Coordinadas : 22°16′42″N 114°09′31″E  /  22.278333°N 114.158611°E 22.278333; 114.158611

Hong Kong (pr. cantonesa [hœːŋ?.k?ːŋ??]; in mandarinu 香港S, Xi?ngg?ngP, literalmente "portu perfumadu") est, comente Macau , una regione amministrativa ispetziale de sa Tzina .

Situada in sa costera meridionale de sa Tzina intra de su delta de su riu de sas Perlas e su Mare Tzinesu Meridionale , sa tzitade est famada pro sa skyline poderosu e pro su portu naturale funduru. Cun una subrafache de 1.104 km2 (aprossimadamente comente sa Tzitade metropolitana de Casteddu ) e una populatzione de sete milliones de persones, Hong Kong est una de sas areas prus densamente pobuladas de su mundu. Su 95% de sa populatzione de Hong Kong est de etnia tzinesa, mentras su chi abarrat 5% pertenet a unos ateros grupos. Su grupu etnicu tzinesu majoritariu de sa tzitade, sos Han , tenet origine printzipalmente in sas tzitades de Canton e Taishan in sa provintzia de su Guangdong , chi s'agatat a curtzu de Hong Kong.

Hong Kong fiat fata colonia de s' Imperiu britannicu a pustis de sa prima gherra de s'Opiu (1839-1842). Originariamente limitados a sa sola Isula de Hong Kong , sas lacanas de sa colonia fiant isterridas, in su 1860 , fintzas a incluere sa penisula de Kowloon e a pustis ateros territorios in su 1898 . Sa regione est istada a fatu brevemente ocupada dae su Giapone durante sa gherra de su Patzificu , pro torrare a pustis in suta de su controllu britannicu, acabadu in su 1997 cando sa Tzina nd'at torradu a balangiare sa supervisione. S'istoria de Hong Kong at influentziadu sa cultura sua - chi fatu·fatu est descrita comente "s'Oriente chi atobiat s'Otzidente" - e su sistema educativu chi at persighidu su sistema inglesu finas sas reformas atuadas in su 2009.[14]

In base a su printzipiu " una Tzina duos sistemas ", Hong Kong possedit unu sistema politicu diferente de sa Tzina continentale.[15] Su funtzionamentu de sa magistradura indipendente dae su istadu funtzionat segundu su modellu de ordinamentu giuridicu de su Common law . Sa Hong Kong Basic Law , su documentu costitutivu suo, istabilit chi sa regione godet de unu gradu artu de autonomia in totu sos aspetos, foras chi in sas relatziones esteras e in sa defensa militare.[18][19] Noantimes Hong Kong possedit unu sistema multipartiticu ricu, unu eletoradu minore cuntrollat sa metade de sa legislatura sua. Su Chief Executive of Hong Kong (Capu Esecutivu de Hong Kong), su capu de su guvernu, est seberadu dae unu comitadu eletorale chi bariat dae 400 a 1.200 membros, unu sistema chi at a essere in vigore pro totu sos primos 20 annos de dominiu tzinesu.

Hong Kong est unu de sos tzentros finantziarios internatzionales prus importantes de su mundu e bantat economia isvilupada capitalistica basada subra su setore de sos serbitzios e caraterizada dae unu bassu imponimentu fiscale e de su liberu iscambiu. Sa moneda, su Dollaru de Hong Kong, est sa de oto monedas prus iscambiadas a su mundu. Sa farta de logu e su numeru de bividores e de infrastruturas creschende, ant portadu sa tzitade a tennere una densidade manna de fabricos, faghende·nche sa tzitade prus verticale de su mundu. Is tzitadinos de Hong Kong bantant unu de sos reditos peromine prus artos a su mundu. Sa densidade at portadu fintzas a s'isvilupu de una retza avantzada de trasportos publicos. Sos tzitadinos chi nde gosant sunt superiores a su 90%, su perchentue prus artu de su mundu. Hong Kong mentenet posiduras artas in numerosas classificas internatzionales. Pro esempru, in sa libertade economica, in sa cumpetitividade economica e finantziaria, in sa calidade de sa vida , in su cuntrastu a sa corrutzione e in s'inditu de isvilupu umanu, sa regione est semper classificada in sas primas posiduras. Segundu sas istimas siat de s' ONU siat de s' OMS in su 2012 Hong Kong at tentu su prus longu isperu de vida de cale chi siat atera regione de su mundu.

Ateros progetos [ modifica | modifica su codighe de origine ]

Wikimedia Commons tenet files chi ligant a: Category:Hong Kong