Een
votiefkroon
, deur de Visigotische keunink Rekkeswinthus (estorven in 672) an de kathelieke karke eschunken
Visigotische ummezwarvings
De Visigotische karke
San Pedro de la Nave
in Zamora, Spanje
De
Visigoten
(
Latien
:
Visigothi
,
Wisigothi
,
Vesi
,
Visi
,
Wesi
,
Wisi
) waren ien van de
Gotische volken
, die op heur beurte diel uutmaakten van de (oost-)
Germaanse
volken. Ze speulden in de
late oldheid
een belangrieke rolle op 't Europese toniel, as ien van de '
barbaarse
' volken in de
Grote Volksverhuzing
die bijdreugen an de val van 't
West-Romeinse Riek
. Ze kwamen voort uut eerdere Gotische groepen, waoronder een grote groep
Thervingi
, die vanof 376 't
Romeinse Riek
binnenedrungen waren en de Romeinen hadden helpen verslaon in de
Slag bij Adrianopel
in 378.
Ummezwarvings en vestiging in de Romeinse gebieden
[
bewark
|
bronkode bewarken
]
De naoberverholdings tussen de Visigoten en de Romeinen waren wisselnd; dan weer was der stried, dan weer sleuten ze verdragen wanneer of det uutkwaamp. In 376 vollen de Visigoten
de Balkan binnen
en vestigden heur in
Thracie
en
Moesie
(Servie mit Bulgaarse en Roemeense contreien an de benedenloop van de
Donau
). Onder
Alarik I
plunderden ze Rome
in 410. Daornao begunden ze meer blievend dale te strieken, veureerst in zudelk
Gallie
(
Aquitanie
). Daor leefden ze as
foederati
van de Romeinen, een verbond det in 418 tot stand kwaamp.
Al rap kregen ze verschil mit de Romeinen en zetten ze heur eigen
Visigotische Riek
op, mit as anvaankelke heufdstad
Toulouse
. Vervolgens breidden ze heur macht uut naor Hispania ten koste van de
Sueben
en de
Vandalen
. In 507 wordden de Visigoten uut Gallie ewupt deur de
Fraanken
, die heur onder
Clovis I
versleugen in de
Slag bij Vouille
. Hiernao was 't Visigotische Riek beparkt tot Hispania en bezaten de Visigoten nooit meer laand baoven de
Pyreneeen
, mit uutzundering van
Septimania
.
In of rond 589 bekeerden de Visigoten onder
Reccared I
heur van 't
Arianisme
tot 't
Niceense christendom
. Dit en alderhaande aandere geleufszaken wordden eriegeld op de
Concilies van Toledo
, waorvan der van de viefde tot in de zeuvende ieuw een stok of dartig plaatsevunden. Staorigiesan namen de Visigoten de cultuur van heur Hispanoromeinse onderdaonen aover. Heur wetboek, de
Lex Visigothorum
(det in 654 klaor was), schafte de lange treditie van onderscheiden wetten veur Romeinen en Visigoten of. Toen der ienmaol gien wettelk onderscheid meer was tussen
Romani
en
Gothi
, raakten dizze groepen mit 'n beiden bekend as de
Hispani
.
In 711
volt een macht van Arabieren en Berbers Hispania binnen
en verleuren de Visigoten de
Slag bij Guadalete
. Keunink
Roderik
en veule aandere Visigotische leiders wordden edood, waornao 't Visigotische Riek rap in menare stortte. De Visigoten trokken heur terogge in 't noorden van 't schiereilaand, waor ze onder
Pelagius
in 718 of 722 't
Keuninkriek Asturie
vestigden. Daor versleugen ze in 722
bij Covadonga
de
Omajjaden
, wat eziene wordt as 't begun van de zeuven ieuwen umspannende
Reconquista
(herveraovering) van Spanje op de
Moren
.
Verscheiden Visigotische karken bint bewaard ebleven. Ok wordt der deur archeologen nog aldeur Visigotische keunst weerevunden; de riekste vondst is de
Schat van Guarrazar
die in de 19de ieuw bij Toledo evunden wordden. De vier of vief steden waorvan bekend is det de Visigoten ze op 't Iberisch schiereilaand esticht hebt waren de ienige neie steden in West-Europa tussen de val van 't West-Romeinse Riek en de opkomst van de
Karolingen
.
De
Gotische taal
, die in Hispania tot in de achtste ieuw epraot wordden, hef niet biester veule invloed ehad op de
Romaanse talen
van Spanje en Portugal. Wal van Visigotische oorsprong bint veule, waoronder sommige van de miest veurkomende, Spaanse en Portugese veurnamen (Carlos, Federico, Luis, ezw.) en achternamen (Garcia, Gonzalez, Hernandez, ezw.). De Lex Visigothorum diende tot in de late middelieuwen as basis veur de rechtspraoke in de christelijke gebieden van 't Iberisch schiereilaand.