Esti articalu es un encetu Si te apeta, pueis enlial-ti a trebajal en el, precurandu mas informacion i amejorandu lo escritu.

Un avion es un aerodinu de ala fija o aeronavi con mayol densida que el airi , dotau de alas i un espaciu de carga i capas de volal impulsau pol nengunu, unu o mas motoris. Los aeroplanus incluyen a los monoplanus, los biplanus i los triplanus. Los aeroplanus sin motol se denominan planeadoris o velerus i ain siu gastaus endi los inicius dela aviacion, pa la llama aviacion deportiva i inclusu pa el transporti de tropas duranti la Segundera Guerra Mundial .

Sigun la definicion dela OACI, es un ≪aerodinu propulsau pol motol, que ebi la su sustentacion en vuelu prencipalmenti a reacionis aerodinamicas ejercias sobri superficis que permanecin fijas en determinas condicionis de vuelu≫.

Puein crasificalsi pol el su gastu comu avionis civilis (que puein sel de carga, transporti de pasajerus, entrenamientu, sanitarius, contra incendius, privaus, etc.) i avionis militaris (carga, transporti de tropas, cacas, bombarderis, de reconocimientu o espias, de reabastecimientu en vuelu, etc.).

Tamien puein crasificalsi en huncion dela su pranta motriz: avionis propulsaus pol motoris a piston, motoris a reacion (turbureactol, turburreactol de dobli fluju, turbuelice, etc.) o propulsoris (coetis).

El su prencipiu de huncionamientu se basa ena huerca aerodinamica que se genera sobri las alas, en sentiu ascendenti llama sustentacion. Esta se origina pola diferenzia de presionis entri la parti superiol i inferiol del ala, producia pola horma del perfil alal.