Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Andzrej Duda in 2019
Andrzej Sebastian Duda
(
16 mei
1972
,
Krakau
) is
politicus
,
advocaat
en d'n allewijle
prizzedent
vaan
Pole
sinds
6 augustus
2015
. Heer heet ziech in de twie prizzedentsverkezinge opgesteld es 'nen oonaofhaankeleke kandidaot. Evels is heer al sinds
2005
aktief es politicus in de
conservatief
-
nationalistische
partij
Prawo i Sprawiedliwo??
(PiS,
Rech en Justitie
). Die partij zit op
EU
-niveau in de
Europese Conservatieve en Reformers
(
ECR
), boe ouch de
Belzje
N-VA
, de
Duitse
Familienpartei Deutschlands
en de
Nederlandse
FvD
bij zitte.
Veurtot Andrzej Duda prizzedent woort, waor heer vaan
2011
bis
2014
lid vaan 't Poolse
liegerhoes
Sejm
(wie de Belzje
Kamer vaan Vertegeweurdegers
, de Nederlandse
Twiede Kamer
en d'n Duitse
Bundestag
). Vaan
2014
bis
2015
waor heer lid vaan 't
Europees Parlemint
.
In de ierste prizzedintsverkezinge (
2015
) won Duda in de twiede roonde 51,55%, boemet heer de zittende prizzedent
Bronisław Komorowski
versloog. In
2020
won heer de verkezinge in de twiede roonde vaan
Rafał Trzaskowski
met 51,03% vaan de stomme. In beij gevalle prizzentierde Duda ziech es oonaofhaankeleke kandidaot met de steun vaan de regieringspartij
PiS
en gong heer de strijd aon met kandidaote vaan de
christendemocratische
en mie nao
liberalisme
neigende partij
Civiel Platform
.
Prizzedentsjap (2015 bis allewijl)
[
bewirk
|
bron bewerke
]
Zien prizzedentsjap weurt tot noe touw gekaraktriseerd door felle tegestand contra 't veurgestelde vlochtelingequota vaan de
EU
in de
Europese migrantecrisis
, zien oppositie contra
LHBT
-activisme, zien poging um hechtere ben te sjoppe tosse Pole en
China
en zien rol in de constitutionele crisis vaan Pole.
Allewel Duda en de PiS-regiering deks woorte bekritiseerd veur 't aoftakele vaan de
Rechstaot
door middel vaan 't oontslaon vaan rechters die neet regieringsgezind zien, heet Duda ziech op cruciaol mominte tege de PiS-regiering gekierd. Zoe heet Duda met zien vetorech twie wetsveurstelle in
2017
tegegehawwe die rechters aonzienlek minder mach zawwe geve en heet heer in
2016
geweigerd tien rechters te nominere die geselcteerd waore door de nationaole raod.
In fibberwarie
2018
oonderteikende Duda 'n wet die 't illegaal maakde um "de Poolse natie" te besjoldege vaan de
Holocaust
en aandere misdaode vaan de
Nazis
. D'n
Israelische
premier
Benjamin Netanyahu
besjreef de wet es "holocaustoontkenning".
In juli
2020
stelde Duda veur um 't verbod op homokoppels um te adoptere deil te make vaan de Poolse constitutie. Zien handtekeining veur 'n ierste opzet veur die touwvoging kaom op
6 juli
. Duda veroontsjoldegde ziech evels nao de verkezinge dat jaor veur meugeleke kwetsende boodsjappe nao bepaolde groppe binne de Poolse bevolking.
Duda heet op versjellende mominte lovende complimente gekrege vaan de
VS
-prizzedent
Donald Trump
. Daoneve maakde Duda en Trump op
24 juni
2020
bekind tot versjellende Amerikaanse troepe vaan
Duitsland
nao Pole zawwe weure verplaots. Duitsland zaw volges Trump te wieneg betaole aon
NAVO
um zoevaol Amerikaanse troepe te mage hobbe, wijl Pole "ein vaan de wienege len" zaw zien die wel zien financiele verpliechtinge naokump.