Un
tanque
u
carro de combate
y a vegatas tamien dito
carro blindato
u simplament
blindato
, ye un
vehiclo
militar
armato y blindato y con un sistema de traccion tot terreno.
[1]
Os primers vehiclos que feban parti de l'exercito
britanico
mientres a
Primera Guerra Mundial
; apareixioron como una respuesta frent a las dificultaz que teneba a
infanteria
convencional cuan heba d'atacar as
buegas
protechitas por filo de fierro de punchas y
metralladoras
, contra as que a soben fracasaba.
[2]
O nombre de tanque (en
angles
tank
, deposito) apareixio en as fabricas britanicas: os treballadors deciban asinas a iste tipo de vehiclos porque creyeban que yeran construyindo depositos d'augua mobils; a lo prencipio, istos vehiclos de combate se camuflaban como depositos de
combustible
. Os primers tanques no yeran muit efectivos ya que s'estorbaban con prou facilidat, yeran poco blindatos y facilment destruyitos con
granadas de man
. O tanque d'a Primera Guerra Mundial no yera un arma muit contundent.
[2]
Mientres a
Segunda Guerra Mundial
destacan os
Panzer
, que yeran os carros de combate d'a
Wehrmacht
; os primers en portiar
radio
y que feban servir tacticas de combate mas elaboratas. A importancia que tenioron os tanques mientres a Segunda Guerra Mundial se reflecta en os datos d'a produccion
sovietica
, que goso fabricar bels 80.000 tanques.
[3]
Dende a postguerra se desarrolla o tipo dito
MBT
(de l'angles
main battle tank
, "carro prencipal de batalla")
[4]
con
canyons
de gran calibre, bien blindato y capable de luitar tanto en una
guerra quimica
como en una
nucleyar
.
[5]
Istos vehiclos, de traza progresiva, han ito encorporando tot tipo d'innovacions
tecnolochicas
, como los
ordinadors
y sistemas de
vision
nocturna.
Os
soldatos
que forman o personal que s'encarga d'un tanque gosan estar a soben cuatre: o conductor, o cargador d'o
canyon
, l'artillero y o comandant d'o carro, anque en os mas modernos con sistema automatico de carga no cal o cargador, y a tripulacion ye de nomas tres personas.
O tanque ye un arma mobil feita como solucion d'a necesidat de abanzar mientres a batalla con fuego enemigo. Ista ideya de fer un
vehiclo
u construccio mobil ta abanzar ye muito antiga. Os antigos griegos facieron
torres de setio
ditas
Helepolis
, os asirios teneban barreras mobils, l'
Imperio Romano
teneba torres con ruedas y armaduras, mientres a
Edat Media
os polacos y checos facieron carros blindatos con metal y
Leonardo da Vinchi
facio disenyos de vehiclos con ruedas propulsados con hombres ta atacar a l'enemigo.
Istos primeros intentos yeran prencipalment ta facilitar maniobras de setio pero os abances tecnolochicos d'a
Revolucion industrial
amenazaron con convertir as guerras de setio de proporcions chigantinas, conoixitos como
guerra de trincheras
en as que os
trenes
blindatos podeban portar muito peso pero solo a on bi heba rails, os
avions
teneban facilidat ta atacar as lineas de esfensa enemigas pero no podeban abanzar ni esfender as zonas y os primers automobils blindatos britanicos teneban dificultat es os terrenos con
trincheras
u
fango
. Os britanicos facioron una incheniosa solucion con una combinacion d'
automobil
blindato, armas montadas en una torreta y traccion con
orugas
, creyando una nueva arma, o carro de combate blindato. As grans guerras mundials estioron a gran zona de prebas ta o desenvolique d'istas armas.
Os britanicos estioron os que creyeron que o tanque estaria a solucion ta a guerra de trincheras.
Winston Churchill
, creo un comite, o Landships Committee, ta o desembolique d'iste arma y tomando como como base o
Rolls Royce
blindato que yera utilizau por a
Royal Naval Air Service
, y con una traccion d'oruga facioron os primers plans.
- ↑
von Senger und Etterlin, Dr. F. M. (1960), The World's Armoured Fighting Vehicles, London: Macdonald & Co. (Publishers) Ltd.
- ↑
2,0
2,1
(
en
)
Deighton, Len (1979):
Blitzkrieg: From the rise of Hitler to the fall of Dunkirk
, Fakenham: Fakenham Press Limited,
ISBN 0-224-01648-2
- ↑
Cooper, Matthew y Lucas, James (1979), Panzer: The Armoured Force of the Third Reich, Book Club Associates
- ↑
ZTZ99 (Type 99) Main Battle Tank
(
en
)
- ↑
Col. Eshel, David (2007), Assessing the performance of Merkava Tanks, Defense Update, [2]. Recuperato lo 16 de mayo de 2008