Metropolis Tokyo (東京都; T?ky?-to )

Ibukota	Shinjuku
Wewengkon	Kanto
Pulo	Honshu
Gubernur	Y?ichi Masuzoe
Lega	2,187.08 km² (45th)
- % cai	1.0%
Populasi   ( 1 Oktober , 2003 )
- Populasi	12,527,115 (8,444,531 in 23 wards ) (1st)
- Kapadetan	5655 /km²
Jumlah Distrik	1
Jumlah Kota Administrasi	62
ISO 3166-2	JP-13
Ramatloka	www.metro.tokyo.jp/ ENGLISH/
Lambang Prefektur
- Kembang	Somei-Yoshino cherry blossom
- Tangkal	Ginkgo tree ( Ginkgo biloba )
- Manuk	Black-headed Gull ( Larus ridibundus )
Diadopsi dina Juni 1989, lambang resmi Tokyo ngabogaan tilu satengah lingkaran ngawangun siga hurup T keur Tokyo dina bentuk daun ginkgo warna hejo. Ngalambangkeun Tokyo bakal tumuwuh di mangsa nu bakal datang tur pinuh pangharepan, sampurna jeung tengtrem.

Tokyo ( 東京 , T?ky? ^? , hartina ibukota di beulah wetan ) dengekeun   ( pitulung · info ) nyaeta salah sahiji tina 47 perfektur di Jepang . Tokyo kaasup pusat urbanisasi, samemehna ngan saukur kota Tokyo sarta masih kawentar nepi ka kiwari, nu ayeuna sacara adminitrasi dibagi jadi 23 kota husus. Dina awal taun 1943 , Tokyo masih keneh ngaran perfektur oge\e kota. Dina 1943 pamarentah kota Tokyo dibubarkeun sarta ti harita ngan pamarentahan prefektur nu boga ngaran Tokyo . Keur bukti status istimewa ieu, ngan perfektur Tokyo nu make to ( 都 , to ^? , metropolis ) dina Basa Jepang .

Sanajan lain ngan saukur hiji kota , metropolitan Tokyo mangrupa pusat pamarentahan jeung karajaan Jepang, sarta dijadikeun ibukota nagara Jepang . Pendudukna kira-kira 12 juta?10 persen tina sakabeh populasi Jepang? sedengkeun kira-kira 33?36 juta penduduk hirup di Tokyo area , ngajadikeun Tokyo minangka kota paling padet di dunya.

Tokyo ayana di wewengkon Kanto di Pulo Honsh? . Sacara geografis aya dina koordinat 35°41' Kaler, 139°46' Wetan (35.68333, 139.7667) [1] , tapi watesna ngalegaan nepi ka pulo-pulo luar di Samudera Pasifik nu jarakna leuwih ti 1.000km ti Pulo Honshu.

Tokyo mangrupa pusat politik, bisnis, dagang, atikan, media massa, sarta budaya. Tokyo oge mangrupa kantor pusat pausahaan gede, lembaga kauangan, universitas jeung akademi, museum, teater, sarta pusat balanja jeung hiburan.

Sajarah [ edit | edit sumber ]

Kamajuan Tokyo nepi ka siga kiwari teu leupas ti pangaruh Tokugawa Ieyasu jeung Kaisar Meiji . Dina taun 1603 , saenggeus ngahijikeun Jepang ku cara perang, Shogun Tokugawa Ieyasu ngawangun Edo (ayeuna Tokyo) keur markasna. Hasilna, ieu kota gancang tumuwuh tur jadi salah sahiji kota gede nu populasina leuwih ti samilyar dina abad ka-18. Sacara de facto ibukota Jepang sedengkeun kaisar tumetep di Kyoto , ibukota karajaan. Keur leuwih jentre, tempo: Edo

Saenggeus 263 taun, kakawasaan shogun digulingkeun tur balik ka aturan kaisar. Dina taun 1869 , Kaisar Meiji nu harita umurna ampir 17 taun pindah ka Edo, sarta ngaranan "Tokyo" ("Ibukota Wetan"; dina Basa Cina, make kanji nu sarua, di Cina kota Dongjing ). Tokyo geus jadi pusat politik, ekonomi jeung budaya nasional Jepang, ku ayana istana kaisar ngajadikeun sacara de facto ibukota karajaan sarta Kastil Edo jadi Istana Kaisar .

Tokyo dua kali ngalaman karusakan gede (catastrophes) sarta terus tumuwuh sacara gancang saenggeus dua kajadian eta. Kahiji nyaeta Lini Gede Kanto dina taun 1923 , nu kadua nyaeta Perang Dunya II . Bom-bom di taun 1945 ngaruksak Tokyo saperti bom atom di Hiroshima jeung Nagasaki . Sawareh Tokyo ampir rata jeung taneuh.

Saenggeus perang rengse, Tokyo bener-bener diwangun, sarta ditembongkeun ka dunya Olimpiade Musim Panas taun 1964 . Tokyo jadi kota panggedena sadunya di taun 1965 (ngagantikeun New York ). Dina taun 1970 , mimiti diwangun wangunan pencakar langit saperti Sunshine 60 , bandara udara anyar tur kontroversial di Narita (di luar Tokyo), sarta pendudukna ningkat ampir 11 milyar (di daerah metropolitan). Kareta handapeun taneuh (subway) jeung jaringan kareta di Tokyo mangrupa nu pangsibukna di dunya. Di taun 1980 , harga real estate naek salila gelembung ekonomi: loba nu beunghar, tapi gelembung ieu peupeus dina awal taun 1990 , loba pausahaan, bank jeung pribadi nu propertina hargana murah. Kajadian saterusna resesi, nyababkeun Jepang dina taun 1990 -an jadi "dekade nu leungit", ti harita tumuwuh lalaunan.

Tokyo masih ngawangun daerah anyar nu harga taneuh asalna teu pati mahal. Proyek anyar ieu kaasup Ebisu Garden Place, Tennozu Isle, Shiodome, Roppongi Hills , Shinagawa (oge stasion Shinkansen ), sarta Stasion Tokyo (sisi Marunouchi). wangunan anyar nu ngabongkar wangunan heubeul pikeun pusat balanja saperti Omotesando Hills . Proyek ngurug laut (reklamasi) di Tokyo geus dimimitian sababaraha abad katukang. Nu paling kawentar nyaeta Odaiba , ayeuna jadi pusat balanja jeung hiburan.

Tokyo ngalaman lini gede dina taun 1703 , 1782 , 1812 , 1855 jeung 1923 . Lini taun 1923 , gedena 8,3 skala Ricther, ngabunuh 142,000 urang.

Aya sababaraha usulan rencana keur mindahkeun fungsi pamarentahan nasional ti Tokyo ka kota gede di wewengkon sejen di Jepang, keur ngurangan kamajauan Tokyo jeung revitalisasi ekonomi. Rencana ieu dianggap kontroversial di Jepang jeung tacan kalaksanakeun.

Dumasar kana parobahan dina metodeu nulis Basa Jepang, translasi romaji dina teks heubeul ditulisna "Tokio."

Geografi jeung wilayah administrasi [ edit | edit sumber ]

Tokyo Kulon [ edit | edit sumber ]

Tokyo Kulon ngawengku Kota, Kacamatan jeung desa nu boga status hukum nu sarua saperti jeung di tempat-tempat sejen di Jepang. Tokyo Kulon mangrupa " kota tempat tinggal " keur nu digawe di pusat Tokyo, oge aya sababaraha tempat lokal bisnis jeung industri. Sacara kolektif disebut "Tokyo Kulon".

Kota-kota [ edit | edit sumber ]

Dua puluh genep kota (sacara administrasi) nu aya di Tokyo Kulon.

Distrik, kacamatan, jeung desa [ edit | edit sumber ]

Pangkulonna nyaeta distrik ( gun ) Nishitama . Daerah ieu mangrupa pagunungan sarta teu mungkin keur urbanisasi. Pagunungan pangluhurna di Tokyo, Gunung Kumotori , jangkungna 2,017 m; nu sejenna nyaeta Gunung Takasu (1737 m), Gunung Odake (1266 m), jeung Gunung Mitake (929 m). Danau Okutama , di Walungan Tama deukeut Perfektur Yamanashi , mangrupa danau panggedena di Tokyo.

• Hinode
• Mizuho
• Okutama
• Hinohara Village

Kapuloan [ edit | edit sumber ]

Pulo-pulo leutik Tokyo manjang kira-kira 1,850 km ti Tokyo tengah. Sabab pulo-pulo ieu jauh di kota, di dinya aya kantor perwakilan pamarentahan metropolitan. Lolobana pulo-pulo ieu kaasup kelas desa.

Kapuloan Izu [ edit | edit sumber ]

Kapuloan Izu nyaeta grup pulo vulkanik sarta bagean ti Taman Nasional Fuji-Hakone-Izu . Runtuyan pulo-pulo mimiti ti nu deukeut ka Tokyo nyaeta:

• Izu Oshima
• Toshima
• Niijima
• Shikinejima
• Kozushima
• Miyakejima
• Mikurajima
• Aogashima
• Hachijojima

Kapuloan Ogasawara [ edit | edit sumber ]

• Ogasawara ? Ogasawara ngawengku, ti kaler ka kidul, Chichi-jima , Nishinoshima, Haha-jima , Kita Iwo Jima, Iwo Jima , and Minami Iwo Jima. Ogasawara oge ngawengku pulo leutik: Minami Torishima , pangwetanna ti Jepang, kira-kira 1,850 km ti pusat Tokyo, jeung Okino Torishima , pangkidulna ti Jepang. Dua polu ieu euweuh pendudukna, keur jadi simbol nasional. Rante Iwo jeung pulo-pulo leutik lianna ampir taya nu nyicingan, sanajan kitu aya sababaraha di antara nu aya pendudukna utamana nu deukeut ka Honshu.

Taman Nasional [ edit | edit sumber ]

Aya opat taman nasional di Tokyo:

• Chichibu Tamakai National Park , di Nishitama sarta sabagean kaasup ka Perfektur Yamanashi jeung Saitama
• Meiji no Mori Takao Quasi-National Park , sakuriling Mount Takao nepi ka kiduleun Hachioji.
• Fuji-Hakone-Izu National Park nu kaasup Kapuloan Izu.
• Ogasawara National Park . Keur diusahakan supaya Taman Nasional Ogasawara jadi bagean tina UNESCO World Heritage Site .

Ekonomi [ edit | edit sumber ]

Tokyo mangrupa metropolitan ekonomi panggedena di dunya: nominal GDP ampir US$1.315 trilyun leuwih gede tinimbang kadalapan-panggedena ekonomi nasional di dunya ^[1] . Tempatna pusat dagang internasional, kantor pusat sababaraha bank investasi jeung parusahaan asuransi , sarta ngalayanan transportasi , percetakan , jeung penyiaran keur Jepang.

Salila jadi pusat pertumbuhan ekonomi Jepang sanggeus Perang Dunya Kadua , loba perusahaan nu mindahkeun kantor pusatna ti sababaraha kota saperti Osaka (sejarahna mangrupa ibukota perdagangan) ka Tokyo, dina usahana keur ngadeukeutan akses ka pamarentahan. Trend ieu beuki lila beuki laun sabab populasi nu beuk nambah jeung biaya hirup nu beuki mahal di Tokyo.

Tokyo ku Economist Intelligence Unit dianggap kota (pangmahalna biaya hirup ) di dunya salila 14 taun nepi ka taun 2006. ^[2]

Demografi [ edit | edit sumber ]

Salaku salah sahiji kota utama di dunya , penduduk Tokyo leuwih ti dalapan juta hirup di 23 distrik, jeung di waktu beurang nambahan leuwih ti 2.5 juta boh pagawe atawa mahasiswa nu datang di daerah sakurilingna. Efek ieu bisa ditempo di tilu pusat distrik nyaeta Chiyoda , Chuo , jeung Minato , nu populasina kurang ti 300,000 waktu peuting, tapi leuwih ti dua juta lamun beurang.

Populasi [ edit | edit sumber ]

Dumasar kana daerah (1 October 2003)

• Tokyo: 12.36 juta
• 23 distrik husus: 8.34 juta
• Tama area: 4 juta
• Kapuloan: 27,000

Dumasar kana umur (1 Januari 2003):

• Barudak (0-14): 1.433 juta (12%)
• Angkatan gawe (15-64): 8.507 juta (71.4%)
• Kolot (65+): 2.057 juta (16.6%)

Dumasar kana waktu (taun 2000)

• Peuting: 12.017 juta
• Beurang: 14.667 juta

Dumasar kana kabangsaan

• Urang luar: 353,826 (1 Januari 2005)
• 5 panglobana kabangsaan urang luar: China (120,331), Korea (103,191), Philipina (31,505), Amerika (18,043), Inggris (7,585)

Transportasi [ edit | edit sumber ]

Artikel utama : Transportation in Greater Tokyo .

Tokyo ngabogaan jaringan transportasi domestik jeung international nu panggedena sa-Jepang keur transportasi kareta, darat jeung udara. Transportasi umum di Tokyo didominasi ku jaringan kareata jeung subway nu bersih jeung efisien, sedengkeun beus, monorel jeung trem mangrupa transportasi sekunder.

Bandara [ edit | edit sumber ]

Di jero Tokyo, Bandara Internasional Tokyo ("Haneda") ilaharna dipake keur penerbangan domestik. Di luar Tokyo, Bandara International Narita , di Narita , Perfektur Ciba , salah sahiji gerbang internasional utama Jepang.

Kareta jeung subway [ edit | edit sumber ]

Kareta mangrupa alat transportasi utama di Tokyo, nu mana jaringan jalan kareta ieu panglobana di dunya. JR Wetan ngoperasikeun jaringan kareta panggedena di Tokyo, kaasup jalur Yamanote nu ngurilingan jero kota Tokyo. Tokyo Metro jeung Tokyo Metropolitan Bureau of Transportation ngoperasikeun jaringan bawah taneuh (subway).

Beus [ edit | edit sumber ]

Pamarentah metropolitan jeung swasata ngoperasikeun rute beus. Lokal, regional, jeung nasional oge aya, nu terminalna aya di deukeut stasion kareta utama nyaeta Tokyo jeung Shinjuku .

Jalan tol [ edit | edit sumber ]

Jalan tol ngahubungkeun ibukota ka kota-kota sejen di Greater Tokyo area , wewengkon Kanto, sarta pulo Kyushu jeung Shikoku .

Transportasi sejen [ edit | edit sumber ]

• Taksi dioperasikeun di 23 distrik jeung kota tur kacamatan. Ferry jarak jauh ngalayanan ka pulo-pulo Tokyo boh panumpang atawa barang oge ka palabuan internasional sejen.

Pendidikan [ edit | edit sumber ]

Salaku pusat pendidikan nasional, di Tokyo loba universitas, akademi jeung sakola kajuruan. Loba universitas nu kawentar di Jepang aya di Tokyo. Nu pangkawentarna nyaeta Universitas Tokyo . Universitas sejenna nyaeta Keio University , Hitotsubashi University , jeung Waseda University .

Di Tokyo oge aya universitas nu kuliah make basa Inggris, saperti International Christian University , Sophia University , jeung Temple University Japan .

Universitas di Tokyo [ edit | edit sumber ]

Universitas Nasional [ edit | edit sumber ]

• Ochanomizu University
• University of Electro-Communications
• Tokyo Medical and Dental University
• Tokyo University of Foreign Studies
• Tokyo Gakugei University
• Tokyo University of Marine Science and Technology
• Tokyo Geijutsu Daigaku
• Tokyo Institute of Technology
• University of Tokyo
• Tokyo University of Agriculture and Technology
• Hitotsubashi University

Universitas Perfektur [ edit | edit sumber ]

• Tokyo Metropolitan University

Universitas Swasta [ edit | edit sumber ]

Sakola Dasar jeung Menengah [ edit | edit sumber ]

Taman kanak-kanak, sakola dasar (1 nepi ka 6 taun), jeung sakola menengah (7 nepi ka 9) dioperasikeun ku pamarentah loka kota. sakola menengah atas dikelola ku Tokyo Metropolitan Government Board of Education jeung disebut "Metropolitan High Schools". Di Tokyo oge loba sakola swasta ti mimiti TK nepi ka sakola menengah atas. Keur daftar sakola menengah atas di Jepang, tempo [2] .

Pariwisata Tokyo [ edit | edit sumber ]

Artikel utama : Tourism in Tokyo .

Di Tokyo loba tempat jalan-jalan, budaya jeung olahraga. Ieu kaasup kuil nu kawentar, shrines, festival jeung acara taunan, taman, tempat nu endah, tempat balanja jeung kahirupan peuting. Wisata budaya di Tokyo kaasup musium, gedung pertunjukan jeung teater.

Tokyo dina media populer [ edit | edit sumber ]

Salaku kota panggedena jeung tempatna penyiaran sarta studio, Tokyo remen dijadikeun setting keur film Jepang, acara tipi Archived 2015-05-09 di Wayback Machine , runtuyan komik ( anime ), jeung buku komik ( manga ). Nu pangkawentarna kaluar Jepang nyaeta kaiju (monster film), nu mana ciri has kota Tokyo diancurkeun ku monster gede saperti Godzilla . Loba buku komik jeung animasi nu settingna, saperti Sailor Moon , Ranma ½ , puffy ami yumi jeung Yu-Gi-Oh! , bakal kawentar di dunya.

Sababarah urang sutradara Hollywood milih Tokyo keur lokasi filmna. Sababaraha film nu kawentar saperti Tokyo Joe , My Geisha , jeung James Bond film You Only Live Twice ; oge Kill Bill , The Fast and the Furious: Tokyo Drift jeung Lost in Translation .

Topik sejen [ edit | edit sumber ]

Sister city [ edit | edit sumber ]

Tokyo ngabogaan sister city sababaraha kota di dunya:

Salian ti eta, distrik jeung kota di Tokyo oge ngabogaan sister-city jeung kota sejen di dunya.

• 
  Kantor Pusat Pamarentahan Metropolitan Tokyo
• 
  Pemandangan di distrik Shibuya
• 
  Stasion Tokyo (Sisi Yaesu)
• 
  Bandara Internasional Tokyo (Terminal 2)
• 
  Menara Tokyo

Tumbu kaluar [ edit | edit sumber ]

Pek paluruh embaran nu leuwih loba ngeunaan Tokyo ku jalan nyungsi proyek sabaraya Wikipedia
	Definisi kamus ti Wiktionary
	Buku teks ti Wikibooks
	Cutatan ti Wikiquote
	Teks sumber ti Wikisource
	Gambar jeung media ti Commons
	Warta ti Wikinews
	Sumber pangajaran ti Wikiversity

   Tempo oge Tokyo di Wikivoyage

• (Basa Inggris) WikiSatellite view of Tokyo at WikiMapia
• (Basa Inggris) Official Tokyo Metropolitan Government homepage
• (Basa Inggris) Festivals around Tokyo Archived 2005-12-04 di Wayback Machine The Japan Times
• (Basa Inggris) Interactive satellite view of the area
• (Basa Inggris) Japan-guide to Tokyo
• (Basa Inggris) Tokyo Diary Archived 2005-12-13 di Wayback Machine Tokyo business/professional events calendar
• (Basa Inggris) Tokyo Metro Subway lines
• (Basa Inggris) Tokyo Past and Present Web Japan

Rujukan [ edit | edit sumber ]

• Wikipedia Basa Inggris , Juli 2006.

1. ↑ List of countries by GDP (Nominal)
2. ↑ "Oslo is world's most expensive city: survey" . Reuters . Citakan:Citation/showdateError . http://today.reuters.com/news/newsArticle.aspx?type=worldNews&storyID=2006-01-31T113907Z_01_L312905_RTRUKOC_0_US-LIFE-CITIES.xml&archived=False . Diakses pada February 1   Archived 2016-05-15 di Portuguese Web Archive (inactive)

	Tokyo Metropolis

Wards : Adachi | Arakawa | Bunky? | Chiyoda | Ch?? | Edogawa | Itabashi | Katsushika | Kita | K?t? | Meguro | Minato | Nakano | Nerima | ?ta | Setagaya | Shibuya | Shinagawa | Shinjuku  (capital) | Suginami | Sumida | Toshima | Tait?

Cities: Akiruno | Akishima | Ch?fu | Fuch? | Fussa | Hachi?ji | Hamura | Higashikurume | Higashimurayama | Higashiyamato | Hino | Inagi | Kiyose | Kodaira | Koganei | Kokubunji | Komae | Kunitachi | Machida | Mitaka | Musashimurayama | Musashino | Nishi-T?ky? | ?me | Tachikawa | Tama

Districts and Subprefectures: Nishitama District | Hachij? Subprefecture | Miyake Subprefecture | Ogasawara Subprefecture | ?shima Subprefecture

t s e Wewengkon jeung bagean administrasi di Jepang Wewengkon Hokkaid?  · T?hoku  · Kant?  · Ch?bu  · ( Hokuriku  · K?shin'etsu  · T?kai  · Ch?ky? )  · Kansai  · Ch?goku  · Shikoku  · Ky?sh?  · Ry?ky? Prefektur Aichi  · Akita  · Aomori  · Chiba  · Ehime  · Fukui  · Fukuoka  · Fukushima  · Gifu  · Gunma  · Hiroshima  · Hokkaido  · Hy?go  · Ibaraki  · Ishikawa  · Iwate  · Kagawa  · Kagoshima  · Kanagawa  · K?chi  · Kumamoto  · Kyoto  · Mie  · Miyagi  · Miyazaki  · Nagano  · Nagasaki  · Nara  · Niigata  · ?ita  · Okayama  · Okinawa  · Osaka  · Saga  · Saitama  · Shiga  · Shimane  · Shizuoka  · Tochigi  · Tokushima  · Tokyo  · Tottori  · Toyama  · Wakayama  · Yamagata  · Yamaguchi  · Yamanashi Kota metropolitan Special wards of Tokyo  · Chiba  · Fukuoka  · Hamamatsu  · Hiroshima  · Kawasaki  · Kitakyushu  · Kobe  · Kyoto  · Nagoya  · Niigata  · Osaka  · Saitama  · Sakai  · Sapporo  · Sendai  · Shizuoka  · Yokohama

t s e Tuan imah Summer Olympic Games 1896 : Atena 1900 : Paris 1904 : St. Louis 1908 : London 1912 : Citakan:Country data SWE Stockholm 1916 : None [c1] 1920 : Antwerp 1924 : Paris 1928 : Amsterdam 1932 : Los Angeles 1936 : Berlin 1940 : None [c2] 1944 : None [c2] 1948 : London 1952 : Helsinki 1956 : Melbourne 1960 : Rome 1964 : Tokyo 1968 : Kota Mexico 1972 : Citakan:Country data FRG Munich 1976 : Montreal 1980 : Citakan:Country data URS Moscow 1984 : Los Angeles 1988 : Seoul 1992 : Barcelona 1996 : Atlanta 2000 : Sydney 2004 : Athens 2008 : Beijing 2012 : London 2016 : Rio de Janeiro 2020 : Tokyo [c3] 2024 : Paris 2028 : Los Angeles 2032 : Brisbane [c1] Teu tulus alatan World War I ; [c2] Teu tulus alatan World War II ; [c3] Dieureunkeun nepi ka 2021 kusabab Pandemi COVID-19

Koordinat : 35°41′N 139°46′E