O
hockey sobre chelo
, ye un
esporte
d'equipo,
olimpico
d'
hiberno
. Se chuga en una
pista de chelo
(
rink
) entre dos equipos, a on que tanto os chugadors como os arbitros leban
patins de chelo
(
skates
). Os chugadors se moven patinando sobre o chelo, gosando plegar a altas velocidaz, estando un esporte muit rapedo y espectacular. Se fan servir palos (
sticks
) ta mover y pasar-se un disco (
puck
). L'obchectivo d'o chuego ye meter o disco en a porteria de l'atro equipo (marcar gols). L'equipo que ha marcato mas gols a la fin d'o partiu en resulta ganador.
En
Aragon
l'equipo de hockey chelo mas important ye o
Club Hielo Jaca
, estando o club con mas titols a nivel estatal.
A normativa sobre la regulacion d'o hockey sobre chelo li correspon a la
Federacion Internacional de Hockey Sobre Chelo
(
International Ice Hockey Federation
) en
angles
) u
IIHF
, con seu en a ciudat
suiza
de
Zurich
, que ye qui organiza lo
Campionato d'o Mundo d'hockey sobre chelo
y o
Campionato d'o Mundo d'hockey sobre chelo chuvenil
, amas d'o
Hockey sobre chelo en os Chuegos Olimpicos
.
O esporte d'o hockey sobre chelo naixio en
Canada
, estando inicialment nomas que una imitacion d'o
hockey sobre hierba
, facil que por as condicions climatolochicas d'o suyo pais de naixencia. Os suyos primers praticants estioron
militars
d'orichen
britanico
, que chuugaban mas que mas en as superficies chelatas d'os
lagos
de Canada. En estar un esporte naixito de Canada, en ixe pais s'ha convertito en un autentico "esporte nacional", encara que tamien ye un esporte prou practicato en
Estaus Unius
,
Rusia
,
Suecia
,
Finlandia
y a
Republica Checa
.
O primer partiu
indoor
d'iste esporte estio en a ciudat canadiense de
Mont-reyal
en
1877
, estando chugato por
estudiants
d'a
Universidat McGill
, que estioron amas os definidors d'as normas d'o chuego. En ixas envueltas se feva servir una
pilota
de
caucho
, que dimpues fue substituita por o disco que se fa servir hue, y os equipos yeran formatos por nueu chugadors de campo, amas de chugadors-reserva. Mientres os
anyos 1880
s'estendillo a practica d'o esporte por o pais y s'establioron cuantos equipos. En
1898
Frederick Stanley
,
Gubernador de Canada
, establio un trofeu que leva o suyo nombre, a
Stanley Cup
, que contina hue a suya existencia y que ye o trofeu ta o ganador d'a
National Hockey League
, a Liga profesional d'iste esporte con equipos de Canada y d'Estaus Unius. Alto u baixo en
1895
, o hockey sobre chelo ya s'heba estendillato a os Estaus Unius.