Istanbul
is de greaßte Stod vo da
Tiakei
und oane vo de ejtastn Stadt, de wos heid no gibt. Friaa wors untam Nama "Byzanz" und "Konstantinopel" bekannt.
Istanbul liegt auf beide Seitn vom Bosporus, des is a Meerenge, de as
Middlmeea
midm
Schwoarzn Meer
vabindt und
Eiropa
vo
Asien
trennt. De Stod liegt oiso auf zwoa Kontinent.
De zwoa Teile auf de vaschiedan Kontinent wern neba Fahrschiff vo zwoa Hangebruckn vabundn. Auf dem Panorama-Photo unt sigt ma rechts de Bosporus-Bruckn (Bo?az Koprusu), dahinta ligt de neiere Fatih-Sultan-Mehmet-Bruckn (Fatih Sultan Mehmet Koprusu).
De Hagia Sophia is
537
ois a orthodoxe Kirch baut worn. As werd zua de siebn Woidwunda vom
Middloita
zejd. Fia guad 1000 Joar wars de mid Obstand greaßte Kirch auf da Woid. As Hauptschiff hod eppaa de Flachn vo om Fuaßboi-Fejd, de Kuppl driwa is 56 Meta houch. Mit da Eaobarung vo Istanbul
1453
duach de Osmanen is zua na Moschee umbaud worn. Auf Oregung vom Kemal Ataturk, am Stootsgrinda vo da moderna Tiakei, wor de Hagia Sophia vo 1934 bis 2020 a Museum, des wos neama religias gnutzt wurn is. Owa da derzeitige tiakische Stootspresident
Recep Tayyip Erdogan
hod de Hagia Sophia 2020 wieda in a Moschee umgwondelt. De Wiedaumwondlung in a Moschee wor a Wunsch vo de Islamisten seit de 30er Joah, und da Erdogan hod in de leztn zehn Joah immer wieder gseit, daßa de Hagia Sophia wieda gern zur Moschee mochad - 2020 wor's donn so weit.
Taksim is oana vo de zentrain Platzln in Istanbul, kunt ma mim
Stachus
in Minga vagleicha. Vo do weg gehd a Einkaufsstraß zum Galata-Turm. Friara war de Gengd a Auslanda-Viadl, voa oim italenische Handla hom do ihre Gschaftln ghobt. Desweng gibts do aa a katholische Kirch, Sankt Anton. Da Taksim-Platz sejm werd neba de Hochhaisa vo na orthodoxn Kirch, Hagia Triade pragt.
Des is a Viadl, des sie ois Zui fia Touristn wia fia Einheimische recht beliabt is. As gibt an Haufa Restaurants und Bars rund um de Moschee und ma hod an scheena Blick aufn Bosporus und aufd Bruckn.
- Blaue Moschee (Sultan Ahmet Camii)
- Dolmabahce-Palast (Dolmabahce Sarayı)
- Suleymaniye-Moschee (Suleymaniye Camii)
- Topkapi-Palast (Topkapı Sarayı)