Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Bermuda
is 'n eiland in de
Atlantische Oceaan
en 'n euverzees gebied vaan het
Vereineg Keuninkriek
. Het ligk naoventrint 1770 km. vaan de kus bij
Miami
en naoventrint 1350 km. vaan de kus bij
Halifax
. Ouch is Bermuda 't aajdste euverzees gebied vaan het Vereineg Keuninkriek.
Allewel 't eiland normaal es ein entiteit geneump weurt besteit 't oet naoventrint 138 eilendsjes met 'n oppervlakte vaan 53.3 km². Met betrekking tot de naomenclatuur kin me zegke tot Bermuda 'n meujeleke situatie heet; me heet neiginge gehad tot 't dobbel gebruke vaan naome op 't eiland en vaan mierdere naome gebruke veur ein plaots.
Bermuda is verdeilt in nege parochiee naomelek:
Bermuda is oontdek in 't begin vaan d'n 16e iew. Me kint zeker zien vaan ontdekking veur of in 1511 wienie Peter Martyr d'Anghiera zien
Legatio Babylonica
publiceert boe Bermuda geneump weurt. Toch woort 't eiland oorsprunkelek neet gekoloniseerd meh gebruuk veur 't bijlaoje vaan
Spaanse
en
Portugese
sjepe.
54.8% vaan de Bermudiaanse bevolking is aofkomstig vaan Afrikaanse volkere, 34.1% is blaank en 6.4% is gemixt. 't Land heet ouch 'n kleine meh greujende Aziatische bevolking. Aander groppe zien vaan bv. Autochtoon-Amerikaanse ("indiaanse") aofkoms en ouch groppe aofkomstig vaan Portugal en Portugese (koloniaole) bezittinge wie de
Azore
. Heidoor is ouch te verklaore boerum 'n gedeilte vaan de Bermudiaanse bevolking
lusofoon
is.
Neve de "permanente" Bermudiaanse bevolking zien er ouch lui die voor bedrieve werke die veural um economische reie op 't eiland zitte. Dees lui koume veurnaomelek oet 't
Vereineg Keuninkriek
,
Canada
en de
Vereinegde Staote vaan Amerika
.