Tittu Flaviu Vespasianu ^[1] (in latinu: Titus Flavius Vespasianus, regnante cu u nome di Tittu Flaviu Vespasianu Cesare Augustu; Roma, 30 dicembre 39 - Aquae Cutiliae, 13 sittembre 81) he statu un imperatore rumanu di a dinastia di i Flavi. Prima di culla a u tronu, Tittu fu un abile e stimatu generale chi si distinse per a ripressione di a ribellione in Giudea di u 70 , durente a quale fu distruttu u sicondu tempiu di Gerusalemma . Eppuru fu cunsideratu un bon imperatore da Tacitu e da altri storichi cuntempuranii. He cunnisciutu per u so prugramma d'opere publiche a Roma e per a so generosita per succorre a pupulazione in seguitu a duie evvenimenti disastrosi: l' eruzione di u Vesuviu di u 79 e l'incendiu di Roma di a 80 . Celebra he a definizione ch'ellu dete d'ellu u storicu Svetonio :

per cilibra tutti i meriti di Tittu e di u so guvernu.

Biografia [ mudifica | edita a fonte ]

Origine familiale e aduliscenza [ mudifica | edita a fonte ]

A famiglia di Tittu, a gens Flavia , appartinia a a nubilta italica chi, in a prima mita di u I seculu , rimpiazzo a piu antica aristucrazia rumana, indibulita da i dicennii di guerre civile cumbattuti in u I seculu a.C. A gens Flavia, per esempiu, cullo da un' origine umile a l'onori i piu alti in appena tre generazione. U missiavone paternu di Tittu, Tittu Flavio Petrone , avia cumbattutu cum'e cinturione in l'armata di Gneo Pompeo Magnu durente a guerra civile tra Cesare e Pompeo (49-45 a.C.), punendu fine di manera vergugnosa a a so propria carriera incu a fuga da u campu di battaglia durente a battaglia di Farsalo ( 48 a.C. ). Perdunatu quantunque da Cesare, divento percettore di e vendite a l'asta e spuso a ricca Tertulla. ^[2]

U figliu di Petrone e Tertulla, Tittu Flavio Sabinu , fu un riccu percettore in Asia e un pristatore a interessi in Helvetia e spuso Vespasia Polla , figliola di u tribunu militare Vespasio Pollione . Grazia a 'ssu matrimoniu, Sabinu s'imparinto incu l'aristucratica gens Vespasia , garantiscendu a i so figlioli, Tittu Flaviu Sabinu e Tittu Flaviu Vespasianu , u rangu senaturiale . ^[3] U figliolu minore di Sabinu, Vespasianu, spuso Flavia Domitilla maio , da a quale ebbe Titu Flaviu Vespasianu, natu a Roma u 30 di dicembre 39 ; ^[4]

Carriera militara e ascesa pulitica (58-79) [ mudifica | edita a fonte ]

Tra u 58 e u 60 ^[5] fu prima tribunu militare in Alimagna , induve ebbe per cullegu Pliniu u Vechju , ^[6] dopu in Britannia , ^[7] prubabilmente in occasione di u trasfirimentu annantu a l'isula d'un cuntingente di rinforzu in seguitu a a rivolta di Budicca . ^{[8] [5]} Intornu a u 63 fece ritornu a Roma per intraprende incu successu a carriera di ghjuristu, righjunghjendu a carica di questore. ^[7] In stu periodu spuso Arrecina Tertulla , ^[7] figliola d'un exi Prifettu di u pretoriu di Caligula , Marcu Arrecino Clemente .

Tertulla muri in u 65 e Tittu si rispuso incu Marchja Furnilla , da a quale ebbe una figliola, ma da a quale ellu divurzio senza spusa si dinu. ^[7] Furnilla appartinia a una nobile famiglia, culligata, pero, incu l'oppusizione senaturiale a Nerone , tantu ch'e u ziu di Furnilla, Barea Sorano , e a so figliola Sevilla morsenu in e purghe neruniane dopu a a cuspirazione di Pisone mancata di u 65 ; ^[9] Sicondu parechji storichi muderni, a decisione di divurzia da Furnilla fu presa propriu per alluntana da se i suspetti di collusione incu a cuspirazione. ^[10] Tittu ebbe parechje figliole, ^[11] almenu una di e quale da Furnilla, ^[7] ma solu una sopravvisse, Ghjulia , ch'ellu avia prubabilmente avutu da Arrecina, di a quale a mamma si chjamava ancu ella Ghjulia. ^[12]

Campagna in Ghjudea [ mudifica | edita a fonte ]

In u 67 , Vespasianu fu incaricatu da l'imperatore Nerone d'assume u cummandu di e forze rumane impignate a calma a ribellione di i Ghjudei ( prima guerra ghjudaica , 66-74). Tittu, chi a l'epica avia circa 28 anni, ricivi u cummandu di a Legio XV Apollinaris , ch'ellu ando a priliva a Alissandria d'Egittu e ch'ellu purto dopu in Ghjudea. ^[13] I meriti di Titu in a guerra ghjudaica so difficiule da analiza, chi a principale fonte di a guerra, a Guerra ghjudaica di Ghjaseppu Flavio , fu scritta da u cummandante ghjudeu di a furtezza di Iotapata , assidiata e cunquistata in u 67 da Tittu, chi ebbi dopu rapporti di clientella incu a dinastia flavia.

In i descrizzione di Giuseppe, Tittu he l'eroicu cummandante chi assidio e cunquisto cinqui centri nimichi, ^[14] ma, una volta cunsideratu u puntu di vista di l'autore, s'avvera chjaru ch'e a l'iniziu di a campagna di Tittu, un avia micca avutu precedente sperienze di cummandu, e ch'un fu micca cusi brillante. ^[15] Tittu fu incaricatu da Vespasianu d'anda a Antiochia a pattighja incu Gaio Licinio Muciano , guvernadore di Siria e cum'e tale rispunsevule di a Ghjudea, affinch'e i duie generale ghjunghjissenu a divide si e cumpitenze: Titu riisci in 'ssu scopu, stendu ci finu a u fine di u 67, e s'uni a u babbu in a guerra. ^[16]

In u 67 Tittu participo a l'assedii di Iotapata e Giaffa , eppo cumbatti intornu a Tiberiade , Taricace e Gamala . In u 69 , l' annu di i quattru imperatori , Vespasianu vulto a Roma per riclama u trone, lascendu u figliolu in Giudea a pone fine a a rivolta, cosa ch'e Tittu fece l'annu dopu: Gerusalemma fu sacchighjata, u Tempiu distruttu e gran'parte di a pupulazione uccisa o custretta a fughje da a cita. Durente u so sughjornu a Gerusalemma, Tittu ebbe una relazione incu Berenice di Cilicia , figliola di Erode Agrippa I . A u so ritornu a Roma, in u 71 , fu accoltu in trionfu . Fu parechje volte consulu durente u regnu di u babbu; fu ancu censore e prifettu di a Guardia preturiana, assicurendu ne a fidelta a l'imperatore. Tutti i fatti ligati a a rivolta e a a caduta di Gerusalemma so cuntati da u storicu ebreiu Ghjaseppu Flavio in a so opera Guerra ghjudaica .

Citazione [ mudifica | edita a fonte ]

Tittu he mintuvatu qualchi volta in a cultura corsa:

• a china , u numeru tre he l'orechje di Tittu ^[17]
• in a sprissione Manghja si a Tittu cu l'archibusgiu , chi significheghja: pula i so soldi, manghja si tuttu ^[18]

Note [ mudifica | edita a fonte ]

1. ↑ 'Ss'articulu pruvene in parte o in tutalita da l'articulu currispundente di a wikipedia in talianu.
2. ↑ Svetonio, Vite di i Cesari - Vespasianu , 1.
3. ↑ Svetonio, Vite di i Cesari - Vespasianu , 2.
4. ↑ Svetonio, Vite di i Cesari - Vespasianu , 1 e 11.
5. ↑ ^{5,0 5,1} Anthony Richard Birley, The Roman government of Britain , Oxford University Press, 2005, ISBN 0-19-925237-8 , pp. 279-280.
6. ↑ Pliniu u Vechju, Naturalis historia , prefaziu, 3.
7. ↑ ^{7,0 7,1 7,2 7,3 7,4} Svetonio, Vite di i Cesari - Titu , 4.
8. ↑ Tacitu, Annali , XIV.38.1
9. ↑ Tacitu, Annali , XVI.30-33.
10. ↑ Gavin Townend, "Somme Flavian Connections", The Journal of Roman Studies (1961), p. 57; Jones (1992), p. 11.
11. ↑ Filostrato , Vita di Apollonio di Tiana , VII.7
12. ↑ Jones e Milns, pp. 96, 167.
13. ↑ Ghjaseppu Flavio, Guerra ghjudaica , ii.558, iii.1-8,29; Tacitu, Storie , v,10.
14. ↑ Ghjaseppu Flavio, Guerra ghjudaica , iii-iv.
15. ↑ Donahue, John, "Titus Flavius Vespasianus (a.Di. 79-81)", De Imperatoribus Romanis , 23 uttrove 2004. < Titus Flavius Vespasianus (a.Di. 79-81)
16. ↑ Morgan, Gwyn, 69 a.Di.: The Year of the Four Emperors , Oxford University Press, 2006, ISBN 0-19-512468-5 , p. 175.
17. ↑ U Muntese , 'Tittu', p. 1454.
18. ↑ 'U Muntese', 'Tittu', p. 1454.

Bibliugrafia [ mudifica | edita a fonte ]

• Ciavatti, Petru (dir. redazzione) Dizziunariu U Muntese , 1984, Albiana

Da vede dinu [ mudifica | edita a fonte ]

• Prima guerra ghjudaica
• Assediu di Gerusalemma (70)
• Arcu di Tittu
• Vespasianu
• A clemenza di Tittu , opera lirica di Wolfgang Amadeus Mozart .