Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Oosteriek
(
Osterreich
) is e land in Midde-
Europa
, in de
Alpe
en gans umringk door land. 't Grens aon
Duitsland
,
Liechtenstein
,
Zwitserland
,
Italie
,
Slovenie
,
Kroatie
,
Tsjechie
,
Slowakije
en
Hongarije
. De revier de
Donau
struimp door dit land. Hoofstad is Wene; aander stei zien
Graz
,
Insbruck
,
Klagenfurt
,
Linz
en
Salzburg
.
De inweuners vaan 't land heite de
Oesteriekers
.
Wie Duitsland is Oosteriek opgedeild in
Bundeslander
, die 'nen historische basis hobbe en otonomie bezitte.
De officieel taol is 't Duits. Volkstaol veur 't groetste deil vaan de bevolking is
Beiers-Oosterieks
; 'ne grop Hoegduitse dialekte. In Vorarlberg is de volkstaol neet Beiers, meh
Hoegalemannisch
. In de grensgebejer zien soms aander taole ouch offesjeel, naomelek
Sloveens
,
Kroatisch
(
Burgenlandkroatisch
) en
Hongaars
. De minderhede in dees gebejer stoon oonder drok.
Nao achterein door de
Roemeine
, de
Hunne
, de
Lombardiers
, de
Oosgote
, de
Beiere
en de
Franke
te zien veroverd kaom Oosteriek vaan
976
tot
1248
oonder 't geslach
Babenberg
. Daonao woorte de Babenberge door de
Habsburgers
opgevolg, die Oosteriek tot in de
twintegste iew
zouwe blieve regere.
Nao de opheffing vaan 't
Heileg Roems Riek
in
1806
woort 't
Oosterieks Keizerriek
gestiech, wat in
1867
getransformeerd woort tot de
Donaumonarchie
. Nao 't verleus in d'n
Ierste Wereldoorlog
, woort 't land opgeplits in 'n aontal kleiner oonaofhenkeleke staote, boebij Oosteriek achterbleef wie 't noe is.
In
1918
woort Oosteriek 'n
rippebliek
, die bleef bestoon tot
1933
wie kanselier
Engelbert Dollfuß
'n
dictatuur
vestegde. In
1938
woort Oosteriek geannexeerd door
Nazi-Duitsland
(dit is bekind gewore es de
Anschluss
). Nao de euvergaaf vaan de nazi's aon 't eind vaan de
Twiede Wereldoorlog
bezetde de geallieerde Oosteriek krachtes de
Conferentie vaan Potsdam
.
In
1955
verlete de geallieerde 't land dat weer volledeg oonaofhenkelek woort en ouch tot de
Vereinegde Naties
touwtrooj, oonder de veurwaarde tot 't land neutraal zouw blieve. Nao 't valle vaan 't
Iezere Gordijn
raakde 't land mie en mie betrokke bij de
EU
, boe 't in
1995
bij kaom. In
1999
kaom 't land in opspraok wienie de rechs-populistische
FPO
in de regering kaom. Ouch in de
jaore 2010
spaolde rechse sentiminte in 't land sterk op.