Genosida iku tindakan pambantaian gedhen-gedhenan kanthi sistematis marang sawijining bebrayan utawa golongan kanthi maksud numpes (agawe tumpes ) bangsa mau. Tembung iki pisanan digunakake dening siji ahli ukum Polen, Raphael Lemkin , ing taun 1944 sajeroning bukune Axis Rule in Occupied Europe sing dibabar ing Amerikah Sarekat . Tembung iki dijupuk saka basa Yunani γ?νο? genos ('ras', 'bangsa' utawa 'rakyat') lan basa Latin caedere (rajapati).

Genosida iku salah siji saka papat Pelanggaran HAM abot sing ana sajeroning yurisdiksi International Criminal Court . Pelanggaran HAM abot liyane ya iku Kejahatan marang kamanungsan, Kejahatan perang, lan kejahatan Agresi.

Miturut Statuta Roma lan Undhang-Undhang no. 26 taun 2000 bab Pengadilan HAM, genosida iku Lelaku sing diayahi kanthi angkah kanggo ngajurake utawa numpes kabeh utawa saperangan golongan bangsa, ras, golongan etnis, golongan agama kanthi cara mateni anggota golongan; ngakibatake siksa fisik utawa mental sing abot marang anggota golongan; nyiptakake kondhisi kauripan golongan sing agawe kamusnahan kanthi fisik saperangan utawa sakabehane; nglakoni tindakan nyegah kalairan sajeroning golongan; mindahake kanthi peksa bocah-bocah saka sawijining golongan menyang golongan liya.

Ana uga istilah genosida budaya sing tegese pembunuhan peradaban kanthi nglarang penggunaan basa saka sawijining golongan utawa suku, ngowahi utawa ngajurake sajarahe utawa ngajurake simbul-simbul peradabane.

Conto genosida [ besut | besut sumber ]

• Pembantaian bangsa Kanaan dening bangsa Yahudi ing milenium pisanan sadurunge Masehi.
• Pembantaian bangsa Helvetia dening Julius Caesar ing abad kaping-1 SM.
• Pembantaian bebrayan Keltik dening bangsa Anglo-Saxon ing Karajan Manunggal lan Irlandia wiwit abad kaping-7 .
• Pembantaian bangsa-bangsa Indian ing bawana Amerika dening para penjajah Eropah wiwit taun 1492
• Pembantaian bangsa Aborijin Australia dening Karajan Manunggal wiwit taun 1788
• Pembantaian Bangsa Armenia dening sawatara golongan Turki ing pungkasan Perang Donya I
• Pembantaian wong Yahudi, wong Gipsi (Sinti lan Roma) lan suku bangsa Slavia dening kaum Nazi Jerman sajeroning Perang Donya II .
• Pembantaian bebrayan Jerman ing Eropah Wetan ing pungkasan Perang Donya II dening suku-bebrayan Ceko, Polen lan Uni Soviet ing sisih wetan garis tapel wates Oder-Neisse.
• Pembantaian punjul rong yuta jiwa rakyat dening rezim Khmer Merah ing pungkasan taun 1970-an .
• Pembantaian bangsa Kurdi dening rezim Saddam Hussein Irak ing taun 1980-an .
• Efrain Rios Montt, diktator Guatemala wiwit 1982 nganti 1983 wis mateni 75.000 Indian Maya.
• Pembantaian suku Hutu lan Tutsi ing Rwanda taun 1994 dening mligi kaum Hutu.
• Pembantaian bebrayan Bosnia lan Kroasia ing Yugoslavia dening Serbia antara 1991 - 1996 . Salah sijine ya iku Pembantaian Srebrenica , kasus pisanan ing Eropah sing dinyatakake genosida dening kaputusan ukum . ^[1]
• Pembantaian kaum kulit ireng ing Darfur dening milisi Janjaweed ing Sudan taun 2004 .

Cathetan sikil [ besut | besut sumber ]