Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
De
RMS Titanic
waas e passenzjeerssjeep det deil oetmaakdje vanne
Olympic-klasse
en in bezit waas vanne sjeepsmaotsjappie
White Star Line
. 't Waas geboewdj geworen oppe Hardland and Wolff-sjeepswerf in
Belfast
. 't Waas de grotste passenzjeersstoumboeat oppe werreld toe 't te water gelaote woort. 't Sjeep waas gemendj veure transantlatische reize.
Inne nach van
14 april
1912
, wie 't sjeep veuren ieeste kieer oetvoor, raakdje de Titantic 'nen
iesberg
en twiee oer en fieertig menuut later, hieel vreug op
15 april
1912
zonk 't sjeep. Es e gevolg vanne sjeepsramp verlore 1.517 luuj 't laeve, waat 't eint vanne zwaorste zieevaartongelokke maak in vraejestied. 't Hoeag sterfdjesiefer haet te make mit 't neet dao zeen van zat reddingsboeate; al waas det waal zat veure regulering van daen tied. Dao zeen disproportioneel vaol manskaerele gestorve, doordet 't beleid bie 't volle vanne reddingsboeate waas det vrouwlje en kinjer iees geredj moste waere.
De Titanic waas gemaak mitte modernste technologie van daen tied en woort ouch omsjreven es onzinkbaar, waat de sjok vanne ramp nag grotter maakdje. De kapitein op 't sjeep waas
Edward Smith
.
De Titanic is ummer de verbeelding blieven aanspraeke doordet vaol slachoffers bekandje luuj woren en de maritiem wetgaeving drastisch is aangepas nao de ramp. In
1985
woort 't wrak trogkgevonje, wodoor vaol miee bekindj woort euver waat zich pront aafgespeeldj haw. 't Wrak ligk in drie groeate deiler en hieel vaol klender resten op 'n deepdje van zoea 3800 maeter oppe baom vannen
Atlantischen Oceaan
.