Oquei pelena:
Argentina
/
Paquistan
.
L
'oquei pelena
es un esport de bala collectiu oposant doas formacions d'onze jogaires equipats d'una croca
L'Oquei al R.C.F. (1903).
L'oquei sus
pelena
es lo joc de bala amb croca mai ancian conegut que se trapet dins las primieras civilizacions. Pas cap de prova nimai de font d’informacion existisson al subjecte de l’origina del joc. La mai anciana representacion d'aquel esport se trapa sus una fresca tombala dins la val de
Nil
e datant de 2000 ans AbC. A la meteissa epoca, se trobet tanben un joc gaireben identic en
China
, a l'
Orient Mejan
e en
America del Sud
. I a tanben un bas releu presentant aquel joc sus la paret de Temistocles a
Atenas
, datant de l'antiquitat grega
[1]
.
L'equipa d'India als Jocs olimpics de 1936
L'istoria moderna de l'oquei comencet en
Angleterra
a la fondacion del primier club
:
Blackheath
(1851). En 1875, un autre club
londinenc
,
Teddington
, modernizet e normalizet lo joc amb de reglas novelas; la bala venguet esferica, se la podia pas prene amb la man e la croca se podia pas mai levar al dessus de las espatlas. En 1883, lo nombre de jogaires per equipa foguet fixat a onze. Lo novelum mager foguet la creacion de la ≪ zona de tir al gol ≫ adoptada per l'Associacion anglesa d'oquei que se venia de crear.
Los ans seguents, l’armada britanica desvelopa l'ocquei moderne dins las colonias britanicas. En 1908, e pel primier cop, l'oquei es presentat als JO de Londres. L'Angleterra acaba primiera seguida per Irlanda, Escocia, Galas e Alemanha.
Lo reste del mond demoret pas inactiu e un campionnat de
Franca
nasquet en 1899. La Federacion francesa d'oquei foguet creada en 1920 e la Federacion internacionala (FIH) a
Paris
en 1924.
En 1980, l'oquei femenin foguet presentat al
JO de Moscou
.
Camp d'oquei pelena
Asagatge d'una pelena sintetica d'oquei pelena sintetica (per la far mai limpanta)
- L'oquei pelena opausa doas colas d'onze jogaires caduna sus un camp de 91,40 metres de long sus 55 metres de larg.
- Una partida d'oquei es constituida de 4 quart temps de 15 minutas (FIH) o de 17,5 minutas (Euro Hockey League)
[2]
.
- La bala pot pas tocar que lo costat plan de la croca.
- Los jogaires podon pas tocar la bala amb quina que sia partida del cos, levat lo portier.
- Un punt es validat sonque se la bala es trucada o desviada per quin que sia jogaire situat dins lo cercle abans d'intrar dins la gabia (lo cercle es un miegcercle de 16 m tracat a partir del centre de la gabia).
- L'equipa ganhanta es aquela que marca mai de punts a la fin del temps reglamentari. Se las doas colas an marcat lo meteis nombre de puts, alara la partida es declarada ≪ partida nula ≫. Levat per una partida de copa; en cas d'egalitat las doas colas causissan 5 jogaires caduna que van realizar una seria de tir (un jogaire va dels 22 m e ten 11 segondas per marcar).
La croca es drecha dins sa partida nauta, munida d'una partida agafanta, similara a aquela raqueta de tennis, la partida bassa es corba e possedis una facia bombada (la facia exteriora) e una facia plana (la facia interiora). Sol l'usatge d'aquela facia plana es autorizada per trucar o desviar la palma. La croca es tradicionalament de fusta mas totjorn masovent de materias compositea coma lo carbon o lo Kevlar son utilizadas per sa fabricacion. La quita croca cal intrar dins un redond d'un diametre d'interior de 5,10 cm.
La corba de la croca tanben ten de restriccions. De corbas totjorn mai importantas provoqueron de tirs aerian non oportun, font potenciala d'accidents greus.
La corba maximala donc es de 25,4 mm (1").
Lo penalti corners
Un jogaire placat a 9,14 m del pal de gabia deu passar la palma a un jogaire de sa cola que la bloca fora de la zona. I a sovent un blocaire e un tiraire. I a 4 jogaires mai lo gardian de la cola adversa dins la gabia que dovon blocar la bala o la desviar.
Una bala d'oquei pesa entre 156 e 163 gramas mas existis mai leugieras pels joves. Abans era de cuer quand l'esport se praticavan amb de crocas de fusta sus un camp de pelosa naturela, es uei de materias plasticas. Crava la bala es mai sovent lisa mas de tot pichons craters son acceptats. Aquelas darrieras son sovent utilizadas sus un camp de pelena sintetica umida que coma las balas de golf an mai de portanca.
Lo portier es vestit de color diferenta dels autres jogaires. Utiliza d'accessoris de proteccion
: casc, plastron, cauquilha, guetas, codieras, sabots e gants. Lo vestit del portier deu obeir a de reglas e a las normas de la FIH per pas aumentar de biais artificial sa corpulenca
Lo portier pot jogar la palma amb quina partida de son cos que sia. Tanben pot utilizar la croca. Pot jogar la palma sonque dins sa zona del portiet. Fora d'aquela pot jogar sonque amb la croca.
Pareis a aquel dels jogaires de fotbol: camiseta, caucas cortas, caucetas, apara-tibias, possiblament de gants de proteccion. Calcaduras equipadas de rampons segon la natura del camp. Portar un apara-dents es obligatori coma pels apara-tibias.
L'oquei pelena longtemps foguet dominat per las meteissas equipas: subretot India, que dominet la disciplina pendent tres decennias, ganhant las sieis medalhas d'aur olimpicas e 30 partidas de seguida entre 1928 e 1956. Mas cal pas obliar Alemanha, Australia, Paquistan, Paises Basses, e de cops qu'i a Angleterra. Dempuei fa pauc, d'autras colas faparegueron e revendican lors placa dins l'eleit
: la Corea del Sud, l'Argentina e subretot l'Espanha.
L'oquei de sala se devolopet dins los ans 1950 per permetre una practica ivernala de l'oquei pelena dins los paises europeus.
Lo joc opausa doas colas de cinc jogaire (fins a 2013 eran sieis) sus un camp de handball (dimensions de 40 metres par 20 metres) avec utilisation des buts d'handbal (dimensions de 3 metres per 2 metres).
Lo camp d'oquei de sala se termina per de listras de renvei (20 fustas de 4 metres de long, de 10 a 15 cm de larg e de 15 cm de naut) pausadas sus las linhas de toca per empacha la bala de sortir.
Las reglas de l'oquei de sala son los meteisses qu'aquelas de l'oquei pelena. Pasmans, unas modificacions son donadas (subretot per assegurar la seguretat dels jogaires e melhorar la velocitat del joc)
:
- Es enebit de frapar la bala (sonque se la pot butar),
- Es enebit de levar la bala sonque se lo pot per l'enviar a la gabia,
- la presencia de listras de renvei sus las linhas de toca accelera la velocitat del joc,
- I a pas de longs corners a l'oquie de sala, sonque des penalti corners (PC).
- Se deu pas tocar la bala amb una autra partida que la croca.
- Cal pas aver mai de doas piejas al sol.
- Se deu pas tirar cap a un jogaire advers qu'a sa croca a terra a mens d'unes metres