U
9 di ferraghju
he u 40
u
ghjornu
di l'annu in u calendariu gregurianu. Restanu 325 ghjorni a a fine di l'annu (326 si he bisestile).
Santa Pullonia. U Beatu Miguel Cordero.
Pullonia he stata marturiata in Alessandria d'Egittu l'annu 249. Era a l'epica di l'imperatore Deziu (249-251). Tandu, i pagani persecutavanu i cristiani e, quelli chi cumandavanu in cita, i lasciavanu fa, i incuraggianu ancu.
Un ghjornu, unipochi di sgaiuffi inguantanu un vechju, e li dumandanu di bestimia u nome di Cristu. Cum'ellu ricusa, u matraverseghjanu di pezzi di canna appinzati, e ne facenu un strascinu. Dopu si cozzanu a una cristiana chi ricusava di adura l'idule, e a tombanu a petrate. A terza vittima fu Pullonia.
Pullonia facia parte di e vergini cunsacrate. Li sciappanu tutti i denti, e minaccianu di brusgialla viva s'ella un ripete, dopu a elli, parullaccie contru a Cristu. Ella si scusa di un dalli suddisfazione, e corre a lampassi in u focu.
Etimolugia: da Apollu, diu di a mitolugia greca rumana, da u grecu "apellos" (chi face nasce a creazione).
Nomi: Apollinaire, Apollinaris, Apolline, Apollon, Apollonia, Apollonie, Apollonio, Apollonius, Apollos, Polly, Pullonia, Pulloniu.
Prutezzione: Pullonia he a santa patrona di i dentisti e ghje pregata pe a pena di denti.
Miguel Cordero, natu in u 1854 in Cuenca, cita di a Republica ecuaturiana, he mortu in u 1910, in Spagna, a Premia de Mar.
Quandu, in u 1863, i frati di e Scole Cristiane decisenu di stabilissi in l'Ameriaca suttana, principionu per l'Ecuator. Ebbenu cum'e elevu a Miguel chi he diventatu stitutore e ha fattu scola a Quito, a capitale, durante una quaerantina d'anni. Ha cumpostu libri di scola chi anu servutu in tutti i paesi di lingua spagnola.
In u 1907, Miguel fu ubligatu di spatriassi per via di a pulitica anticlericale di u guvernu. Si ne he venutu in Europa: in Parigi, in Belgica, e in Spagna duv'ellu he mortu tre anni dopu, accantu a Barcellona.
In u 1930, e so osse so state mandate in u so paese e poste nantu a u monte Cebollar, vicinu a Quito, duv'elli li anu fattu un bellu munimentu.
[1]