A
nuvia
a l'e 'na massa ciu o meno esteiza de goccettine d'
ægoa
, de minuscoli crestalli de
giacca
o de
gocce
e crestalli mescciæ, in sospenscion inte l'
aia
, de spesso e denscitæ tæ da impedi ciu o meno a vista do
ce
.
Percose spesso animæ da di moti scimili a quelli de nuvie ordinaie, de
masse d'aia
inglobante di produti radioattivi de esploxoin nucleæ atmosfeeghe vegnan inte l'uzo corente denominæ, sciben che impropriamente, nuvie radioattive. Otr'a co, pe estenscion, o termine nuvia o s'adœuvia pe indica di amasci de
vapoi
despægi da-o
vapo d'ægoa
e di agglomeræ de mateia cosmica o stellæ.
E nuvie se forman pe
condensacion
do vapo ægoo contegnuo inte l'aia, a prœuvo a raffreidamento de l'aia mæxima. A condensacion a l'ha comenco in genere quande l'
umiditæ relativa
a l'e maggio do 100%, saiv'a di quande l'aia l'e sorvesatura; inte queste condicioin o vapo ægo o condensa in goccettine de raggio ben piccin, generalmente in gio a de particelle microscopiche sollide, dite
nuclei de condensacion
.
E goccettine che costituiscian una nuvia gh'han in diametro ch'o va da quarche
micron
a quarche dexena de micron; queste pœuan tuttavia aomenta de dimenscioin, segge pe urteio condensacion de vapo aqueo segge pe coalescenca con di atre goccettine.
L'accrescimento pe condensacion o l'e facilitao da-o fæto che, a man a man che o raggio da gocca o l'aomenta, a tenscion de vapo a diminuisce e l'e quindi suffixente un'umiditæ relativa via via meno pe fa condensa o vapo; l'accrescimento o vegne pero limitao da-o calo de condensacion, ch'o fa aomenta a
tempiatua
de l'aia circostante e diminui l'umiditæ relativa.
A coalescenca a s'ha quande una gocca a l'ha razonto de dimenscioin maggioi de gocce circostante e quindi a mescia rispetto a queste, intrando facilmente in collixon con liatre e aggregandosie. A velocitæ d'acrescimento de goccettine a dipende da-a quantitæ de vapo d'ægoa prezente, da-a tempiatua e da-a velocitæ de rafreidamento de l'aia, da-a concentracion di nuclei de condensacion e da quella de goccettine mæxime. Quande o peizo de gocce o vegne maggio da spinta ascensciona de l'aia, liatre cazzan formando e precipitacioin. O contegnuo d'ægoa de nuvie o varria inte di limmiti assæ vasti, ma o l'e sempre de l'orde de pochi grammi, o scina de meno, pe metro cubbo. Quande a tempiatua a china a-o de sotta de 0 °C se pœu forma di
crestalli de giacca
, in parte pe
sublimacion
do vapo in gio a di nuclei de sublimacion, ma sorvetutto pe conziamento de goccettine d'ægoa; questo segondo processo asci, ch'o pa ese o ciu frequente, o l'e favoiio da-a prezenca de nuclei estrannei: in assenca de questi, de fæto, e goccetine pœuan aresta a-o
stato liquido
(sorvefuze) scin a de tempiatue de ?15 °C e scina minoi.
O rafreidamento de l'aia, ch'o provvoca a condensacion do vapo d'ægoa, o pœu avegni a caoza de varri procesci. Quello ciu importante l'e costituio da l'
espanscion adiabatica
de l'aia ummida inti so moti ascenscionæ; questi pœuan produise pe convecion natura, dovua a l'instabilitæ de l'aia quande a diminucion de tempiatua con l'atecca a segge maggio do gradiente adiabatico, o pe scorimento ascendente de una massa d'aia cada sorve una massa d'aia freida (asceiza fronta), o pe ascendenca orografica, dovua a di rilevi montooxi, o, inti stræti ciu vexin a-o
sœu
, pe turbolenca. Un atro processo de raffreidamento, essencialmente no adiabatico, o l'e dovuo a-o contatto de l'aia co-o sœu ch'o se raffreida pe
irraggiamento
, o a l'iraggiamento mæximo de l'aia. A condensacion a pœu, otr'a co, avegni pe mescciua de masse d'aia a tempiatua e umiditæ despæge, con formacion de una region de contatto inta quæ l'aia a vegne satura, opu pe l'aomento progrescivo d'umiditæ relativa dovuo a l'evapoacion de superficie liquide o ummide, umiditæ ch'a pœu ese trasporta verso l'ato da-a turbolenca. A segonda di procesci de condensacion e de caratteristeghe dinamiche de l'atmosfea, se produxe de nuvie de aspetto e costitucion despægi.
Da-o punto de vista dinamego e nuvie se pœuan clascifica inte doe grende classe: e nuvie stratificæ e e nuvie convettive (o cummoli). E nuvie stratificæ, avente un'estenscion orizzonta conscidereive (scina de centanæa de km), son produte da di moti ascenscionæ lenti (velocitæ vertica de l'orde di cm/s), comme pœu avegni, prez., int'o scuggiamento de masse d'aia cada sorve de masse freide; i cumoli, ch'han invece noteive estenscion vertica, son produti da de corente convettive avente velocitæ de l'orde de despægi metri a-o segondo, provocæ da 'n instabilitæ de l'atmosfea.
D'inte ste doe classe fondamentæ s'ha una gran varietæ de forme, e l'attoa clascificacion internaciona di tipi de nuvie, baza in sce quella proposta da
Luke Howard
into
19° sec.
, a l'e in realtæ una clascificacion morfologica. A l'elenca 10 generi principæ, di quæ 8, comprendenti e nuvie stratificæ, son sudivixi convencionalmente in nuvie ate (fra 6000 e 12.000 m de atecca), nuvie meddie (fra 2000 e 6000 m) e nuvie basse (a-o de sotta de 2000 m), e 2 comprendan i cumoli. Ta clascificacion morfologica a pœu consciderase asci una clascificacion fixica, in quante a forma de nuvie a l'e necessaiamente indicativa do particola stæto dinamego e termodinammego de l'atmosfea e di procesci che in questa han lœugo, sciben che un determinao genere de nuvie o pœu in realtæ avei origine inte di procesci diferenti.
- E nuvie ate son i
ciri
, i
cirostrati
e i
cirocummoli
e son squæxi completamente formæ da di crestalli de giacca.
- I ciri, o ciri, gh'han un aspetto fiamentozo e delicao, son de co gianco e se pœuan presenta izoæ o disposti irregolarmente into ce.
- I ciro-stroei o ciro-strati forman un vello sotti, latixinoso, ricrovinte spesso tutto o ce, tavotta con struttua fibroza, e dan de frequente lœugo a di cerci in gio a-o
So
e a-a
Luna
; se produan pe lento sollevamento de l'aia in sce 'na gran estenscion orizzonta.
- I ciro-cumoli son constituii da di gruppi ordinæ o da de fie parallele de picceni fiocchi gianchi (o cosci dito "ce fæto a pan"), che se forman da-i cirostræti quande in questi se produxe una certa instabilitæ con di moti convettivi verticæ.
- E nuvie mezane, constituie da de goccettine d'ægoa, comprendan i
atostrati
e i
atocummoli
.
- I ato-strati son velli striæ de co grixo bluastro, con spesso de quarche centanæa de metri, che crœuvan spesso gran parte do ce e son originæ, in genere, pe asceize frontæ.
- I ato-cumuli son costituii da fiocchi o globuli de dimenscioin maggioi di ciro-cumuli o da rolli, che tavotta se forman da-o desciorvimento di ato-stroei.
- E nuvie basse comprendan i
strati
, i
stratocumuli
e i
nembostrati
.
- I strati, o stroei, son banchi de spesso uniforme de quarche centanæa de metri, scimmili a
neggia
ata, formæ frequentemente pe innacamento d'aia ummida dovuo a turbolenca.
- I strato-cumoli son costituii da di grosci amasci oscui riondezanti, rœunii soventi a forma di ampi banchi a andamento orizonta; questi pœuan avei origgine da-i stroei quande, pe inraggiamento termico da-a superficcie supeio de questi e pe-o conseguente rafreidamento de l'aia, se produxe in lo un'instabilitæ ch'a da lœugo a di moti convettivi ascendenti e descendenti.
- I nembo-strati en masse dense, uniforme, ben esteize orizzontalmente, da-e quæ cazze 'na precipitacion a carattere continno.
- E nuvie convettive comprendan i
cummoli
e i
cumulonembi
; g'han sviluppo vertica, co-a sommitæ a forma de cuppola o de ciu cuppole, opu de masse riondezante e a base, corispondente a-i livelli de condensacion (1000-2000 m), squæxi orizzonta.
- Quande l'aia a l'e instabile solo scin a un'atecca poco superio a-o livello de condensacion, se forma i cummuli de bello tempo, scarsamente sviluppæ segge in atecca segge in estenscion orizzonta.
- Se l'instabilitæ a s'estende scin a de quote ben ciu elevæ, e corente convetive ascenscionæ procedan con velocitæ crescente scin a de gren atecce (6000-7000 m) formando di cumuli torezanti sempre ciu imponenti, scin a-o cumulo-nembo, formacion nuvioza de dimenscioin enorme, a sommitæ da quæ a s'alarga a
anchizze
a caoza de l'aresto di moti ascenscionæ dovuo a un strao stabile; da questa sciorte i ciri densci, o fasci ciri, costituii da crestalli de giacca. O cumolo-nembo o l'e a tipica nuvia temporalesca, ch'a da lœugo a precipitacioin, ramæ d'ægoa e
gragnœua
.
Pe tegni conto do gran numero de forme che e nuvie pœuan assumme, a clascificacion internaciona a sudividde i varri genneri in specce e varietæ, con attribuii che ne rapprezentan e particolaritæ morfologiche.