Peru

Piruw Republika (Quechua)

Piruw Suyu (Aimara)
Republica del Peru (Spoansk)


Flaage	Woapen

Woalspruch :

Nationoalhymne : Somos libres, seamoslo siempre

Steede fon Republik Peru

Amtssproake

Quechua , Aymara un Spoansk

Haudstaad

Lima

Stoatsfoarm

Republik

Gebiet
Flache
% Woater

1.285.216 km² km²
0,4%

Ienwoonere ( 2014 )

30.147.935

Munte

Nuevo Sol (PEN)

Tiedzone

UTC -5

Fierdai

28. Juli

Loundkode

PE

TLD

.pe

Telefonfoarwoal

+51

Peru is n Lound in't Waaste fon Suudamerikoa . Die Prasidant fon ju Republik is sant 2016 Pedro Pablo Kuczynski (Stound: Januoar 2018).

Dat rakt junner aiske unnerskeedelke Loundskuppe mad heel ferskeedene Plonten un Dierte.

Peru is bekoand foar sien Fergeenhaid in dat Inka -Riek, dat leeter dan Spoanske Kolonioalismus tou Offer fal. Archaologisk waidfulle Steeden so as ju Ruinen-Staad Machu Picchu tjuuge bit daalich fon do Inka. Man uk dat Quechua , een Sproake, ju al fon do oolde Inka boald wuude, is daalich wier een fon tjo Amtssproaken un wad fon trattien Prosant fon ju Befoulkenge bruukt. Uk dat Aymara , uurs een ienheemske Sproake, is Amtssproake. Man ju wichtichste Amts- un Ferkierssproake is bit daalich dat Spoanske, dat in ju Kolonioaltied atter Suudamerikoa broacht wuude. Tachentich Prosant fon ju peruoanske Befoulkenge baale Spoansk as Muursproake.

In 2007 wieren 81,3 % fon ju Befoulkenge katoolsk un 12,5 % evangeelsk. 3,3 % roaten oun, dat jo een nit apfierde Religion touheere un 2,9 % haabe kweeden, dat jo nit religios sunt. Ap't Lound rakt dat sowat fieuw Prozent minner Katholiken as in'e Staad.

Geographie [ Beoarbaidje | beoarbaidje Waltext ]

Peru lait in't Waaste fon Suudamerikoa , loangs dat Ouger fon dan Pazifisken Ozean . Atter sien Flakte is Peru mad 1.285.216 km² dat traadgrootste Lound fon Suudamerikoa . Gratter sunt deer bloot Argentinien un foaraaln Brasilien .

Loundskuppe in Peru [ Beoarbaidje | beoarbaidje Waltext ]

Peru deelt sik groaf fon't Waaste atter't Aaste in tjo Loundskuppe. In't Waaste, oun'n Pazifik, lait ju Kustenloundskup (Costa), ju fon Woiste bestimd is. In't Aaste lait ju Bierichloundskup (Sierra) ju fon do Anden un ju Hoochieuwene, dan Altiplano mad dan Titicaca-See bestimd is. Die hoochste Bierich fon Peru is die Waskaran (spoansk: Nevado Huascaran ) mad 6768 Meetere. In dat Bierichmassiv Nevado Mismi lait wildaage ju Haud-Walle fon dan Amazonas , man dat is striedich. Ap alken Faal haabe moorere wichtige Wal-Aien fon dan Amazonas hieren Uursproang in ju "Sierra" fon Peru. Aastelk fon ju "Sierra" lait ju "Selva", die Holtbusk. Dat is eerste tropisken Bierichwoold un faare atter't Aaste tropisken Rienwoold .