U
10 uttrovi
he u 283esimu ghjornu (u 284esimu ghjornu s'e l'annata he bisesta) di u calendariu gregorianu.
Santu
Cerbone
.
Cerbone
serebbi natu in l'Africa settentriunale da genitori cristiani. Per fughje i Vandali ariani, si ne vense in Italia. He statu vescu di Populonia, accantu a Piumbinu. Per fughje e persecuzioni lombarde, si ne ando in l'isula d'Elba duv'ellu he mortu u 10 uttobre di l'annu 575. Oghje, e so reliquie so in a cattedrale di Massa Marittima.
A vita di San Cerbone he cunnusciuta soprattuttu grazia a i Dialoghi di San Gregoriu Magnu chi avia digia 35 anni quandu Cerbone morse. U gran papa conta chi u re di i Goti, chi tandu occupavanu a Roma, dete Cerbone a un orsu. Quellu, invece di manghjassilu li lecco i pedi per fa capi chi, versu issu santu omu, i cori umani eranu feroci, allora chi quelli di e bestie eranu quasi umani.
In Populonia, Cerbone dicia a so messa nanzu a l'alba. U populu chi stava in e campagne, si lagno a u papa. Era troppu prestu e un pudianu assiste a l'uffiziu. A scusa di San Cerbone era chi, a issa ora, l'anghjuli li cantavanu a messa, dopu piu. U papa mando dui legati per fa vene a Cerbone in Roma. Cerbone disse a so messa e parti. I legati l'accumpagnonu senza ave avutu u tempu di manghjassi un buccone e di beiesi una candella d'acqua. Per istrada, si lagnavanu da a sete. Allora Cerbone a li caccio, munghjendu duie cerve salvatiche.
"Vai ha vede u papa e un li porti mancu un rigalu" dissenu i legati. Accantu a Roma, Cerbone si paro nanzu una ruchjata d'oche: "U rigalu, ecculu". Prisento l'oche a u papa e po disse a l'ocelli: "Ava andatevine puru". L'oche stinzonu l'ale e si ne andeinu.
U lindumane, Cerbone disse a so messa in chjesa di San Petru, nanzu a u pisa di u ghjornu, in prisenza di u papa. "L'anghjuli un si sentenu canta" disse u papa. "Metti u to pede nantu a u meiu", disse Cerbone. E' u papa intese l'anghjuli chi cantavanu "Gloria in excelsis Deo".
Nanzu di more in l'isula d'Elba, Cerbone disse a i so chierici: "Purterete u mio cadaveru in Populonia, e un temite i Lombardi; vi assicurgu chi un vi feranu nunda". Cusi fecenu. Tramezu a l'isula d'Elba e Populonia, schjatta un tempurale. Da e dui parte di a barca, piuvia chi ne falava ma, sopra a a barca, mancu una goccia d'acqua.
Casate: Cervoni.
Paesi e cita: In Corsica, u cultu di San Cerbone era ancu piu spartu che in Toscana. Piu di 20 chjese l'eranu dedicate. E piu cunnusciute eranu quelle di Gavignanu, Felicepianu, Campi, Ghjuvellina, Zuani, Guagnu e Guzzone. Oghje, he sempre celebratu in Petracurbara e Cerbone he u santu patrone di u Poghju d'Oletta.
[1]