Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
John Ronald Reuel Tolkien
(
Bloemfontein
,
3 januari
1892
-
Londe
2 september
1972
) waor 'ne
Britse
filoloog
en sjriever vaan
fantasy
-
romans
. Zien merites ligke dao-in, tot heer, door absoluut te excellere, in e
zjanre
wat door critici neet es
literatuur
weurt gezeen toch werke wis te sjaope die algemein gewaardeerd weure en die me deks bij oetzundering toch tot de literatuur rekent. Zien beuk
The Hobbit
,
The Lord of the Rings
en
The Silmarillion
weure hiel vaol geleze en de figure oet
zien fantasiewereld
zien begrippe gewore in de daogelekse spreektaol.
Tolkien woort in 1892 in de
Oranje-Vrijstaot
, daan nog zelfstendeg, gebore, es zoon vaan Arthur Tolkien en Mabel Tolkien-Suffield. Heer had ei broor. Met drei jaor gong heer nao Ingeland veur e femiliebezeuk; wie ziene vaajer in Zuid-Afrika storf bleve ze dao evels. Al vreug begos zien moojer haom en zie broor priveles te geve, ouch in
Latien
, wat Tolkiens levelings"vak" woort.
In
1904
storf zien ma en es wees woort heer oondergebrach in 't katheliek Birmingham Oratory. In zien puberteit begos heer 'n groete interesse veur kuns te oontwikkele en lierde heer vaol taole, boe-oonder
Fins
, wat de veurnaomste inspiratiebron zouw weure veur de elfetaol
Quenya
. Heer raakde verwikkeld in 'n romantische leefde veur Edith Bratt, die zien inspiratie waor veur de elf
Luthien
en boemet heer in
1916
trouwde. Ze zouwe veer kinder kriege. In
1915
studeerde heer aof aon de
Universiteit van Oxford
; in 1915 en 1916 voch heer in d'n
Ierste Wereldoorlog
, o.a. in 't berochde gevech in de
Slaag aon de Somme
.
Nao nog e paar jaor bij 't
Oxford Dictionary of English language
gewerk te hobbe woort heer in
1920
lector
in
Leeds
en in
1925
beneump tot
professor
te
Oxford
. Dao bleef heer docere tot zie pensioen in
1959
, boenao heer tot zienen doed bleef sjrieve euver Middel-Eerd.
In
1937
bouwde heer um de vaol kunstaole die heer bedach had 'n fantasiewereld en 'n verhaol:
The Hobbit
. 't Verhaol waor oorspronkelek veur zien kinder bedoeld, meh wie heer 't oetgaof, bleek 't nog mie gepas veur volwassene. Zienen oetgever vroog daan ouch um e vervolg. De perfectionistische Tolkien werkde dat vervolg ummer wijer oet, tot de doezend pazjena's tellende roman
The Lord of the Rings
in
1954
en
1955
in drei deile woort oetgegeve.
In de jaore zesteg woorte de beuk immens populair, veural oonder studente, en Tolkien werkde intosse aon verklaorende gesjrifte euver de taole en historie vaan 't land. Ouch sjreef heer 'nen daarde roman euver 't land:
The Silmarillion
. Dit is gei vervolg op
The Lord of the Rings
meh speult vaol ieder. Heer leet 't book bij zienen doed oonaofgemaak achter; ziene zoon
Christopher Tolkien
maakde 't aof.
Fictie en poezie, bij leve gepubliceerd
[
bewirk
|
bron bewerke
]
Academisch werk, bij leve gepubliceerd
[
bewirk
|
bron bewerke
]