wie dudlik in tige suksesfolle film, al wied er net sa goed as er weze kinnen hie." Lynch hold ut dat yn opdracht fan
Disney
"
reshoots
dien waarden fan likernoch in tredepart fan 'e film", werby't in protte djipdollender stikken feroare waarden "yn it opgoaien fan flessen en sokssawat […]. Mar wy hiene in geweldige tiid. En mei Tom hiene we sa'n soad
wille
, it wie geweldich om mei him te wurkjen, sawol foar de
kamera
as efter de skermen."
De
distribusje
fan
Cocktail
waard fersoarge troch
Buena Vista Pictures
, in
dochterundernimming
fan
The Walt Disney Company
. De film gie op
29 july
1988
yn 'e
Amerikaanske
bioskopen
yn
premiere
.
It byhearrende
soundtrackalbum
ferskynde op
2 augustus
1988
by
platemaatskippij
Elektra Records
. It
album
waard
diamant
yn
Kanada
, fjouwer kear
platina
yn
Austraalje
en de
Feriene Steaten
, platina yn
Nij-Seelan
en
goud
yn it
Feriene Keninkryk
,
Frankryk
,
Hongkong
,
Spanje
,
Sweden
en
Switserlan
. It
liet
Kokomo
, fan
The Beach Boys
, dat foar de
soundtrack
fan 'e film skreaun wie, waard in reuseftige
hit
.
Fan 'e
filmkritisy
krige
Cocktail
oer it algemien tige negative
resinsjes
. Sa omskreau
Vincent Canby
de film yn
The New York Times
as "in grutskaliger makke, folslein harsensdeade fariaasje op dy effisjinte alde
B-films
ut 'e
1930-er
en
1940-er jierren
oer de
libbens
,
leafdes
en feardichheden fan u.o.
mynwurkers
,
boufakkers
en
tillefoanelektrisiens
." Yn 'e
Chicago Sun-Times
hie
Roger Ebert
ek
krityk
op
Cocktail
. Hy skreau: "Wat mear oft je neitinke oer wat der eins echt bart yn [de film], wat mear oft je beseffe hoe leech-by-de-grunsk en forsearre oft it allegear is."
Op 'e
webside
Rotten Tomatoes
, dy't resinsjes sammelet, hat
Cocktail
in tige leech goedkarringspersintaazje fan 7%, basearre op 44 underskate resinsjes. De konsensuskrityk fan 'e webside, gearstald ut al dy resinsjes, stelt: "Der sitte gjin ferrassings yn
Cocktail
, in oerflakkige
romantyske film
dy't net folle berikt op it med fan dramatyk, en [boppedat] de
talinten
fan
Tom Cruise
fergriemt oan wat delkomt op 'e banale
fantasij
oer in
naive
barkeeper
." Op
Metacritic
, de wichtichste
konkurrint
fan Rotten Tomatoes, behellet
Cocktail
in goedkarringspersintaazje fan 12%, basearre op 14 resinsjes. Tsjintwurdich hat
Cocktail
lykwols in beskate
cultstatus
berikt.
Cocktail
brocht yn 'e
bioskopen
yn 'e
Feriene Steaten
en
Kanada
$
78,2 miljoen op, en yn alle oare
lannen en territoaria
$93,3 miljoen. Wraldwiid kaam de
opbringst
dermei ut op $171,5 miljoen. Ofset tsjin it
budget
fan $20 miljoen betsjut dat in
winst
fan $151,5 miljoen, hoewol't der de
marketingkosten
noch wol of moatte. Dermei wie
Cocktail
, nettsjinsteande de strieminne
resinsjes
, de op san nei meast opbringende film fan
1988
.
It
liet
Kokomo
, fan
The Beach Boys
, waard nominearre foar in
Grammy Award
en foar de
Golden Globe
foar beste orizjinele liet.
Cocktail
'wun' fierders twa
Golden Raspberry Awards
(de
prizen
foar de minste prestaasjes op filmgebiet) foar minste film en minste senario. Fierders waard
Roger Donaldson
nominearre foar de Golden Raspberry Award yn 'e
kategory
minste
regisseur
en
Tom Cruise
yn 'e kategory minste
akteur
.