Dit artikel is gesjreve (of begos) in 't
Nuts
. Laes
hie
wie v'r mit de versjillende saorte Limburgs omgaon.
Logo van Wikipedia
Wikipedia
is e projek va de
Wikimedia Foundation
, ing organisatie zonger winsougmirk. 't Doel va Wikipedia is om in jieeker taal 'ne komplieete, rechtevrie
encyclopedie
te sjrieeve.
Behauve typische encyclopedie-artikele bevat Wikipedia ouch informatie die deks in verbandj gebrach weurt mit
almanakke
, specialitische tiedsjrifte en zake die in 't nuujs zunt.
Drie hoofkarakteristieke diffenieere de niesj va Wikipedia op 't
World Wide Web
:
- 't doel is veural om 'n encyclopedie te waere
- 't is 'ne
Wiki
, dae doer
jieekerinne
kint waere verangerd (behauve doer geblokkierde gebroekersj en de besjermde pagina's).
- 't is vrieje content, en maak gebroek van de
copyleft
GNU Free Documentation License
.
Wikipedia is begos op 15 januari
2001
, allein in 't
Ingelsj
. De ieesjte angesjtalige versie, in 't
Frans
, is begos op 23 mieert 2001. De versie in 't
Nederlands
is begos op 19 juni 2001. Eind 2010 besjtet de Ingelsje versie oet miee as 3.400.000 artikele.
De
Limburgse
Wikipedia is begos in september
2004
, mer de ieesjte echte artikele zunt va december va dat jaor. In de winter van 2005 is dit projek hel gegrujd, tot bienao 500 artikele taege 't eind van mieert. Op dit moment haet de Limburgse Wikipedia 14894 artikele.
Wikipedia is 'ne
wiki
, 'n
website
woee edere bezeuker de artikele kint verangere en woee dees verangeringe meteen doergeveurd weure. Artikele weure neet gecontrolleerd doer aangeweze gebroekersj of speciaal editors, en de vriewillige auteursj waarsjuwe dat contributies zonger genade collectief waere verangerd. 't Is neet nuuedig dat auteursj expertise of formeel kwalificaties hobbe in de ongerwerpe woeemit ze zich bezighoute, wat e punt van kritiek is veur sommige.
