Demokratiske Volksrepublik Algerye ????????? ????????? ??????????? ??????? ( arabisk ) al-Jumh?riyya al-Jaz??iriyya ad-D?muqr??iyya a?-?a?biyya Republique algerienne democratique et populaire ( fransk)
Kaarte van Algerye
Informasie
Sproaken	arabisk (officieel), berber (officieel), fransk
Heufdstad	Algiers
Regeringsvorm	republik
Laand en inwonners
Oppervlakte - Water	2.381.741 km² 1,1%
Inwonners - Dichtheid	44.700.000 17,7 inw./km²
Koordinaten	36° 42′ N , 3° 13′ O 36.7 3.2166666666667 Koordinaoten: 37° N , 3° O
Oaverig
Volksleed	Kassaman ("Wy swearet")
Munteenheid	algerynsken dinar ( (DZD) )
Tiedzone	UTC+1 (CET))
Web | Kode | Tel.	.dz ???????. | DZ | 213

Algerye , officieel de Demokratiske Volksrepublik Algerye is en land in de Maghreb -streake van Noordafrika . Wat uppervlak angeyt is et et groatste land van Afrika en de arabiske wearld. Et grenst in et noordousten an Tunesie , up et ousten an Libie , up et suudousten an Niger , up et suudwesten an Mali , Mauritanie en de Westelike Sahara , up et westen an Marokko en up et noorden an de Middellandsken sey . Et land is halvverdroygd. Et meyste volk woant in et vruchtbare noorden. Et suden van et land ligt voar en grout deyl in de Sahara . In Algerye woanet 44 miljoon lude up ne uppervlakde van 2.381.741 kilometer in et veerkant. De groatste stad is hoyvdstad Algiers , wat by de Middellandsken sey an de kuste ligt.

Voar 1962 was Algerye et land van voale keiserryken en heyrskers, warunder de numidianen . feniciers , kartagenen , romeinen , vandalen , bysantynen , umayyaden , abbasiden , rustamiden , idrisiden , aghlabiden , fatimiden , ziriden , hammadiden , almoraviden , almohaden , zayyaniden , spanjaarden , ottomanen en uutendelik et franske koloniale ryk . Et groatste deyl van de inwoaners is berber en islamitisk . De officiele spraken van et land sint arabisk en berber . In administrative saken en underwys is et fransk in bruuk. De meystsproakene sprake is algerynsk arabisk .

Algerye is ne halv-presidentiele republik . Der sint 58 provincys en 1541 gemeynskappen. In Noordafrika is Algerye nen groutmacht, up et wearldtoneyl van doarsneade beduding. Et hevt de hoygste Menskelike UntwikkelingsIndex van alle kontinentaal-afrikaanske landen en eyne van de groatste ekonomyen van et wearlddeyl, voar et groatste deyl te danken an energyuutvoor. Up vyvteen landen na hevt Algerye de groatste oalyvoarraden van de wearld en de neagendegrotste natuurlike gasbel van de wearld. Sonatrach, et nationale oalybedryv, is et groatste bedryv van Afrika. See leyveret groute gasvoarraden an Europa . Algerye hevt eyne van de groatste leagers in Afrika en et groatste defensybudget up et wearlddeyl. Et is lid van de Afrikaanske Uny , de Arabiske Liga , OPEC , de Vereynigde Natys . Et is meduprichter van de arabiske Maghreb-uny.

Dit artikel is eskreaven in et twentsk , in de Nysassiske Skryvwyse .