Dit artikel is gesjreve (of begos) in 't Norbiks . Laes hie wie v'r mit de versjillende saorte Limburgs omgaon.

Multatuli ( Amsterdam , 2 maart 1820 ? Nieder-Ingelheim , 19 februari 1887 ) waor 'ne Nederlandse sjriever en vriemetselaer . Multatuli is 'ne pseudoniem va Eduard Douwes Dekker

Eduard Douwes Dekker werkde es ambtenaar in Nederlands-Indie ('t Indonesie va huutsedaag), oee, wie-e dao op 19-jaorege leeftied aankieem, nao eege zegke z'n 'zieel wakker waoerd', mae oee-e ooch de vaole wantoesjtande zoog oonder verantwoordelekheed van 't Hollendsje koloniale bewind. Z'n bekaandste waerk is d'r Max Havelaar , oeein-e de behandeling van de plaatsjeleke bevolking daor Nederlandse en Nederlands-Indische besjtuurders an de kaak sjtelde. 't Pseudoniem Multatuli is Latien vaor 'Ich han vaol (leed) gedrage' ( multa tuli ) en is 'n verwiezing nao 'n beroemde passage oet de Tristia van Ovidius .

In 1882 noom Michel Perelaer 't es en van de orsjte op vor Multatuli in 't pamflet Nogmaals Bantam en Max Havelaar .

Multatuli sjtorf in Nieder-Ingelheim in Duutsjland . E waor d'r orsjte Nederlander dae zich loot cremere . De urn wert bewaard in 't Multatuli-Museum .

In juni 2002 waoert d'r Max Havelaar dor de Maatschappij der Nederlandse Letterkunde oetgerope tot 't belangriekste Nederlandstaleg letterkundeg waerk aller tieje.

't Multatuligenootschap sjtelt zich ten doel de kennis va Multatuli te bevordere en z'n blievend belang te ondersjtriepe. 't Beheert 't Multatuli-Museum, dat gevestigd is in 't gebaoertehoes van d'r sjriever.