Gioacchino Murat

'A Wikipedia.
Statua 'e Murat for'o Palazzo Riale 'e Napule .

Gioacchino Murat nato Joachim Murat-Jordy ( Labastide-Fortuniere 25 'e marzo 1767 - Pizzo 13 'e ottovre 1815 ) fuje nu generale franzese , maresciallo 'e ll'Impero cu Napulione Bonaparte e rre 'e Napule.


Murat a Napule [ cagna | cagna surgente ]

Int'o 1808 fuje nomminate rre 'e Napule da Napulione, aroppo c'a curona d'o regno ca fuje r'e Burbone , p'a nommena 'e Giuseppe Bonaparte a rre 'e Spagna , deventaje vacante.

Int'o 18 novembre 1808 funnaje 'o Cuorpo 'e ll'ingegnere 'e Punte e Strade ('a futura faculta 'e 'ngegneria), primma 'e ll'Italia, e 'a cattedra 'e agraria . Ngignaje opere pubbleche a Napule ('o ponte 'e Sanita , via Posillepo), 'e scave a Ercolano , e apperzi int'o riesto d'o Regno, 'a 'llumenazione pubbleca a Reggio Calavria , 'o pruggetto r'o Borgo Nuovo 'e Bari , 'o riattamiento d'o redduoso 'e Brindisi , ll'istituzione 'e ll'ospitale San Carlo a Putenza .

O Castielle e Pizzo Calabro , aro' Rre Gioacchino fuje cundannato a morte e scuppettiato.
Copia originale ra cundanna a morte 'e Gioacchino Murat, astepata rint'all'Archivio Storico 'e Napule.

'O 1º 'e jennaro 1809 , Murat purtaje 'o Codece Napulioneco , ca llegalezzaje, p'a primma vota int'a penisula, 'o devuorzio, 'o matremonio civile e ll'adozione.

Int'o 1810 Murat guvernaje 'o regno pe tre mise a Piale, frazione 'e Villa San Giovanni , int'a Calavria Ultra. Isso, partenno da Napule p'a conquista d'a Sicilia (sotto 'o cuntrollo 'e Ferdinando I), iognette a Scilla 'o 3 giugno 1810 e nce se fermaje nfin'o 5 luglio. O 26 settembre Murat renonzaje a ll'impresa.


'A caruta [ cagna | cagna surgente ]

'O Rre cuntenuaje 'e campagne melitare 'e Napulione e int'o 1812 assecutaje ll'envasione franzese 'e ll'impero russo, e 'a cunsequente battaglia 'e Lipsia d'o ( 1813 ). Aroppo a cheste scusute, Murat, addebbuluto, pruvaje a sarva 'a curona firmanno 'a pace cu ll'Austria, ma ll'anno appriesso, a 'o retuorno 'e Napulione, int'e nomalte ciento juorne , fuje affianco a ll'Imperatore, cumbattenno 'a uerra austro-napulitana pe' piglia 'e pparte d'o trono, ma fuje scusuto primma a Occhiobello e appriesso int'a battaglia 'e Tolentino ( 2 'e majo 1815 ). O cunsequente trattato 'e Casalanza (20 maggio 1815), firmato azzicco a Capua , addecretaje 'a caruta soja e 'o retuorno r'o Burbone.

A Chiesa 'e San Giorgio a Pizzo Calabro, aro' atterrareno a Gioacchino Murat.
Lapide rint'a Chiesa 'e San Giorgio a Pizzo Calabro c'arrecorda aro fuje atterrato Re Gioacchino.

C'a secunna caruta 'e Napulione , Murat, ca cercaje 'e ll'appassa a Parigi , allippaje a Rodi Garganico e se stabbelette int'o castiello d'o paese, d'addove pruvaje a turna a Napule. Sbazzaruto da na ufera in Calavria , int'e strate 'e Pizzo fuje attrappato d'a Gendarmeria Burboneca, arrestato, e aroppo ca 'o rre nummenaje na Cummessione Melitare, cundannato a morte. Fuje scuppettiato a Pizzo o 13 ottovre 1815 .


Bibbliografia [ cagna | cagna surgente ]




Vvoce pariente [ cagna | cagna surgente ]

Estratto 'e " https://nap.wikipedia.org/w/index.php?title=Gioacchino_Murat&oldid=662950 "