Maryse Conde
Maryse Conde e 2006, oadet a 69 bloaz
Buhez
Anv	Marise Liliane Appoline Boucolon
Ganedigezh	11 a viz C'hwevrer 1934 Pointe-a-Pitre , Gwadloup
Marv	2 a viz Ebrel 2024 Ate , Provans
Stummadur	Doktorelezh, skol-veur ar Sorbonne, Pariz
Micher	Kelennerez war al lennegezh , kazetennerez , skrivagnerez , dramaourez
Ditourou all
Kenlabour	? University of California ? Universite Paris-Nanterre ? University of Virginia ? Columbia University in the City of New York ? University of Maryland

Maryse Conde ( Marise Liliane Appoline Boucolon  ; Pointe-a-Pitre , 11 a viz C'hwevrer 1937 - Ate , 2 a viz Ebrel 2024 ) a oa ur skrivagnerez hag un dramaourez eus Gwadloup , a savas a-du gant dizalc'hted he bro c'henidik ^[1] ha gant an hollafrikanouriezh.

Brud bras he deus gounezet goude he romant Segou ( 1984 - 85 ), a gont diskar gorrek an impalaeriezh vambara e Mali e-doug an XVIII vet hag an XIX vet kantved .

En he romantou e komze a-zivout an diaspora afrikat a voe ganet gant ar sklaverezh hag an trevadennin en inizi ar Mor Karib .

Alies ez eo bet war ar renk evit Priz Nobel al Lennegezh , ha 18 priz lennegel zo bet deroet dezhi.

Yaouankiz [ kemman | kemman ar vammenn ]

E Pointe-a-Pitre e voe ganet Marise Boucolon d'an 11 a viz C'hwevrer 1937, eizhvet bugel he zud, a oa ar c'hentan kelennerien du e Gwadloup. He mamm, Jeanne Quidal, a rene he skol dezhi evit ar merc'hed ; he zad Auguste Boucolon a oa bet un desaver kent mont da sevel ur bank bihan anvet Caisse Cooperative des Prets , a droas d'ar Banque Antillaise e 1955 ^[2] .

Daouzek vloaz e oa Marise pa skrivas ur pezh-c'hoari en un arvest gant un dudenn hepken, da-genver 55 vet deiz-ha-bloaz he mamm ^[3]

Goude echuet skol an eil derez e 1953 e voe kaset da ober he studi el lise katolik Fenelon e Pariz , ma chomas betek bezan skarzhet 1955. Goude-se ec'h eas da Skol-Veur ar Sorbonne da studian al Lizhiri a-vreman ; eno e c'houzanvas gouennelouriezh hep kompren gwall vat petra a oa o c'hoarvezout ^[4] , ar pezh he lakaas da vezan emskiant eus he morianegezh . Eno ivez e reas anaoudegezh gant tud all eus an Antilhez , ha ganto e vodas ur c'hleub lennegel ha politikel anvet en enor da Luis-Carlos Prestes ( 1898 - 1990 ), ur politiker komunour braziliat . Eno c'hoazh e kejas ouzh ar c'hazetenner haitian Jean Dominique, a voe tad he mab nemetan ; distrein d'e vro a eure J. Dominique pa ouezas edo e vignonezh o tougen ? ar skrivagnerez a gontas he foan en he oberenn La vie sans fards ( 2012 ).

Resped [ kemman | kemman ar vammenn ]

Er bloaz 1958 , pa oa oadet a 24 bloaz, ec'h arvestas Marise Boucolon ouzh ar pezh-c'hoari nevez Les Negres skrivet gant ar Gall Jean Genet ( 1910 - 1986 ) ; eno e kejas ouzh unan eus an aktourien , ar Ginead Mamadou Conde ; e miz Eost 1958 e voent dimezet ^[3] . Teir merc'h o devoe (e 1960 , 1961 ha 1963 ) ^[4] , met diaes e veze o darempredou : ken abred ha 1959 e tivizas Maryse Conde mont da gelenn galleg en ul lise en Aod an Olifant , en ur gas he mab ganti ^[5] . E 1960 ec'h eas da vevan gant he fried e Ginea, a oa dizalc'h diouzh Bro-C'hall abaoe 1958.

E 1963, goude ganedigezeh he zrede merc'h, ec'h eas gant he fevar bugel da gelenn galleg en Accra ( Ghana ). E 1966 e voe un taol-Stad eno, ha skarzhet e voe Maryse Conde eus ar vro war zigarez ma vije bet ur spierez gopret gant Ginea. E Londrez e kavas repu, ma labouras evit ar BBC ha ma skrivas pennadou e kazetennou.

Eno e skoulmas darempred gant he alvokad Kwame Aidoo, a gavas an tu da gaout asant Ghana evit ma tistrofe ar skrivagnerez d'ar vro-se e 1967  ; er bloaz-se end-eeun e torras an darempredou etrezo : nullet e voe an distro da C'hana, ha Maryse Conde ha mont da Senegal gant he bugale. E Dakar en em stalias hag e labouras evel treuzyezherez en Institut Droit Ethique Patrimoine (IDEP) kent mont da gelenn galleg en ul lise e Saint-Louis e norzh ar vro.

E 1969 e voe anvet en ul lise all e Kaolack, er gevred da Zakar, ma kejas ouzh Richard Philcox, ur c'helenner war ar saozneg hag a voe he zreuzyezher. Bloaz war-lerc'h e tistroas Maryse Conde da Vro-C'hall, man adstagas gant he studi en ur labourat evit ar gelaouenn Presence africaine ^[6] .

E 1975 , pa oa oadet a 41 bloaz, e voe deroet dezhi he doktorelezh e Keverata lizheregel gant Skol-veur ar Sorbonne. Bloaz goude e voe embannet ar c'hentan romant sinet ganti, Heremakhonon (1976), tra ma kelenne e meur a skol-veur e Pariz.

Er bloaz 1981 , goude torret he dimez gant M. Conde, ec'h eildimezas Maryse, gant he zreuzyezher R. Philcox ar wezh-se. E 1985 e tistroas da Wadloup, ma voe dilabour e-pad tri bloaz, nac'het ma voe gant ar skol-veur, ar skinwel ha Renerezh-Rannvro an Aferiou Sevenadurel (RRAS ; (fr) DRAC ). Goude-se, e 1989 , ec'h eas da gelenn al lennegezhiou gallek e Skol-veur Kalifornia , ma oa bet pedet. Ur resped nevez a voulc'has en SUA , ma kelennas e Skoliou-meur e Maryland , e Massachusetts hag e Virginia . Er bloaz 1995 e voe anvet e Skol-veur Columbia e New York  ; eno e e stalias ur greizenn anvet Centre d'Etudes Francophones ma pedas meur a skrivagner eus Afrika hag an Antilhez.

E 2004 e voe anvet Maryse Conde da gadoriadez kentan an aozadur Comite pour la memoire de l’esclavage (CPME) ^[7] . Bloaz war-lerc'h, oadet a 70 vloaz, ec'h eas war he leve.

E 2013 e kuitaas Maryse Conde ar Stadou-Unanet hag e tistroas da Vro-C'hall, m'en em stalias e Gorda ( Vauclusa ).

Er bloaz 2018 , ur strollad a 109 skrivagner ha skrivagnerez svedat a stalias an "Akademiezh Nevez" evit derein "Priz akademe nevezk al lennegezh" ( (sv) Den nya akademiens litteraturpris ) peogwir ne oa bet Priz Nobel al Lennegezh er bloaz-se. Pevar den a voe rakdibabet : M. Conde, ar Bro-Saoz Neil Gaiman (* 1960 ), ar Japanad Murakami Haruki (* 1949 ) hag ar Ganadianez Kim Thuy (* 1968 ), hogen Murakami H. a c'houlennas ma vefe lamet e anv peogwir e venne chom da skrivan en diavaez d'ar media . Da Varyse Conde e voe deroet ar priz ^[8] .

D'an 2 a viz Ebrel 2024 e varvas ar skrivagnerez en Ate (Vaucluse), oadet a 90 vloaz.

Oberennou [ kemman | kemman ar vammenn ]

Alc'hwez

A = Arnodskrid (16) ; D = Danevell (3) ; E = Emvuhezskrid (1) ; P = pezh-c'hoari (10) ; R = Romant (21) : Y = Yaouankizou (8).

• 1972 : Dieu nous l'a donne (P)
• 1973 : Mort d'Oluwei d'Ajumako (P)
• 1973 : Pourquoi la negritude? Negritude ou revolution (A)
• 1974 : Le Morne de Massabielle (P) ? Negritude cesairienne, negritude senghorienne (A)
• 1976 : Heremakhonon (R) ^[9]
• 1978 : La civilisation du bossale : reflexions sur la litterature orale de la Guadeloupe et de la Martinique (A) ? Profil d’une œuvre : cahier d’un retour au pays natal (A) ? Propos sur l’identite culturelle (A)
• 1979 : La parole des femmes: essai sur des romancieres des Antilles de langue francaise (A)
• 1981 : Une saison a Rihata (R)
• 1984 : Segou / 1 : Les Murailles de terre (R)
• 1985 : Segou / 2 : La Terre en miettes (R) ? "Pays mele", suivi de "Nanna-ya" (R)
• 1986 : Haiti cherie (Y) ^[10] ? Moi, Tituba, sorciere... noire de Salem (R)
• 1987 : Notes sur un retour au pays natal (A) ? La Vie scelerate (R)
• 1988 : Pension Les Alizes (P) ? Pension les Alizes (P)
• 1989 : An tan revolisyon (P) ? Hugo le terrible (Y) ? Traversee de la mangrove (R)
• 1990 : Bouquet de voix pour Guy Tirolien (A)
• 1992 : Les derniers rois mages (R)
• 1993 : Comedie d’amour (P) ? La colonie du Nouveau Monde (R)
• 1995 : La migration des cœurs (R)
• 1996 : Noir, c’est noir (A)
• 1997 : Desirada (R) ? Neg pas bon (A)
• 1998 : Creolite without Creole Language (A) ? O Brave New World (A) ? Unheard Voice: Suzanne Cesaire and the Construct of a Caribbean Identity (A)
• 1999 : Le cœur a rire et a pleurer : contes vrais de mon enfance (D)
• 2000 : Celanire cou-coupe (R)
• 2001 : Fous-t-en Depestre, laisse dire Aragon (A) ? La belle Creole (R)
• 2002 : La planete Orbis (Y)
• 2004 : Haiti dans l’imaginaire des Guadeloupeens (A) ? Savannah blues (Y) ? The Stealers of Fire: The French-Speaking Writers of the Caribbean and Their Strategies of Liberation (A)
• 2005 : Histoire de la femme cannibale (R)
• 2006 : Chiens fous dans la brousse (Y) ? Uliss et les chiens (D)
• 2006 : Victoire, les saveurs et les mots : recit (D)
• 2006 : A la courbe du Joliba (Y)
• 2007 : Comme deux freres (P)
• 2008 : Les belles tenebreuses (R)
• 2008 : Chiens fous dans la brousse (Y)
• 2009 : Conte cruel (Y)
• 2009 : La faute a la vie (P)
• 2010 : En attendant la montee des eaux (R)
• 2012 : La vie sans fards (E)
• 2013 : La Belle et la Bete : une version guadeloupeenne (R)
• 2015 : An tan revolisyon : elle court, elle court la liberte (P)
• 2015 : Mets et merveilles (R)
• 2017 : Le fabuleux et triste Destin d’Ivan et d’Ivana (R)
• 2021 : L'Evangile du nouveau monde (R)

Enoriou [ kemman | kemman ar vammenn ]

Priziou lennegel

• 1986 : Grand prix litteraire de la Femme evit Moi, Tituba, sorciere... noire de Salem .
• 1988 : Prix Anais-Segalas de l’Academie francaise evit La Vie scelerate ? LiBeraturpreis ( Alamagn ) evit Segou / 1 : Les Murailles de terre .
• 1993 : Prix Puterbaugh evit he oberennou.
• 1994 : Grand prix litteraire des jeunes lecteurs de l'Ile-de-France evit Moi, Tituba, sorciere... noire de Salem .
• 1997 : Prix Carbet de la Caraibe et du Tout-Monde evit Desiderada .
• 1999 : Prix Marguerite-Yourcenar evit Le cœur a rire et a pleurer : contes vrais de mon enfance .
• 2003 : Grand prix Metropolis bleu (Montreal, Quebec) evit Le cœur a rire et a pleurer : contes vrais de mon enfance .
• 2005 : Hurston/Wright Legacy Award evit Who Slashed Celanire's Throat? ( Celanire cou-coupe ).
• 2005 : Certificat d'honneur Maurice Gagnon du Conseil international d'etudes francophones (CIEF) .
• 2007 : Prix Tropiques evit Victoire, les saveurs et les mots .
• 2008 : Trophee des arts afro-caribeens evit Les belles tenebreuses .
• 2010 : Grand prix du roman metis evit En attendant la montee des eaux .
• 2018 : Den nya akademiens litteraturpris (Sveden) evit he oberennou.

Medalennou gall

• 2001 : Komandourez urzh arn Arzhou hag al Lizhiri.
• 2014 : Ofiserez al Lejion a Enor .
• 2019 : Kroaz-Veur Urzh broadel an Dellid .

Levrlennadur [ kemman | kemman ar vammenn ]

• (fr) Pfaff, Francoise & Cotteret-Hage, Madeleine. Nouveaux entretiens avec Maryse Conde ? Ecrivain et temoin de son temps . Paris : Karthala, 2016 ( ISBN 978-2-8111-1707-8 )

Notennou [ kemman | kemman ar vammenn ]