Chronos, bondje di tan di mitoloji grek, pa Ignaz Gunther, Bayerisches Nationalmuseum a Munich.
Tan
sa roun nosyon ki ka rande kont di chanjman andan monn-an. Kesyonnman ka pote so ko asou so ≪ lanatir entim ≫ : propriyete fondamantal di
Iniver
, oben tou senpman sa prodjwi di observasyon entelektchwel e di persepsyon di moun. Som de repons pa ka sifi pou degaje oun konsep satisfezan di tan. Tout pa teyorik : ≪ pratik ≫ chanjant di tan pa nonm-yan sa di oun enportans kapital.
I pa ka egziste di mizour-a di tan di menm mannye-a ki i ka egziste, pa legzanp, oun mizour di charj elektrik-a. Annan sa ka swiv a pou nou konprann ki ≪ mizour di doure-a ≫ an lye e plas di mizour di tan. Mizour-a di doure-a, a-pou-di ki di tan ekoule ant De evennman peryodik, ka baze so ko asou de fenomenn peryodik (jou, osiyasyan di roun pandoul...) oben kantik (tan di tranzisyon elektronik annan atom-an pa legzanp).
