Di Wikipedia, e ensiklopedia liber
Sint-Elisabeth Hospital
(SEHOS) tabata un hospital na
Willemstad
,
Korsou
, den bario di
Otrobanda
. A duna e hospital e nomber di Santa Elisabeth di Hungria. For di 1954 hospital tin su imagen riba un mural di mosaiko, ku a wordu krea pa e artista visual hulandes Charles Eyck (1897-1983).
E tabata e prome hospital general riba e isla ku, bou di nomber di
St. Elisabeth Gasthuis
, a wordu funda dia
3 di desember
1855
dor di monsenor
Ferdinand Kieckens
ku ayudo di e surnan Fransiskano di
Breda
. Arkitekto tabata Stephanus van der Pavert. Den komienso tabata duna kuido na pashentnan di lepra i personanan ku un limitashon mental.
[1]
Na 1956 e hospital a wordu ekspande na banda suitost ku un ala den estilo modernistiko di arkitekto
Ben Smit
.
[2]
E fasilitat a desaroya den un hospital i instituto edukativo pa personal mediko i di kuido. Ku 740 kama SEHOS tabata e hospital mas grandi di
Antias Hulandes
i un di e dunadornan di trabou mas grandi di Korsou.
[3]
Fin di 2019 a habri un hospital nobo,
Curacao Medical Center
, banda di SEHOS, ku a wordu basha abou parsialmente, despues ku esaki a sera mesun ana. Pa e kompleho di SEHOS, ku un tereno di 18.500 m², ta buska un destino nobo.
[1]
Na 2021 a presenta un masterplan pa desaroyo i transformashon di e kompleho.
[4]