A Zeidzone is a Bereich af unsana Eadowaflach, in dea de sejbe Zeid guit, de wo vom Stoot festglegt is.

De Entstehung vo de Zeidzonen [ Werkeln | Am Gwentext werkeln ]

Gonz am Ofong hod a jeds Doaf sei eingne Uahzeid ghod. Und gonz friahra hod ma de Zeid mid'm Stond vo da Sun vaglichn und so hod ma imma genau gwisst, wonns z'Middog is. Is de Sun an iahm hechstn Punkt gwen, nachad woas zwejfe z'Middog.

Wonnst etzad am Dog amoi mid'm Finga iwa de Koatn foahst und in Richtung Ostn ziagst, donn bist quasi af da Roas in d'Zukunft. Mochst des Ganze owa, indem doss´d mid'm Finga Richtung Westn ziagst, donn geht's in d'Vagongaheit. Da kimmst owa ned weida ois wia bis zua Datumsgrenz, oiso bis zu am Dog , donn is Endstation af dera Roas. Du konnst oiso, wennst noch voan iwa de Datumsgrenzn gehst, an Dog guatmochn, oda wennst rickweats driwagehst, an Dog valian, owa meahra ned.

S Haptproblem woa donn, wo ma d'Eisnboh baut hod. Wei wemma af a so an Zug woatn duad, na mechat ma scho, doss dea aa pinktli okimmt oda ofoaht. Und genau do is da Hos im Pfeffer gleng. Weil a jeder hat ja sei eigane Zeid ghabt und a jeder hat a gmoant, doss genau sei Zeid de Zeid is, de olle aundan aa ham miassatn. Und je reicher doss warn, um so eha wars d'Zeid de ma ham soitat. Und jetz kinnts euch vurstoilln, wia punktlich da de easchtn Ziig woarn.

Vo 1840 bis 1860 san fia fast olle Eiropeischen Lander landesweit einheitliche Zeidzonen festglegt woan. Olladings hods do no koa Logik dahinter gem, sondern ma hat oafach gsagt, wanns in London jez zwejfe is, dann hoz gfolligst rund uma London umadum aa zwejfe zum sei.

Mit da Entstehung vo Bahnlinien, de wo iwa dGrenz foan, hod ma fia a jewailige Streckn a bstimmte Zeid hergnumma, was dazu gfiart hod, doss d'Ortszeid vo da Bahnzeid ogwichn is ? so san beim Zsammtreffa vo mehrare Streckn entsprechend vui, teils owa aa nua umara boa Minutn vaschiedene Zeidn zsamkemma. Des woara rechts Gwirx, wai des hod jo aa ois irgnd oana festhoitn miassn.

A wojtweits Zeidzonensystem is ois easchts 1879 vom kanadischen Eisenboh-Inschenoa Sir Sandford Fleming (1827?1915) ois Eisenbahnzeid vuagschlogn woan. Des hat nachad dazu gfiat, doss ma, noch a paar internationaln Konferenzen zum Vurbereitn, auf da internationaln Meridiankonferenz im Oktober 1884 in Washington D.C. de Erdn eascht amoi in 24 Stundenzonan mid je 15 Langengrad auftaud hod. Des, wos zwischn de Zonen iwabliem is, waren 60 Minutn (oda em a Stund), und damit a maximale Diffarenz vo 23 Stunden zwischn zwoa Zeidzonan. Auf dera Konferenz is ma si aa einig woan, doss ma zum Berechnan vo da Wojtzeid den festgsetzten Greenwich-Meridian ois Nullmeridian hernimmt. Ma hatt a Straubing nemma kenna, owa waj doat daumois koa passende Steanwartn ned woa, hod mas daun do ned gmocht.

Und seid wann is des jetza so wias is? [ Werkeln | Am Gwentext werkeln ]

Bei de Deitschn [ Werkeln | Am Gwentext werkeln ]

Im Deutschen Reich hams a Zeitgsetz gmacht, des auf des Gsetz vo 1893 zruckgeht, und d'mittlere Sonnenzeid des 15. Langengrades is ois gsetzliche Zeid verankert. Davor hat jeder so sei eigenen Zeid ghabt, in Byern zum Beispu, da war d' Munchner Ortszeid , wos dann zum Streit mit de Preissn gfuhrt hat, weil de an Zeitvasatz vo 7 Minuten ghabt ham, weil de ham eahnane Berliner Zeid ghabt. Des entspricht a ziemlich genau zwoa Breitengrade auf da Kart´n wenn ma genau hischaugt.

Vorreiter von einer solchen einheitlichen Zeid in Deutschland waren wia imma d'Eisenbahner. De Preußischen Staatseisenbahnen ham auf dem Gebiet vom Norddeutschen Bund ab 1880 einfach d'Berliner Zeid ois interne Betriebszeid hergumma, de Suddeutschen Bahnen aber d' MEZ . 1890 hat ma sich dann endlich drauf geeinigt, da ma de Zeid vo de Sudlander hernimmt, oiso d'MEZ. Ironischerwesie hat ma sich am 1 April 1893 darauf geeinig, und ma is sich no ned so ganz sicher wer da jetz wem gleimt hat.

Bei de Ostareicher [ Werkeln | Am Gwentext werkeln ]

Bei de Ostareicher hat ma seid Mitte des 19. Jahrhunderts ned d'Zeid vo da Hauptstadt Wien (16 Grad ostliche Lange) hergnumma, sondern d' Prager Zeid (14,5 Grad ostliche Lange). Hat ma sich des jetz aber mal aus da Sicht vo da Eisenbahn ogschaugt, nachad is oam glei ganz anders worn. Weil je nachdem wias grad gfaheren san, je nach Strecken d' Lindauer, Munchner, Prager, Budapester oder Lemberger Zeid hergnommen worden is. Und weil ma gseng hat was bei de Deutschen dabei rauskumma is, ham a d'Osterreicher des ganze dann eigseng. Am 1. Oktober 1891 is vo de osterreichischen Staatsbahnen dsogenannte Stunden-Zonenzeid eingfuhrt worden, welche sich wia bei uns in Deutschland auf d'Ortszeid vom 15. ostlichen Langengrad bezogen hat (MEZ). Alles in allem hat sich aber ned recht vui do bei de Ostareicher, weil da Unterschied zwischen Wien und Prag a bloss 2 Minut'n waren, und so is bei dene ned spater und ned fruhra worn. A Gsetz hams aba ned glei gmacht d'Osterreicher.

Listen vo de vaschiednan Zeidzonen [ Werkeln | Am Gwentext werkeln ]

UTC-12 bis UTC-9:30 [ Werkeln | Am Gwentext werkeln ]

UTC-9 bis UTC-6 [ Werkeln | Am Gwentext werkeln ]

UTC-5 bis UTC-4 [ Werkeln | Am Gwentext werkeln ]

UTC-3:30 bis UTC-1 [ Werkeln | Am Gwentext werkeln ]

UTC bis UTC+3 [ Werkeln | Am Gwentext werkeln ]

UTC+3:30 bis UTC+5 [ Werkeln | Am Gwentext werkeln ]

UTC+5:30 bis UTC+6:30 [ Werkeln | Am Gwentext werkeln ]

UTC+7 bis UTC+9 [ Werkeln | Am Gwentext werkeln ]

UTC+9:30 bis UTC+11 [ Werkeln | Am Gwentext werkeln ]

UTC+11:30 bis UTC+14 [ Werkeln | Am Gwentext werkeln ]

Im Netz [ Werkeln | Am Gwentext werkeln ]

• www.welt-zeit-uhr.de ? Waidzeituhr ? olle Zeitzonen vo da Waid ( XGA )
• www.weltzeit.de Zeitzonenkarte ? Waidkortn mit Zeitzonen
• InstantTimeZone ? zeigt d Uhrzeit und s Datum vo ana andern Zeitzone nem da Uhr vo ihrm PC o
• Physikalisch-Technische Bundesostoit ? Listn mit Zeitzonen
• Zeitzonen