Nicolao Copernico

Biografia
Nacemento	(gml) Niklas Koppernigk 19 de febreiro de 1473 Toru? (Prussia Real)
Morte	24 de maio de 1543 (70 anos) Frombork (Prussia Real)
Causa da morte	Ictus
Lugar de sepultura	catedral da Asuncion e de Santo Andre de Frombork
Datos persoais
Residencia	Toru? (pt) Padua Cracovia Frombork (pt) Bolona
Pais de nacionalidade	Reino de Polonia sen valor Prussia Real (pt)
Relixion	Catolicismo e Igrexa catolica
Educacion	Universidade de Ferrara (pt) - Juris Canonici Doctor (pt) (1503 (Gregoriano) ?1503 (Gregoriano) ) Universidade de Padua (1501 (Gregoriano) ?1503 (Gregoriano) ) Universidade de Bolona (1496 (Gregoriano) ?1500 (Gregoriano) ) Universidade Iaguelonica de Cracovia (1491 (Gregoriano) ?1495 (Gregoriano) )
Director de tese	Domenico Maria Novara da Ferrara (pt) e Leonhard von Dobschutz (en)
Actividade
Campo de traballo	Astronomia , matematicas , mecanica e economia
Lugar de traballo	Frombork (pt)
Ocupacion	astronomo , medico , tradutor , diplomatico , escritor , coengo , filosofo , estudoso xurista , xurista , fisico , economista , matematico , canon (en)
Empregador	Universidade de Padua Universidade Iaguelonica de Cracovia
Interesado en	Astronomia
Profesores	Urceus Codrus (pt) , Albert Brudzewski (en) , Domenico Maria Novara da Ferrara (pt) e Leonhard von Dobschutz (en)
Alumnos	Georg Joachim Rheticus
Influencias	Aristarco de Samos , Marciano Capella (pt) , Domenico Maria Novara da Ferrara (pt) , Ptolomeo , Aristoteles , Mohamed al-Battani e Nasir al-Din al-Tusi
Lingua	Renaissance Latin (en) , Middle Polish (en) , Middle Low German (en) , lingua grega , lingua latina e lingua polaca
Obra
Obras destacables Commentariolus (en) (1543) De Revolutionibus Orbium Coelestium
Doutorando	Georg Joachim Rheticus
Familia
Pais	Mikolaj Kopernik the Elder (en)   e  Barbara Koppernigk (en)
Premios (1995)   Salon Espacial Internacional da Fama
Sinatura

Nicolao Copernico , ^{[ 1 ]} nado o 19 de febreiro de 1473 en Toru? e finado o 24 de maio de 1543 , foi un astronomo e matematico que viviu a cabalo dos seculos xv e xvi e que revolucionou a concepcion do universo grazas a sua teoria heliocentrica do Sistema Solar , que desprazou a Terra coma centro do universo, ^{[ 2 ]} concibida en primeira instancia por Aristarco de Samos . O seu libro de referencia, De Revolutionibus Orbium Coelestium ( Sobre as revolucions das esferas celestes ), onde expresa a sua debeda coas obras de Azarquiel e al Battani , ^{[ 3 ]} publicado en 1543 , pouco antes da sua morte, adoita ser considerado como o punto inicial ou fundador da astronomia moderna, ademais de ser unha peza clave no que se chamou a revolucion cientifica na epoca do Renacemento . Copernico pasou preto de vinte e cinco anos traballando no desenvolvemento do seu modelo heliocentrico do universo. Naquela epoca resultou dificil que os cientificos a aceptasen, xa que suponia unha autentica revolucion.

Copernico foi matematico , astronomo , xurista , fisico , gobernador , diplomatico e economista , estudoso dos clasicos , tradutor e artista . ^{[ 4 ]} ademais de poliglota multilingue ^{[ 5 ]} tamen foi clerigo catolico e lider militar . Xunto coas suas extensas responsabilidades, a astronomia figuraba como pouco mais ca unha distraccion , con todo, foi neste campo no que marcou un fito para a humanidade . Pola sua enorme contribucion a astronomia, en 1935 deuselle o nome ≪ Copernicus ≫ a un dos maiores crateres lunares , situado no Mare Insularum . ^{[ 6 ]}

Ata Copernico, a ciencia e a Igrexa consideraban que a Terra estaba no centro do universo. Copernico revitalizou as antigas teorias sobre o heliocentrismo pero, ademais, realizou as demostracions e calculos astronomicos que apoiarian esta hipotese. A teoria heliocentrica, que publicou en 1543 , o ano da sua morte, e considerada unha das teorias mais importantes na historia da ciencia occidental.

Copernico e considerado o fundador da astronomia moderna, por canto estableceu as bases que permitirian a Galileo e Isaac Newton culminar a revolucion astronomica ?ao pasar dun universo xeocentrico a un cosmos heliocentrico? e cambiar de forma irreversible a vision do cosmos prevalecente ata enton, tendo a admiracion das autoridades eclesiasticas da Igrexa catolica ; poren, os seus libros serian incluidos no Index Librorum Prohibitorum , moitos anos despois da sua morte, co caso Galileo . ^{[ 7 ] [ 8 ]}

Nome [ editar | editar a fonte ]

Hai documentadas numerosas variantes do nome do astronomo e os seus familiares.

Durante a infancia, o nome do seu pai rexistrouse en Toru? como Niclas Koppernigk . ^{[ 9 ]} En Bolona , en 1496 , foi rexistrado coma "Nicolaus Kopperlingk de Thorn" e nado como aleman .

Maximilian Curtze , no prefacio da traducion o aleman ( 1879 ) do De revolutionibus , chega a conclusion de que o nome de familia debiase deletrear Koppernigk . O astronomo latinizarase a Coppernicus , como se pode apreciar en 23 dos 31 documentos estudados e na firma, especialmente nos documentos oficiais. ^{[ 10 ]}

Ao final da vida, o nome aparece reducido a unha letra pe, e na portada do De Revolutionibus , Rheticus publicara o nome como Nicolai Copernici .

A forma polaca do seu nome e Mikołaj Kopernik . O apelido significa "cobres, quen traballa o cobre ", ^{[ 11 ]} facendo referencia ao oficio de seu pai.

Traxectoria [ editar | editar a fonte ]

Familia [ editar | editar a fonte ]

Nicolas Copernico naceu nunha casa da rua Santa Ana (hoxe rua de Copernico) na cidade de Toru? (na actualidade en Polonia ). Esta cidade, situada na beira do Vistula , desde o ano 1466 era parte da provincia da Prusia Real , nos territorios da Coroa do Reino de Polonia . ^{[ 12 ] [ 13 ]}

Puxeronlle Nicolas, o mesmo nome de seu pai, quen cara ao 1458 trasladouse a Toru? desde Cracovia , enton a capital de Polonia na Pequena Polonia . O pai era un rico comerciante de cobre que se converteria nun respectado cidadan de Toru?. A nai de Nicolas, Barbara Watzenrode, nacera nunha familia de comerciantes ricos, que foi parte da clase patricia da cidade.

Nicolao era o menor de catro irmans. Seu irman Andres chegou a ser coengo agostino en Frombork (enton chamada Frauenburg ). Sua irma Barbara (que levaba o mesmo nome que a sua nai) fixose monxa beneditina . E a sua irma Katharina casou con Barthel Gertner, un empresario e concelleiro da cidade de Toru?, esta a sua morte deixou cinco fillos, a quen Copernico coidou ata o final da sua vida. ^{[ 14 ]}

Copernico nunca casou nin tivo fillos.

Estudos e cargos [ editar | editar a fonte ]

En 1483, cando tan soo tina 10 anos, morreu seu pai, quedando o neno na custodia de seu tio materno, o sacerdote Lucas Watzenrode (1447-1512), quen chegaria a principe-bispo de Warnia e que teria unha influencia decisiva na educacion e carreira de Copernico. ^{[ 14 ]}

Entre 1491 e 1495, Copernico estudou na Facultade de Artes Liberadas da Academia de Cracovia (hoxe en dia Universidade de Cracovia ), probablemente baixo as directrices do matematico Wojciech Brudzewski , por medio do cal tivo o seu primeiro contacto coa astronomia. ^{[ 15 ]} . Nesa epoca, Polonia atravesaba unha verdadeira idade de ouro cultural e a Universidade de Cracovia gozaba dun gran prestixio en matematicas e en astronomia . Comezou a reunir unha gran biblioteca sobre o tema, que mais adiante seria espoliada coma botin de guerra polos suecos durante o Potop (O Diluvio) ^{[ 16 ]} , e, por iso, agora atopase en Uppsala , na biblioteca da Universidade . Durante esta epoca estudantil, latiniza o seu nome como Nicolaus Copernicus .

Grazas as influencias do seu tio, Copernico e nomeado coengo do capitulo de Warnia en 1495, polo que ten que abandonar Cracovia e instalarse en Frombork. Non obstante, axina retoma os seus estudos e marcha a Bolona en 1496 , onde ingresa na sua famosa Escola de Xuristas. Nesta escola estuda Dereito Canonico. Ademais continua ampliando os seus conecementos sobre astronomia grazas as leccions de Domenico Maria de Novara. En Bolona tamen estudou medicina , grego e filosofia .

O 9 de marzo de 1497 Copernico observa o transito da Lua sobre a estrela Aldebaran , da constelacion de Tauro . Grazas a esta observacion, puido constatar que a teoria astronomica de Tolomeo , enton dominante, estaba errada. Mediante o calculo da paralaxe lunar puido determinar que a distancia entre a Terra e a Lua era a mesma durante os cuartos (minguante e crecente) que durante o plenilunio, en contra do sostido pola teoria ptolomeica.

Copernico comezou enton un estudo sistematico dos astronomos clasicos dende Aristoteles . Axina se interesou naqueles que refutaban o xeocentrismo de Tolomeo como Aristarco de Samos , quen xa no 270 a. C. afirmou que o Sol era o centro do universo. Tamen leu a Filalo, Hericlides, Ecfanto, Jabir de Sevilla, Nicolao Oresmes, Nicolao de Cusa , Georg von Peuerbach, Johan Muller (alcumado Regiomontano) etc.

En 1500 doutorase en Astronomia en Roma , e en 1501 volveu a sua patria onde foi nomeado coengo na catedral de Frombork coa axuda do seu tio Lucas Watzenrode. Pese ao seu cargo, volveu a Italia, esta vez a Padua (1501-1506) onde estuda Dereito Canonico e Medicina. Finalmente, doutorase en Dereito Canonico en Ferrara en 1503 . Ese mesmo ano regresa a Polonia, concretamente a Lidzbark , para ser o asesor e o medico persoal de seu tio ata 1510 (ou pode que ata a morte do seu tio en 1512 ).

Reinstalado definitivamente en Warmia en 1523 , dedicouse a administracion da diocese de Warmia , exerceu a Medicina, ocupou certos cargos administrativos e levou a cabo o seu inmenso e primordial traballo no campo da astronomia.

Morte [ editar | editar a fonte ]

Faleceu o 24 de maio de 1543 en Frombork , Polonia . En 2005 un equipo de arqueologos polacos afirmou ter achado os seus restos na Catedral de Frombork, feito que foi corroborado en 2008 ao analizar un dente e parte do cranio e comparalo cun pelo seu encontrado nun dos seus manuscritos. ^{[ 17 ]} A partir do cranio, expertos policiais, reconstruiron o seu rostro, coincidindo este co do seu retrato. ^{[ 17 ]}

O 22 de maio de 2010 recibiu un segundo funeral nunha misa oficiada por Jozef Kowalczyk, nuncio papal en Polonia e posteriormente nomeado Primado de Polonia. Os seus restos foron de volta enterrados no mesmo lugar, na Catedral de Frombork. Unha lapida de granito negro identificao agora como o fundador da teoria heliocentrica, e leva ademais a representacion do modelo de Copernico do sistema solar: un sol dourado rodeado por seis dos planetas. ^{[ 18 ] [ 19 ]}

Teoria heliocentrica copernicana [ editar | editar a fonte ]

O sistema de Copernico descansa sobre a observacion de que a Terra xira sobre o seu eixo ao longo do dia, o cal explica o movemento diurno da esfera celeste. Postula, igualmente, que a Terra da unha volta ao Sol ( heliocentrismo ) cada ano. Afirma tamen que os outros planetas tamen xiran o redor do Sol. Copernico avanza igualmente que a Terra oscila sobre o seu eixo de rotacion , o cal explicaria a formacion do dia e a noite .

A teoria de Copernico contradi a cosmoloxia e a fisica de Tolomeo , asi como a filosofia de Aristoteles . Asi mesmo, vulnera as ensinanzas contidas nas Escrituras sobre a inmobilidade da Terra e o movemento do Sol. Copernico conserva, de todos os xeitos, alguns elementos do antigo sistema, como e a idea das esferas solidas ou a esfera dos fixos.

O novo sistema proposto por Copernico ten certas vantaxes sobre o do seu predecesor. Explica, entre outros, o movemento diario do Sol e das estrelas por medio da rotacion terrestre. Tamen explica o movemento do Sol durante o ano. Igualmente explica o movemento retrogrado dos planetas exteriores conecidos enton: Marte , Xupiter e Saturno . A sua teoria ten en conta tamen os planetas interiores : Venus e Mercurio . Copernico avanza tamen unha teoria sobre a orde dos planetas, as suas distancias, e, por conseguinte, o seu periodo orbital . Copernico contradi a Tolomeo cando di que canto mais longa e a orbita dun planeta, mais grande e o tempo que fara falta para que faga unha revolucion completa ao Sol.

Copernico estudara os escritos dos filosofos gregos buscando referencias no problema do movemento terrestre, especialmente os pitagoricos e Aristarco de Samos , o cal estableceu por primeira vez a teoria heliostatica.

As hipoteses fundamentais da Teoria Copernicana son:

1. O mundo (o Universo) e esferico.
2. A Terra tamen e esferica.
3. O movemento dos corpos celestes e regular, circular e perpetuo ou composto por movementos circulares. Distingue varios tipos de movementos:
   1. Movemento diurno: causado pola rotacion da Terra en 24 horas e non de todo o Universo.
   2. Movemento anual do Sol: causado pola translacion da Terra ao redor do Sol nun ano .
   3. Movemento mensual da Lua ao redor da Terra.
   4. Movemento planetario: causado pola composicion do movemento propio e o da Terra. A retro gradacion do movemento dos planetas non e mais que aparente e non un movemento verdadeiro, debido ao movemento de translacion da Terra ao redor do Sol.
4. O ceo e inmenso comparado coa magnitude da Terra.
5. A orde das orbitas celestes. Despois de criticar a orde que a astronomia tolomemaica asignaba aos planetas, da a orde correcta de acordo co afastamento do Sol.

E indubidable que 2.000 anos de teoria xeocentrica non acabaron so pola aparicion illada das teorias de Copernico: xusto e dicir que confluiu unha necesidade social froito dos novos aires do Renacemento e do neoplatonismo que se respiraban na epoca.

Traballos astronomicos: De revolutionibus [ editar | editar a fonte ]

En 1507 redacta os Commentariolus ( Nicolai Copernici de hipothesibus motum coelestium a se constitutis commentariolus ) na que expon sumariamente a sua teoria heliocentrica. Poren, os Commentariolus carecian da armazon matematica e das observacions necesarias para demostrar as suas teorias heliocentricas. A este empeno consagrou a sua vida Copernico.

A primeira obra publicada de Copernico e, non obstante, unha traducion do latin das Cartas de Etica de Teofilatos de Simocrata, un filosofo que escribiu durante o seculo VII en Bizancio.

En 1512 , trala morte do seu tio, ten que asumir o seu cargo canonico o cal o obriga a mudarse de novo a Frombrock. O longo dese ano realiza as minuciosas observacions de Marte que o levan a corrixir os seus Commentariolus .

Ainda que Copernico se negaba sistematicamente a dar publicidade as suas teorias sobre o universo, o seu prestixio coma astronomo era moi grande polo cal e chamado a participar no Concilio de Letran para tratar sobre a reforma do calendario.

Durante 1517 , no castelo de Olsztyn Copernico redacta a sua Taboa Solar que estaria na base da demostracion das suas ideas sobre o Sol.

Ademais de coengo e astronomo, Copernico tamen era un lider politico e militar. De feito, durante 1520 liderou a loita dos vilegos de Olsztyn contra os cabaleiros teutons.

Tamen durante 1520 comeza a redactar De Revolutionibus , a sua obra cumio. Con todo, Copernico, consciente das polemicas que ian espertar a sua revolucionaria concepcion do universo, resistiuse a dar o prelo este libro. Antes, en 1529 editou De octava sphaera (tamen conecida como Carta a Wapowski , por ir dirixida o seu amigo Bernard Wapowski) onde critica as teorias astronomicas contidas no libro Do movemento da oitava esfera de Xoan Werner de Nuremberg. Anos mais tarde, Copernico esta a piques de publicar un almanaque do sistema solar calculado a partir das taboas astronomicas nas que se baseaba De revolutionibus , pero a morte do seu editor, Bernard Wapowski, provoca a cancelacion da publicacion e que o almanaque se perda para sempre.

A azarosa publicacion de De revolutionibus [ editar | editar a fonte ]

A chegada a Frombork en 1539 do astronomo Georg Joachim de Porris, mais conecido por Rheticus , axudou a Copernico a perfeccionar De revolutionibus . Rheticus traduce para Copernico o Almagesto de Tolomeo e o De triangulis omnimodis de Regiomontano, obras que deixarian unha importante pegada en De revolutionibus . Ademais, en 1540 , Rheticus escribe De libris revolutionum Nicolai Copernici narratio prima , unha extensa compilacion das descubertas de Copernico. Pero en 1541 Rheticus debe regresar a Wittenberg onde e profesor. Con todo, en 1542 , Rheticus viaxa a Nuremberg para imprimir De revolutionibus . Lamentablemente debe abandonar a cidade antes de que a impresion estea rematada. O manuscrito de Copernico caeu nas mans do editor Andres Osiander, quen publicara De revolutionibus orbium coelestium , introducindo no texto orixinal unha serie de modificacions debidas a sua fe luterana . En marzo de 1543 este libro ve a luz. Non se sabe se Copernico chegou a velo antes do seu pasamento o 24 de maio de 1543 . A lenda di que o recibiu a mesma mana da sua morte.

A recepcion das teorias de Copernico durante o seculo XVI [ editar | editar a fonte ]

Xa en vida Copernico temeu que a sua teoria heliocentrica fose mal recibida. Por iso, durante moitos anos negouse a publicar de forma completa os seus estudos. So o fixo animado polos amigos e grazas, sobre todo, o labor de Rheticus.

Os primeiros en oponerense a revolucion copernicana foron os protestantes. Lutero rexeitou o heliocentrismo por ser contrario a Biblia. En realidade, o heliocentrismo enfrontabase a unha tradicion xeocentrista moi longa e remota e resultaba moi dificil cambiar as mentalidades.

Curiosamente, a Igrexa catolica mantivo durante os primeiros anos unha timida aceptacion dos postulados copernicanos. Por exemplo, Copernico e invitado a participar nas discusions para a modificacion do calendario durante o Concilio de Letran. Ademais, o dominico Nicolao Schonberg, cardeal e procurador xeral da orde de Santo Domingo, alentou a Copernico para que publicase as suas investigacions nunha famosa carta. Non obstante, a tradicion escolastica puido finalmente e o Papado mantivo na lista de libros prohibidos o De revolutionibus dende 1616 ata 1835 .

E ben sabido que a posicion dos luteranos e dos catolicos as teorias heliocentricas expostas por Copernico baseanse nun pasaxe da Biblia, concretamente do Eclesiastes, en que Xosue ordena o Sol que se detena o cal so seria posible se o Sol xirase en torno a Terra e non o reves.

De revolutionibus resultou ser finalmente un extenso e complexo libro formado por seis volumes, dedicados na sua meirande parte a demostrar a teoria que expon no primeiro destes volumes. Basicamente, as ideas de Copernico consistian en afirmar que a Terra xira sobre si mesma e en torno o Sol. Esta idea estendeuna o resto dos planetas conecidos do Sistema Solar co cal conseguiu explicar o aparente movemento retrogrado de Marte , Xupiter e Saturno (debido a que os vemos dende a Terra e que estan mais afastados ca nos do Sol)

Copernico tamen sostivo que o eixo de rotacion da Terra esta inclinado respecto o plano da sua orbita arredor do Sol.

Poren, o maior inconveniente do sistema copernicano era que ainda mantina as orbitas circulares de Tolomeo.

Notas [ editar | editar a fonte ]

Vexase tamen [ editar | editar a fonte ]

Commons ten mais contidos multimedia sobre:   Nicolao Copernico

Bibliografia [ editar | editar a fonte ]

• Arbaizar Gil, Benito (200). Nicolao Copernico . A Coruna: Baia Edicions . ISBN 978-84-96128-00-2 .  
• Dreyer, J.L.E. (1953). Dover Publications, ed. A History of Astronomy from Thales to Kepler . New York, NY.  
• Linton, Christopher M. (2004). Cambridge University Press, ed. From Eudoxus to Einstein?A History of Mathematical Astronomy . Cambridge. ISBN   978-0-521-82750-8 .  
• Dobrzycki, Jerzy, e Leszek Hajdukiewicz, "Kopernik, Mikołaj", Polski słownik biograficzny (Polish Biographical Dictionary), vol. XIV, Wrocław, Academia Polaca das Ciencias , 1969, pp. 3?16.

Ligazons externas [ editar | editar a fonte ]

• El ADN confirma que los restos hallados en 2005 son los de Copernico El Mundo , 20 de novembro de 2008. (en castelan )
• Los cientificos ponen cara a Nicolas Copernico El Pais , 20 de novembro de 2008. [Consultado:21 de novembro do 2015] (en castelan )