U
9 di maghju
he u 129esimu
ghjornu
(u 130esimu ghjornu s'e l'annata he
bisesta
) di u calendariu gregorianu.
Santu
Isaia
Isaia, serebbi natu, da piu a menu, 770 anni nanzu a Cristu. He unu di i piu celebri scrittori di a Bibbia. Serebbi mortu sigatu in dui cu una sega a legne.
I Latini l'anu sempre unuratu u 6 lugliu, ma i Grechi, i Russii e u novu calindariu di a Chjesa di Francia anu messu a so festa u 9 maghju.
In occasione di issa festa, ramintemu a beata memoria di Patre Isaia Grimaldi di u Campulori.
Patre Isaia he natu a u Muchjetu d'agostu 1691, figliolu di Lurenzu Grimaldi e di Maria Franceschi. L'anu battizatu in a cattedrale di Cervioni e l'anu chjamatu Ghjuvan Dumenicu.
S'he fattu frate di San Francescu, in i Minori di l'Osservanza, cu u nome d'Isaia. E' po he partutu in Terraferma. Ha studiatu a filosufia in Roma e a teolugia in Firenze e in Lucca. E' ghje diventatu prufessore.
In u 1728, rivene in Corsica e ghje elettu Pruvinciale di l'Ordine. I tre anni di u so pruvincialatu un so micca stati scuccagnati per via chi ghje tandu chi i Corsi si so rivultati contru a a Republica di Genuva. Isaia si he inframessu e, duie volte, ha ottenutu una tregua. Ma a rivolta duro quaranta anni.
Quandu San Teofilu, di Corti, he venutu in Corsica per crea cio ch'elli chjamavanu un Ritiru, unu di issi cunventi chi avianu una regula severa e duve i frati campavanu in a sulitutine, Isaia Grimaldi l'ha prupostu u cunventu di Cervioni. Ma u Patre Ghjuvanni Angelicu, un Campulurincu, si he oppostu, e San Teofilu ha fattu u ritiru in Zuani.
Dopu a u so pruvincialatu, Isaia parte per Roma, face da teologu a i cardinali Acquaviva e Calcagnini e predicheghja a Quaresima in parechje cita taliane. E so prediche eranu talmente belle chi u so nipote, ancu ellu un frate di san Francescu, l'ha fatte stampa dopu a a morte di Isaia.
A' l'eta di 56 anni, Isaia he malatu di pettu. Si ne volta in Corsica e gira i paesi predichendu. More ottu anni dopu, u 21 marzu 1755, in Tagliu di Tavagna, in a casa di Nucenziu Mari, una sera di timpurale. Dicenu chi, quand'ellu spirava, da l'Isulacciu anu vistu, sopra a a terrazza di a casa di i Mari, unepoche di fiaccule disposte secondu u triangulu misticu di a Santissima Trinita. L'anu interratu a u cunventu di Peru.
Anu contu chi, trenta ore dopu a a so morte, un medicu ha apertu una vena e, per dodeci ore, senza stancia, ne he surtitu un sangue rossu, chjaru, chi un caghjava e chi ha guaritu parechji malati.
Indi i Mari, ancu oghje vi facenu vede a camera di u santu e dui di l'oggetti ch'ellu ha lasciatu: un quadru in legnu cu l'ostia incisa, e un pezzu di quadru in ghjessu cu a Madonna di i Sette Dulori. Avia lasciatu dinu una croce di Lorena in ferru, ma he smarita.
Etimolugia: da l'Ebreu "Yesha'yah" (Iavhe he salvezza).
Nomi: Esaias, Isaia, Isaias, Isaie, Jesaia.
[1]