Abad Renaisans utawa Jaman Renaisans yaiku jaman lair ulang kabudayan Yunani - Romawi ing Eropah nalika abad kaping 15 nganti 16 M. ^[1] Kadadean iku kawiwitan sawise ana prabawa saka agama Kristen ing kabudayan sing wis ana. ^[1] Nanging, wong-wong ing jaman saiki wis nggoleki pathokan utawa panutan anyar kanggo ngganti kabudayan Yunani-Romawi kang wis misuwur kanthi apik. ^[1] Kabudayan klasik iki uga dipuja lan didadekake panutan kabeh peradaban manungsa kang ana. ^{[1] [2]}

Kabudayan Yunani-Romawi iku kabudayan kang manggonake manungsa dadi subjek utawa sing nglakoni kang utama. ^[1] Salah sijine yaiku Filsafat Yunani , ing kono nuduhake yen manungsa iku makluk kang duwe pikiran lan mikir salawase ngenani donya lan nentokake apa kang kudu dilakoni supaya bisa urip, lan bisa oleh kamulyan ( eudaimonia ). ^[3]

Ing kasustran Yunani, tuladhane carita ngenani Odisei dening juru gurit Yunani Kuna, Homerus kang nyritakake babagan wanine manungsa mubengi donya sautuhe kanthi kebak tantangan lan carita pengalaman anyar. ^[3] Arsitektur gaya Yunani-Romawi nggambarake yen manungsa iku bisa nggawe sesambungan kang tentrem ing antarane donya ukum, kakuwatan, lan kaendahan. ^[3] Saliyane iku, Bangsa Romawi uga duwe kaprigelan ing babagan organisasi. Kabeh iku mau nuduhake yen kabudayan Yunani-Romawi menehi panggon kang utama kanggo manungsa kang ana ing kosmos . ^[3]

Cathetan suku [ besut | besut sumber ]