|
|
Peca de
moneda
dau reine de Teodosi Ier
|
Biografia
|
Naissenca
|
347
|
N. a
|
|
Deces
|
17 de genier de 395
|
D. a
|
|
Causa de deces
|
|
Assassinat/ada per
|
|
Luoc d'enterrament
|
|
Lenga mairala
|
|
Fogal ancestral
|
|
Pais de nacionalitat
|
|
Paire
|
|
Maire
|
|
Oncle
|
|
Tanta
|
|
Grands
|
|
Belamaire
|
|
Belpaire
|
|
Fraire
|
|
Sorre
|
|
Conjunt
|
|
Companh/a
|
|
Filh/a
|
|
|
|
Religion
|
|
Membre de
|
|
Familha nobla
|
|
Membre de
l'equipa esportiva
|
|
posicion de joc
|
|
tir (esquerra/drecha)
|
|
grad dan/kyu
|
|
Grop etnic
|
|
Orientacion sexuala
|
|
Profession
|
|
Emplegaire
|
|
Domeni d'activitat
|
|
Escolaritat
|
|
Diploma
|
|
Director de tesi
|
|
Estudiant de tesi
|
|
Foncion politica
|
|
Residencia oficiala
|
|
Predecessor
|
|
Successor
|
|
Partit
|
|
Tessitura
|
|
Label discografic
|
|
Lista de cancons
|
|
Discografia
|
|
Mission de l'astronauta
|
|
Distincions e premis
|
|
Branca militara
|
|
Grad militar
|
|
Etapa de canonizacion
|
|
Familha nobla
|
|
Titol de noblesa
|
|
Titol onorific
|
|
Comandament
|
|
Conflicte
|
|
Jorn de la festa
|
|
Pais:
|
Emperi roman d'Occident
|
Epoca:
|
Antiquitat
|
Regne:
|
379 a 395
|
---|
Davancier:
|
Valens
|
---|
Successor:
|
Flavius Honorius
|
Teodosi I
, en
latin
Flavius Theodosius Augustus
, tanben nomenat
Teodosi lo Grand
(del
Grec
ancian θε??, teos, ≪ dieu ≫ e δ?σ- radical de δ?σι?, dosis, ≪ don ≫, mai patronimic -ιο?), nascut en
347
e mort lo
17 de genier
de
395
, es
emperaire roman
de
379
a
395
, festejat lo
17 de genier
coma sant de las Gleisas crestianas
[1]
,
[2]
. Es lo filh de Teodosi l'Ancian.
Es lo darrier emperaire a regnar sus l'Emperi roman unificat, per un periode forca breu: que dura de sa victoria sus Eugen lo 6 de setembre de 394 a sa mort lo 17 de genier de 395
[3]
.
Las fonts anticas sul regne de Teodosi son pro nombroses e variadas mas se contradison sovent. Es perque lo personatge a un imatge ambigu. Fins ara los istorians estiman malaisidament aquel emperaire, qualificat de ≪ Grand ≫ mas tanben accusat de fanatisme religios, d'indecision e de flaquesa. Cal pasmens jutjar aquel regne segon la perspectiva del periode dramatic que viu l'emperi, invasion dels Gots, crisi religiosa amb la fin del paganisme, e demorar prudent e mesurada dins la presentacion de son bilanc
[4]
.
Dins las fonts primarias dispausam d'en primier del
codi teodosian
, recuelh de leis publicat en
438
jol regne de son falen
Teodosi II
. Cal apondre las Constitucions sirmondianas
[5]
. Unas leis se trapan dins lo codi Justinian, del segle VI. Aqueles recuelhs permeton de coneisser una partida importanta de l’obra legislativa de Teodosi, sens pasmens qu'aquela s'i trapa dins son integralitat.
Dispausam tanben de mai d'unes discors prononciats dabans Teodosi per de retaires pagans, subretot aqueles de Pacatus a Roma e de Temistios a
Constantinoble
. Aqueles discors contenon cadun un laus de l'emperaire a qui s'adrecan, independentament de las esperancas de lors autors. Al meteis periode, lo senator de Roma, mas tanben retaire, Simmac es l'autor d'una vasta correspondencia adrecada a un nombre elevat de personalitats proches de Teodosi. Fin finala Libanios, sens dobte lo retaire lo mai celebre de l'epoca, es l'autor de mai d'un discors adrecat directament a Teodosi e, coma Simmac, d'una importanta correspondencia amb los principals notables del regne
[6]
.
Las figuras religiosas mager de l'epoca son tanben una font d'informacion preciosa subretot lor correspondencia. Coma d'Ambrosi de Milan, qu'a de relacions estreta amb los diverses emperaires d'aquela fin del segle IV, e qu'es una font importanta sul regne de Teodosi e tanben sus l'ensems dels eveniments del periode. Ambrosi en mai es l'autor de l'orason funebra de Teodosi.
Joan Crisostom
escriguet las
Omelias sus las estatuas
[7]
, allusion a la revolta de
387
a
Antioquia
e una autra omelia
[8]
per un aniversari de la mort de Teodosi uns ans mai tard.
Teodosi I benleu nasquet l'
11 de genier de
347
a Cauca (
Coca
d'ara) una vilota al Nord Oest de la provincia romana de Gallaecia, pres de l'actuala
Segovia
. Son paire, que tanben se nomena Flavi Teodosi, es un militar victorios
[9]
de
Valentinian I
, e latifundista de la region. Per una rason incertana es executat a
Cartage
al comencament de
376
benleu sus ordre de
Valens
[4]
. Los grands pairals, Onori e Termantia, eran ja de crestians niceus, tot coma son paire e el meteis. Teodosi tanben avia un fraire, Onori, qu'adoptet mai tard la filha Serena e qu'aguet una granda influencia amb son mariadatge amb lo
magister militum
Stilicon.
Lo jove Teodosi passa son enfenca dins son Ispania natala. Se coneis gaireben pas res de son educacion, levat de l'interes qu'avia per l'estudi de l'istoria. A causa de sa nauta naissenca, recep benleu una bona educacion.
A partir de
368
, fa partit de l'escorta de son paire. Comenca una carriera militara e es present amb el a las campanhas en Bretanha en
368
/
369
, a la campanha contra los
Alamans
en
370
pres del
Ren
(lo paire es a l'epoca
magister equitum praesentalis
e foguet donc comandor de la cavaleria de l'armada) e contra los Sarmats en
372
/
373
pres del
Danubi
.
Benleu merce a l'influencia de son paire, Teodosi es promougut
dux Moesiae primae
, e recep lo comandament d'una provincia militara dins los
Balcans
. Aquel tipe de nominacion essent a aquel epoca corrent e lo jove Teodosi semblava esser totalament a la nautor de la tasca. En
373
, son paire fuguet fin finala enviat en
Africa
per dominar la rebellion de l'usurpator Firmus, pendent que son filh batava en 374 los Sarmats en
Panonia
(pres de l'actuala Ongria), apres qu'aqueles darriers derniers passeron lo
Danubi
. Alara, provet sa valor militara. L'execucion de son paire, per de rasons confusas, provoca sa disgracia provisoria entre 375/6 e 378.
La mort de l'emperaire
Valens
a la batalha d'
Andrinople
(378) obliguet
Gracian
a proclamar Teodosi emperaire en
379
: recebet Orient,
Macedonia
e Dacia.
Teodosi se fixa per objectiu d'estabilizar las frontieras, d'en primier al Nord amb los Gots puei a l'Est amb los Perses.
En
380
, amb Gracian, arrestet los Gots en Epir e
Dalmacia
. Toedosi installa una partida dels Ostrogots en
Panonia
, e s’installa a
Constantinoble
.
Teodosi avent enrotlat dins l’armada romana dels contingents de barbars lor daissant una organizacion autonoma. Aqueles
federats
preparan l’occupacion de l’Emperi pels barbars.
En
382
, installa los
Visigots
en Mesia. Aquela decision, considerada pels contemporaneus coma catastrofica, foguet una de las causas primiera de la fin de l'
Emperi Roman d'Occident
. de fach, aquela insercion d'un poble barbar unit e fort dins l'emperi, e al meteis temps dins l'armada imperiala, acabet amb un controtle vertadier de l'emperaire sus sas armadas. Mas apres lo desastre d'Andrinople jos l'emperaire
Valens
es possible que Teodosi avia pas gaire de causida.
Alara que la guerra amb los
Perses sassanids
s'era descadenada jos Valens, Teodosi compausa amb lo rei Shapur III, qu'enviet una ambassada a Constantinoble en 384 per demandar la patz. Foguet signada a Ekeleac en 387. Lo tractat portava subretot sus l'astre d'
Armenia
, que foguet divisada entre las doas grandas potencia, la part du leon anant a
Persia
,
Lo trionf de l'ortodoxia nicea sus l'eretgia ariana
[
modificar
|
Modificar lo codi
]
En
380
, publiquet l’edicte (dich edicte de Tessalonica) seguent: ≪
Totes los pobles devon aderir a la fe transmesa als Romans per l’apostol
Peire
, aquela que reconeisson lo pontif
Damas
e Peire, l'evesque d'Alexandria, es a dire la Santa Trinitat del Paire, del Filh e del Sant Esperit. ≫
La fe catolica trinitaria, tala que foguet definida pel Concili de Niceu, trionfava alara sus l’
arrianisme
, que foguet condamnat encara un cop pel primier concili ecumenic de Constantinoble (
381
).
En abril 390, lo poble de Tessalonica se rebela a causa de la perturbacion d'una correguda de carri per una istoria de mors, e de magistrats fugueron tuats e lor cos trainat dins la vila. La repression faguet set mila a detz mila morts, segon las fonts, fasent que Teodosi foguet excommuniat per l’ecesque Ambrosi de Milan. Las victimas dels chaples fuogueron subretot de Romans e los chaplaires d’ancians barbars, populacions qu'avian estat recrutadas per l’armada.
Pendent de meses, Teodosi e Ambrosi domereron dins lors posicions respectivas. Puei Teodosi, sentent que la seuna vengava impossibla, acceptet de venir s’umiliar publicament dabnas Ambrosi la testa coberta de cendres per obtenir sonretorn dins la Gleisa
[10]
.
Los emperaires Teodosi, per l’
Emperi d'Orient
e
Gracian
, per l’
Emperi d'Occident
ambedos crestians, fan de la fe catolica l'unica religion oficiala e obligatori de l'Estat, per l’Edicte del
28 de febrier de
380
, dich l'edicte de Tessalonica. L’emperaire Gracian daissa alra lo titol de
pontifex maximus
de l'ancian cult roman pagan. Aquel titol foguet mai tard donat a l’
evesque de Roma
, dins un sens sacerdotal novel, segon la primautat petriniana, es a dire la primautat pontificala. Los temples pagans de l'emperi roman son alara tencats (subretot en Orient, jol vam de Teodosi), e l'estatua de la divesa Victoria es sortida del Senat roman per ordre de Gracian, co que provoquet l'inutila protestacion d'una aristocracia pagana minoritaria mas encara politicament influenta a Roma (p.ex. la supplica del senator pagan Quint Aureli Simmac al subjecte). En Egipte, lo patriarca Teofil d'Alexandria es encargat d’aplicar l’edicte de Teoosi I qu'enebis als pagans l’acces a lors temples e totas las ceremonias paganas. Los temples son o destruits, o consacrats coma gleisas. Las estatuas de las divinitats paganas son trencadas e lo Serapeum de Memfis es destruit sus ordre del quita emperaire. Lo temple d'Isis o foguet mai tard, pendent de soslevaments populars seguissent lo conflicte entre los partisans del patriarca
Ciril d'Alexandria
e Orest l darrier prefecte pagan de la vila.
Las seguidas de l'Edicte son catastroficas pels tenents dels ancians cultes pagans. Los rotles son drasticament capvirats
: son alara los adeptes de la ≪ religion pagana ≫ e lors obras que son enebidas e eliminats, apres aver causat tant de martirs crestians, subretot pendent la darriera granda persecucion de
Dioclecian
, al comencament del quite segle IV. Totas las obras e manifestacions jutjadas paganas son pauc a pauc interditas. En 415, un soslevament preparat per un cert Peire lo magistrat, a
Alexandria
, que lo patriarca
Ciril
podet pas contenir, s'acaba pel linchatge d'
Ipatia
, filosofa neoplatoniciena, adepta de
Plotin
, acusada o de practicas de magia, o d'empachar la reconciliacion entre lo patriarca
Ciril d'Alexandria
e lo prefecte pagan Orest. Segon Socrat l'Ecolastic, son cos trocejat al suc del Cinaron per i esser brutlada, alara que los insurjats van cap a la Biblioteca per l'incendiar. Fin finala, en
392
, Teodosi espotissia l’usurpacion d’Eugen.
Entre
383
e
388
, deguet enfrentar l’usurpacion de Magne Clemens Maxim, qu'apres aver desfach
Gracian
s’era emparat de tota la prefectura de las Gallias e ocupet
Roma
e l’Italia tota al prejudici de
Valentinian II
. Teodosi venquet Maxim qui fuguet tuat a Aquileu, en
388
.
De
388
a
391
, Toedosi demoret en Occident, gaireben totjorn a
Milan
. En
390
, volent acabar amb las mors del mond antica fins alara, e impausar la morala ascetica precicada pels crestians mai radicals, publiquet una lei castigant de mort los
omosexals
, e reprimet dins lo sang per las tropas barbaras una insurreccion a
Tessalonica
.
Entre
392
e
394
, reprimet l’usurpacion d’Eugen, un foncionari proclamat emperaire apres la mort de
Valentinian II
.
En
394
, foguet l’autor del decret interdisent los
Jocs Olimpics
acusats de difusar lo
paganisme
(los jocs fogueron restablits sonque en 1502 ans mai tard en Grecia).
Teodosi, que patissia d'idropisia, moriguet a Milan, lo
17 de genier de
395
. Alara, l’Emperi tornet esser unificat pel primier cop dempuei trenta ans, mas pel darrier cop.
De son primier maridatge amb Aelia Flacilla, Teodosi aguet dos filhs:
August Arcadi
en
383
, e
Onori
en
393
. Partejet entre eles l’Emperi:
Flavius Honorius
(10 ans) recebet l’Occident e
Flavius Arcadius
(18 ans) l’Orient, e encarguet lo
Vandal
Stilicon de vigilar sus eles.
- ↑
(
fr
)
Vejatz sant Teodosi I sus Nominis
- ↑
(
fr
)
Vejatz los sants pel 17 de genier de du calendier eclesiastic orthodoxe
- ↑
Pierre Maraval,
Theodose le Grand, le pouvoir et la foi
, 2009, pp. 275-285.
- ↑
4,0
et
4,1
Pierre Maraval,
Theodose le Grand
, Fayard, 2009.
- ↑
S'agis d'una compilacion de pres d'un vintenat de constitucions imperialas consacradas al drech cultual e mai sovent publicadas en annexes du libre XVI del Codi teodosian.
- ↑
Pierre Maraval, Theodose le Grand, le pouvoir et la foi, Fayard, 2009
- ↑
Homiliae de Statuis
- ↑
Homilia VI
- ↑
Sometet mai d'una revoltas en Bretanha (vers 368), puei venguet mestre de la cavalaria en Gallia (en 369) combet los
Alamans
e los Sarmats.
- ↑
cf l'article de
Biblia-cerf
- M. Poinsignon,
Etat politique et religieux de l'Empire a la mort de Theodose-le-Grand (395)
, dans les
Travaux de l'Academie nationale de Reims
, Reims, 1853, vol.18, p.28-57
[1]
- Pierre Maraval,
Theodose le Grand, le pouvoir et la foi
, edition Fayard, 2009.
- Bertrand Lancon,
Theodose
, Perrin, 393 p., 2015