Budaya mall ing
Jakarta
. Fenomena mekaripun mall-mall ing sadaya pelosok donya nedahaken sampun dumadosipun globalisasi.
Globalisasi
punika satunggiling istilah ingkang gadhah sesambetan kaliyan paningkatan silih-gandheng lan silih-gumantung antarbangsa lan antarmanungsa ing saindhenging donya lumantar perdagangan, investasi, lelampahan, budaya populer, lan wujud-wujud
interaksi
ingkang sanes saengga wates-wates satunggiling
nagari
dados samar.
Ing kathah prakawis, globalisasi gadhah kathah karakteristik ingkang sami kaliyan
internasionalisasi
saengga kakalih istilah punika asring silih-gentos. Sabageyan pihak asring ngginakaken istilah globalisasi ingkang sesambetan kaliyan saya kirangipun peran
nagari
utawi wates-wates nagari.
Tembung "globalisasi" kapendhet saking tembung
global
, ingkang tegesipun
universal
. Globalisasi dereng gadhah dhefinisi ingkang mapan, kejawi namung saugi dhefinisi karya (
working definition
), saengga gumantung saking sisih pundi tiyang mriksani. Wonten ingkang mastani satunggiling proses
sosial
, utawi proses
sajarah
, utawi proses alamiah ingkang badhe andadosaken sadaya bangsa lan
nagari
ing donya tansaya kaiket satunggal kaliyan satunggalipun, mujudaken satunggiling tatanan kagesangan enggal utawi manunggaling ko-eksistensi kanthi nyingkiraken wates-wates geografis,
ekonomi
lan
budaya masarakat
.
Mitos
ingkang wonten prekawis globalisasi inggih punika bilih proses globalisasi badhe ndamel donya dados sragam. Proses globalisasi badhe mbusek idhentitas lan jati dhiri.
Kabudayan
lokal utawi
etnis
badhe kauntal dening kekiyatan budaya ageng utawi kekiyatan budaya global.
Panganggep utawi pikiran ing nginggil kasebat boten sadayanipun leres. Kemajengan
teknologi komunikasi
saestu sampun ndamel wates-wates lan let dados ical lan boten wonten ginanipun. John Naisbitt (1988), ing bukunipun ingkang asesirah
Global Paradox
punika nelakaken prekawis ingkang malah gadhah sipat paradhoks saking fenomena globalisasi. Naisbitt (1988) ngajengaken pokok-pokok pikiran sanes ingkang wujud paradhoks, inggih punika tansaya dados universal, tumindak kita tansaya kasukuan, lan menggalih lokal, tumindak global. Perkawis punika dipunmaksudaken kita kedah mituhu dhumateng prakawis-prakawis ingkang gadhah sipat etnis, ingkang namung dipundarbeni golongan utawi masarakat punika piyambak ingkang dados modhal pangembangan tumuju donya internasional.
Ing sisih sanesipun, wonten ingkang mirsani globalisasi punika satunggiling proyek ingkang kausung dening nagari-nagari
adhikuwaos
, saengga saged ugi tiyang gadhah pandhangan negatif utawi sujana dhumateng globalisasi. Saking kacatingal punika globalisasi boten sanes kapitalisme ing wujudipun ingkang paling mutakhir. Nagari-nagari ingkang kiyat lan sugih, tamtu badhe ngendhalekaken
ekonomi
donya lan nagari-nagari alit tansaya boten wonten dayanipun amargi boten kuwagang tetandhingan, amargi globalisasi kapara gadhah prabawa ingkang ageng dhumateng perekonomian donya, malahan gadhah prabawa dhumateng babagan-babagan sanes kados dene
budaya
lan
agami
.
Kaca utama
Wikipedia
basa Indonesia
ing
internet
.
- Ewah-ewahan ing konsep
ruwang
lan wekdal. Tuwuh ngrembakanipun barang-barang kados telpon genggam, televisi satelit, lan
internet
nedahaken bilih komunikasi global dumados saklangkung rikat, sauntawis lumantar mobah-mosikipun massa kados lumantar turisme, andadoskaen kathah prakawis budaya ingkang ewah. Fenomena kamajengan donya internet sampun ngewahi kanthi drastis mliginipun ing babagan akses dhumateng elmu. Wontenipun ensiklopedhi bebas kados dene
Wikipedia
sampun saged ndhobrak akses masarakat dhumateng elmu ingkang suwau katutup lan kedah tumbas, dados gratis, saged dipunmekaraken dening sinten kemawon lan saged dipunundhuh kanthi bebas. Punapa malih ensiklopedhia punika dipunsadiyakaken ing warni-warni basa (langkung saking 250 basa) ing donya, saengga langkung nggampilaken akses lan saged dados satunggiling ciri lan wahana globalisasi.
- Pasar
lan prodhuksi
ekonomi
ing nagari-nagari ingkang benten dados gumantung/mbetahaken satunggal lan satunggalipun amargi mekaripun perdagangan internasional, paningkatan prabawa perusahaan multinasional, lan dhominasi organisasi kados
World Trade Organization
(WTO).
- Paningkatan interaksi
kultural
kanthi mekaripun medhia massa (mliginipun televisi, filem, musik, lan transmisi pawartos lan ulah raga internasional). Sapunika kita saged ngonsumsi lan ngraosaken gagasan lan pangalaman enggal prakawis budaya ingkang saklangkung pepak, upaminipun ing babagan
fashion
, literatur, lan dedhaharan.
- Tambahing masalah ingkang sami kangge sadaya, umpaminipun ing babagan lingkungan ngagesang, krisis multinasional,
inflasi
regional lan sanesipun.
Kennedy
lan
Cohen
nelaaken bilih transformasi punika sampun mbeta kita sadaya dhumateng globalisme, satunggiling kasadharan lan pamahaman enggal bilih
donya
punika satunggal.
Giddens
negasaken bilih kathah tiyang ingkang uninga manawi sayektosipun dhiri kita tumut mendhet perangan ing
donya ingkang kedah owah tanpa saged dipunkendhalekaken
ingkang dipuntengeri kanthi pangraos lan kawigatosan dhumateng prakawis ingkang sami, ewah-ewahan lan kaanan boten mesthi, sarta kasunyatan ingkang mungel kadadosan. Sesarengan kaliyan punika
Peter Drucker
nyebataken bilih globalisasi punika
jaman transformasi sosial
. Saben pinten atus taun ing sajarah manungsa, transformasi ngedap-edabi tansah dumados. Ing saperangan dasawarsa kemawon, masarakat sampun ewah malih ing pasawangan prakawis donya, aji-aji dhasar, struktur pulitik lan sosial, ugi ing babagan seni. Seket taun salajengipun muncul satunggaling donya ingkang enggal.
Cochrane
lan
Pain
negasaken bilih ing sesambetanipun kaliyan globalisasi, wonten tigang posisi teoritis ingkang saged kapirsani, inggih punika:
- Para
globalis
pitados bilih globalisasi punika satunggiling kasunyatan ingkang gadhah konsekuensi nyata dhumateng kadospundi tiyang lan
lembaga
ing donya lumampah. Para
globalis
pitados bilih nagari-nagari lan
kabudayan
lokal badhe ical kataman kabudayan lan ekonomi global ingkang homogen (sawarni). Ewasemanten, para globalis boten gadhah pendhapat ingkang sami prakawis konsekuensi dhumateng proses wau.
- Para
globalis positif
lan optimistis nanggapi kanthi sae
perkembangan
kados punika lan nelakaken bilih globalisasi badhe ngasilaken masarakat donya ingkang toleran lan gadhah tanggel waler.
- Para
globalis pesimis
gadhah pendhapat bilih globalisasi punika satunggaling fenomena negatif amargi prakawis kasebat sajatosipun wujud panjajahan
kilen
(mliginipun
Amerikah Sarekat
) ingkang meksa saperangan wangun budaya lan konsumsi ingkang homogen lan katingalipun leres saking njawi. Saperangan globalis salajengipun minangka golongan kangge nentang globalisasi (
antiglobalisasi
).
- Para
tradisionalis
boten pitados bilih globalisasi saweg dumados. Para
tradisionalis
gadhah pendhapat bilih fenomena punika namung mitos utawi, manawi pancen wonten, namung dipunageng-agengaken. Para
tradisionalis
ngrujuk bilih
kapitalisme
sampun dados setunggiling fenomena
internasional
ingkang dangunipun atusan taun. Punapa ingkang saweg kita alami sapunika namung wujud tahap lajengan, utawi
evolusi
, saking prodhuksi lan perdagangan kapital.
- Para
transformasionalis
wonten ing antawisipun para globalis lan tradisionalis. Para
transformasionalis
sarujuk bilih prabawa globalisasi sampun dipunlangkung-langkungaken dening para globalis. Nanging, para
transformasionalis
ugi gadhah pendhapat bilih bodho sanget manawi kita nyangkal kawontenanipun konsep punika. Posisi teoritis punika gadhah pendhapat bilih globalisasi kedahipun dipunpahami dados "
saprangkat sesambetan ingkang wonten kaitanipun setungal lan satunggalipun kanthi murni nglampahi satunggiling kekiyatan, ingkang saperangan ageng boten dumados kanthi langsung
". Para
transformasionalis
nelakaken bilih proses punika saged kawalik, mliginipun nalika prakawis kasebat negatif utawi, sakbotenipun, saged dipunkendhaleni.
"Novgorod Torg", satunggiling lukisan dening Appolinary Vasnetsov (
1856
-
1933
) ingkang nggambaraken interaksi antar
manungsa
lan antarbangsa lumantar perdagangan ing
abad kaping 19
.
Kathah sejarawan ingkang nyebat globalisasi dados fenomena ing
abad kaping 20
punika kasambetaken kaliyan bangkitipun ekonomi internasional. Kamangka interaksi lan globalisasi ing sesambetan antarbangsa ing donya sampun wonten wiwit maabad-abad kapengker. Manawi dipuntelusuri, winih-winih globalisasi sampun tuwuh nalika manungsa wiwit ngenal perdagangan antarnagari watawis taun 1000 lan 1500 M. Ing wekdal punika para pedagang saking Tiongkok lan India wiwit nlusuri nagari sanes nglangkungi margi dharat (umpaminipun kados
jalur sutra
) utawi margi seganten kangge dagang.
Fase salajengipun dipuntengeri kanthi dhominasi perdagangan kaum
muslim
ing
Asia
lan
Afrika
. Kaum muslim ndamel jaringan perdagangan ingkang antawisipun ngambah
Jepang
,
Tiongkok
,
Vietnam
,
Indonesia
,
Malaka
,
India
,
Persi
, pasisir
Afrika Wetan
,
Sagara Tengah
,
Venesia
, lan
Genova
. Kaum pedagang muslim ugi nyebaraken aji-aji
agamanipun
, asma-asma, abjad, arsitek,
aji sosial
lan budaya
Arab
dhumateng warga donya.
Fase salajengipun kanthi tetenger eksplorasi donya kanthi ageng-agengan dening bangsa
Eropah
.
Spanyol
,
Portugis
,
Inggris
, lan
Walandi
punika pelopor-pelopor eksplorasi punika. Perkawis punika kasengkuyung ugi kanthi dumadosipun
revolusi indhustri
ingkang ningkataken
keterkaitan
antarbangsa donya. Maneka warni teknologi wiwit pinanggih lan dados dhasar mekaring teknologi sapunika kados
komputer
lan
internet
. Ing wekdal punika mekar ugi kolonialisasi ing donya ingkang mbeta prabawa ageng dhumateng
dhifusi kabudayan
ing donya.
Saya mekaring indhustri lan kabetahan dhumateng bahan baku sarta pasar ugi njalari munculing maneka warni
perusahaan multinasional
ing donya. Ing Indonesia umpaninipun, milai
pulitik pintu terbuka
, perusahaan-perusahaan
Eropah
mbikak maneka warni cabangipun ing Indonesia.
Freeport
lan
Exxon
saking
Amerikah Sarekat
,
Unilever
saking
Walandi
,
British Petroleum
saking
Inggris
punika saperangan contonipun. Perusahaan multinasional kados punika tetep dados ikon globalisasi ngantos sapunika.
Fase salajengipun terus lumampah lan pikantuk momentumipun nalika
perang dingin
rampung lan
kuminisme
ing donya runtuh. Runtuhipun kuminisme kadosipun maringi pangleresan bilih
kapitalisme
punika margi ingkang sae piyambak kangge mujudaken kasejahtraan donya. Implikasinipun, nagari-nagari ing donya milai nyawisaken dhiri dados pasar ingkang bebas. Perkawis punika kasengkuyung ugi kanthi mekaring teknologi
komunikasi
lan
transportasi
. Kasilipun, sekat-sekat antarnagari milai boten cetha.
Pannyengkuyung globalisasi (asring ugi ingaran pro-globalisasi) nganggep bilih globalisasi saged ningkataken kasejahtraan lan kamakmuran ekonomi masarakat donya. Para panyengkuyung lelandhesan
teyori kaunggulan komparatif
ingkang kacetusakan dening
David Ricardo
.
Teyori punika nelakaken bilih satunggiling nagari lan nagari sanes silih gumantung lan saged silih nguntungaken setunggaul kaliyan satunggalipun, lan salah satunggal wujudipun inggih punika silih gumantung ing babagan
ekonomi
. Kekalih nagari saged
melakukan transaksi pertukaran
selaras kaliyan kaunggulan komparatif ingkang dipungadhahi. Umpaminipun,
Jepang
gadhah kaunggulan komparatif ing produk kodhak dhigital (saged nyithak langkung efesien lan mutunipun sae) sauntawis
Indonesia
gadhah kaunggulan komparatif ing prodhuk kain. Kanthi teyori punika Jepang kaanjuraken kangge ngendhegaken prodhuksi kainipun lan nggantos faktor-faktor prodhuksinipun kangge maksimalaken prodhuksi kodhak dhigital, lajeng nutupi kekirangan panawaran kain kanthi mundhut saking Indonesia, makaten ugi kosok wangsulipun.
Salah satunggiling panyandhet utami dumadosipun
kerjasama
wau inggih punika wontenipun larangan-larangan lan
kawicaksanan proteksi
saking pamarentah satunggaling nagari. Ing satunggil sisih, kawicaksanan punika saged ngreksa prodhuksi lebet nagari, nanging ing sanes sisih, prakawis badhe ningkatipun ragad prodhuksi barang
impor
saengga awrat nembus
pasar
nagari ingkang dipuntuju. Para pro-globalisme boten sarujuk wontenipun proteksi lan larangan wau. Para pro-globalisme pengin dipunleksanaaken kawicaksanan perdagangan bebas saengga regi barang-barang saged dipuntekan, akibatipun panyuwunan bakal mundhak. Amargi panyuwunan mundhak, kamakmuran badhe mundhak lan makaten saterusipun.
Saperangan golongan pro-globalisme ugi ngritik
Bank Donya
lan
IMF
, kanthi pendhapat bilih kalih badan kasebat namung ngontrol lan ngaliraken dana dhumateng satunggaling nagari, sanes dhumateng satunggaling koprasi utawi perusahaan. Minangka asilipun, kathah silihan ingkang dipunparingaken dhawah ing tangan para
diktator
ingkang salajengipun nylewengaken lan boten migunakaken dana kasebat kados mesthinipun, nilar rakyatipun wonten ing lilitan utang nagari, lan ndadosaken tingkat kamakmuran tansaya mandhap. Amargi tingkat kamakmuran tansaya mandhap, mila masarakat nagari punika kapeksa ngirangi tingkat
konsumsinipun
; kalebet konsumsi barang impor, saengga laju globalisasi bakal kacandhet lan?miturut golongan pro-globalisme?ngirangi tingkat kasejahtraan kang ndunungi donya.
Gerakan antiglobalisasi
Antiglobalisasi punika satunggaling istilah ingkang umum dipun-ginakaken kangge maparaken sikap pulitis tiyang-tiyang lan golongan ingkang nentang prajanjen dagang global lan lembaga-lembaga ingkang ngatur perdagangan antarnagari kados Organisasi Perdagangan Donya (
WTO
).
"Antiglobalisasi" dipunanggep dening saperangan tiyang minangka
obahan sosial
, sauntawis sanesipun nganggep minangka istilah umum ingkang njangkep saperangan obahan sosial ingkang benten-benten. Punapa kemawon maksadipun, para pangikut antiglobalisasi dipunmangunggalaken ing perlawanan dhumateng ekonomi lan sistem perdagangan global sapunika ingkang miturut tiyang-tiyang punika ngikis lingkungan gesang, hak-hak buruh, kadhaulatan nasional, donya katiga, lan kathah malih jalaran-jalaran sanesipun.
Nanging, tiyang-tiyang ingkang dipunparingi cap "antiglobalisasi" asring nulak istilah punika lan langkung remen nyebat dhirinipun minangka Gerakan Kaadilan Global, Gerakan saking Sedaya Gerakan utawa saperangan istilah sanesipun.
Dhatengipun tenaga makarya asing punika satunggaling tandha-tandha dumadosipun globalisasi tenaga makarya
Globalisasi perekonomian
wujud satunggaling proses kagiyatan
ekonomi
lan
perdagangan
, ing pundi nagari-nagari ing saindhenging donya dados satunggal kekiyatan
pasar
ingkang saya
karintegrasi
tanpa alangan wates
teritorial
nagari. Globalisasi perekonomian ngedahaken pambusakkan sadaya watesan lan rerendhetan dhumateng arus modhal, barang lan jasa.
Nalika globalisasi ekonomi dumados, wates-wates satunggaling nagari badhe dados kabur lan
keterkaitan
antawisipun ekonomi nasional kaliyan perekonomian internasional badhe tansaya kenceng. Globalisasi perekonomian ing satunggal pihak badhe mbikak peluang pasar prodhuk saking lebet nagari nuju pasar internasional kanthi kompetitif, kosok wangsulipun ugi mbikak peluang mlebetipun prodhuk-prodhuk global mlebet
pasar domestik
.
Miturut
Tanri Abeng
, pawujudan nyata saking globalisasi ekonomi antawisipun dumados ing wangun-wangun:
- Globalisasi prodhuksi
, perusahaan ndamel prodhuksi ing kathah
nagari
, kanthi sasaran supados biyaya prodhuksi dados langkung asor. Perkawis punika dipunlampahi kanthi sae amargi opah
buruh
ingkang asor, tarif beya mlebet ingkang mirah, infrastruktur ingkang nyekapi utawi amargi iklim usaha lan pulitik ingkang kondhusif. Donya ing prakawis punika dados lokasi manufaktur global.
- Globalisasi pambiyayan
. Perusahaan global gadhah akses kangge pikantuk silihan utawi ndamel
investasi
(ing wangun portofolio utawi langsung) ing sadaya nagari ing donya. Minangka conto,
PT Telkom
salebetipun ngathahaken ekan sambungan telpon, utawi PT Jasa Marga salebetipun miyaraken jaringan margi tol sampun manfaataken sistem pambiyayan kanthi pola BOT (
build-operate-transfer
) sesarengan mitrausaha saking manca nagari.
- Globalisasi tenaga makarya
. Perusahaan global badhe saged manfaataken tenaga makarya saking saindhenging donya selaras kaliyan kelasipun, kados panggunaan staf profesional dipunpundhut saking tenaga makarya ingkang sampun gadhah pangalaman internasional utawi buruh kasar ingkang saged dipunpendhet saking nagari tumuwuh. Kanthi globalisasi mila
human movement
badhe saya gampil lan bebas.
- Globalisasi jaringan informasi
.
Masarakat
sawijining nagari kanthi gampil lan enggal pikantuk informasi saking nagari-nagari ing donya amargi kemajengan teknologi, antawisipun langkung: TV,radhio,medhia cithak lsp. Kanthi jaringan komunikasi ingkang saya majeng sampun mbiyantu wiyaripun pasar nuju maneka warni wilahan donya kangge barang ingkang sami. Minangka conto: KFC, clana jeans levi's, utawi hamburger wonten ing pasar pundi kemawon. Akibatipun selera masarakat donya -ingkang dhomisilinipun ing kitha utawa ing dhusun- nuju ing
selera
global.
- Globalisasi Perdagangan
. Perkawis punika mawujud ing wangun panurunan lan penyeragaman tarif sarta pambusakan maneka warni rerendhet
nontarif
. Kanthi makaten kagiyatan perdagangan lan
persaingan
dados sansaya enggal, ketat, lan
fair
.
Thompson
nyathet bilih kaum globalis ngeklaim wekdal punika sampun dumados sawijining intensifikasi kanthi rikat ing investasi lan perdagangan internasional. Umpaminipun, kanthi nyata perekonomian nasional sampun dados peranganing perekonomian global ingkang ditengarai kaliyan wontenipun kakiyatan pasar donya.
Kasaean globalisasi ekonomi
[
besut
|
besut sumber
]
- Produksi global saged dipuntingkataken
Pandangan punika selaras kaliyan teyori 'Kauntungan Komparatif' saking
David Ricardo
. Langkung spesialisasi lan perdagangan
faktor-faktor prodhuksi
donya saged dipun-ginakaken kanthi langkung efesien, output donya nambah lan masarakat badhe pikantuk kauntungan saking spesialisasi lan perdagangan ing wangun
pendapatan
ingkang saya mundhak, ingkang salajengipun saged ugi ningkataken pamblanjan lan
tabungan
.
- Ningkataken kamakmuran masarakat ing satunggaling nagari
Perdagangan ingkang langkung bebas mungelaken masarakat saking saperangan nagari ngimpor langkung kathah barang saking njawi nagari. Perkawis punika njalari konsumen gadhah pilihan barang ingkang langkung kathah. Sasanesipun punika konsumen ugi saged nikmati barang ingkang langkung sae kanthi regi ingkang langkung mirah.
- Miyaraken pasar kangge prodhuk lebet nagari
Perdagangan njawi nagari ingkang langkung bebas mungelaken saben nagari pikantuk
pasar
ingkang langkung wiyar saking pasar lebet nagari.
- Saged pikantuk langkung kathah modhal lan teknologi ingkang langkung sae
Modhal saged dipunpendhet saking investasi asing lan mliginipun dipunnikmati dening nagari-nagari tumuwuh amargi masalah kekirangan modhal lan tenaga ahli sarta tenaga kadhidhik ingkang gadhah pengalaman kathahipun dipunadhepi dening nagari-nagari tumuwuh.
- Nyawisaken dana tambahan kangge pambangunan ekonomi
Pambangunan sektor indhustri lan saperangan sektor sanesipun boten namung dipunkembangaken dening perusahaan asing, nanging mliginipun liwat investasi ingkang dipunlampahi dening perusahaan swasta dhomestik. Perusahaan dhomestik punika asring mbetahaken modhal saking bank utawi pasar saham. Dana saking njawi nagari utamanipun saking nagari-nagari majeng ingkang nglebeti pasar arta lan pasar modhal ing lebet nagari saged mbiyantu nyawisaken modhal ingkang dipunbetahaken wau.
Awonipun globalisasi ekonomi
[
besut
|
besut sumber
]
- Ngrendheti tuwuhing sektor indhustri
Salah satunggaling efek saking globalisasi inggih punika tuwuhing sistem perdagangan njawi rangkah ingkang langkung bebas. Tetuwuhan punika njalari nagari-nagari tumuwuh boten saged malih ngginakaken tarif ingkang inggil kangge maringi proteksi dhumateng indhustri ingkang nembe tuwuh (infant industry). Kanthi punika perdagangan njawi rangkah ingkang langkung bebas nimbulaken rendhetan dhumateng nagari tumuwuh kangge majengaken sektor indhustri dhomestik ingkang langkung rikat. Sasanesipun punika katergantungan dhumateng indhustri-indhustri ingkang dipungadhahi perusahaan multinasional sangsaya mundhak.
- Ngawoni neraca pambayaran
Globalisasi kapara minggahaken barang-barang
impor
. Sawalikipun, manawi satunggaling nagari boten kuwagang
bersaing
utawi tetandhingan, pramila ekspor boten saged tuwuh. Kawontenan punika saged ngawonaken kondhisi
neraca pambayaran
. Efek awon sanes saking globaliassi dhumateng neraca pambayaran inggih punika pambayaran neto pendhapatan faktor prodhuksi saking njawi nagari kapara ngraosaken dhefisit. Investasi asing ingkang saya kathah ndadosaken ilen pambayaran kauntungan (pendhapatan) investasi dhateng njawi nagari sangsaya mundhak. Boten tuwuhipun ekspor saged ndadosaken awonipun neraca pambayaran.
- Sektor kauangan sangsaya boten stabil
Salah satunggalipun efek wigatos saking globalisasi inggih punika pangaliran investasi (
modhal
) portofolio ingkang saya ageng. Investasi punika mliginipun ngambah partisipasi dana njawi nagari dhateng pasar
saham
. Nalika pasar saham saweg mundhak, dana punika badhe mili mlebet, neraca pambayaran tambah kathah lan
regi artos
badhe tambah sae. Kosokwangsulipun, nalika regi-regi saham ing pasar saham sangsaya mandhap, dana lebet nagari badhe mili dhateng njawi nagari, neraca pambayaran kapara dados tambah awon lan regi artos dhomestik mrosot. Kawontenan boten stabil ing sektor kauwangan punika saged nimbulaken efek awon dhumateng kastabilan kagiyatan
ekonomi
kanthi kaselruhan.
- Ngawoni prospek tuwuhing ekonomi jangka panjang
Manawi prakawis-prakawis ingkang dipuntelakaken ing nginggil lumampah ing satunggaling
nagari
, mila ing jangka cekak tuwuhing ekonomini dados boten stabil. Ing jangka panjang tetuwuhan ingkang kados punika badhe ngirangi lajunipun tuwuhing ekonomi.
Pendhapatan nasional
lan kasempatan nyambut damel badhe sangsaya rendhet tuwuhipun lan masalah pangangguran boten saged dipunatasi utawi malah sangsaya awon. Ing pungkasanipun, manawi globalisasi nimbulaken efek awon dhumateng prospek tuwuhing ekonomi jangka panjang satunggaling nagari, distribusi pendapatan dados sangsaya boten adil lan masalah sosial-ekonomi masarakat sangsaya awon.
Tata busana Harajuku saking
Jepang
ingkang dados 'ikon' kaum mudha mudhi donya punika satunggaling conto dumadosipun globalisasi kabudayan.
Globalisasi maringi prabawa dhumateng meh sadaya aspek ingkang wonten ing
masarakat
, kalebet ing antawisipun aspek
budaya
. Kabudayan saged ateges
aji-aji
(
values
) ingkang dipunanut dening masarakat utawi persepsi ingkang dipundarbeni dening warga masarakat dhumateng prakawis ingkang pepak. Aji-aji utawi persepsi wonten sesambetanipun kaliyan aspek-aspek kajiwan/psikologis, inggih punika punapa ingkang wonten ing alam pikiran. Aspek-aspek kajiwan punika dados wigatos tegesipun manawi dipunsadhari, bilih tindak tanduk satunggaling tiyang sanget dipunprabawai dening punapa ingkang wonten ing alam pikiran tiyang wau. Conto salah satunggiling asil pamikiran lan panemon wau inggih punika
kasenian
, ingkang wujud subsistem saking
kabudayan
.
Globalisasi ingkang dados satunggaling tandha-tandha nyebaripun
aji-aji
lan
budaya
tartamtu dhumateng donya sadaya (saengga dados budaya donya utawi
world culture
) sampun katingal wiwit rumiyin. Cikal bakal saking panyebaran budaya donya punika saged katelusuri saking lelampahan para panjlajah
Eropah Kilen
tumuju kathah papan ing donya punika (Lucian W. Pye, 1966).
Nanging, pamekaran globalisasi kabudayan kanthi intensif dumados ing awal abad kaping 20 kanthi mekaripun
teknologi komunikasi
. Kontak langkung medhia nggantosaken kontak fisik kangge srana utama komunikasi antarbangsa. Ewah-ewahan kasebat ndadosaken komunikasi antarbangsa langkung gampil dipunlampahi, prakawis punika ndadosaken sangsaya enggalipun pamekaran globalisasi kabudayan.
Ciri mekaripun globalisasi kabudayan
[
besut
|
besut sumber
]
- Mekaring silih gentos kabudayan internasional.
- Panyebaran prinsip multikabudayan (
multiculturalism
), lan gampilipun akses satunggaling individu dhumateng kabudayan sanes ing njawi kabudayanipun.
- Mekaring turisme lan
plesiran
.
- Saya kathahing
imigrasi
saking satunggaling nagari tumuju nagari sanes.
- Mekaring
modhe
ingkang gadhah skala global, kados sandhang, filem lan sanes-sanesipun.
- Nambah kathahipun prastawa-prastawa kanthi skala global, kados
Piala Donya FIFA
.