Cristofe Colombe ( ( it ) Cristoforo Colombo , ( es ) Cristobal Colon , ( la ) Christophorus Columbus ) a vnou a monde e 1451 a Djinne ( Genova ), e l' Italeye d' asteure (mins k' esteut adon ene dislaxheye republike) ^{(a-z aveuri)} .

Il a morou li 20 di may 1506 .

C' est lu ki, sins l' voleur, discovra l' Amerike . ^[1]

Il est rindji a limero 9 des djins les pus inflouwinnes di l' Istwere dins l' djiveye Michael Hart .

Vicareye [ candji | candji l’?code wiki ]

Tot djonne il a divnou on captinne di batea et on naivieu foirt capabe.

I creyeut moirdicusse k' i gn aveut moyen d' endaler direk e l' Inde pa Coutchant , shuvant l' ideye ki l' Tere esteut ronde. L' ideye n' esteut nen co accepteye pa tertos a c' moumint la.

Il a parvinou a-z atourner l' royinne Zabele di Castile , di lyi payi ene espedicion. I cwita l' Espagne li 3 d' awousse 1492 avou troes bateas as vweles , lomes Nina , Pinta eyet Santa Maria (li batea amira).

I s' aresta kekes djous dins les Iyes Canareyes , pus rprinde si voyaedje li 6 di setimbe , tot naiviant tot droet vie l' Coutchant.

Come i n' veyit nole tere des djous a long, ses maclots volit ratourner. Mins i s' leyit adire po porshure li voyaedje. Et, al difen, trover ene tere li 12 d' octobe 1492 .

I fjha co troes otes voyaedjes, trevatchant l' Atlantike et rivni, todi e pinsant vini e hant avou des Chinwes u des Djapones .

Al fen, i fourit lome govierneu des teres k' il aveut discovrou. Mins coula lyi gueroda ma, par k' i s' mostra foirt waeraxhe avou les Indyins. Ca fwait : i fourit revoyi e l' Espagne. ^[2]

Dins l' lingaedje walon [ candji | candji l’?code wiki ]

Li lingaedje walon a ritnou d' lu ene rapoitroule cwand il esteut ki forbateut avou ses marens. Il lzi areut dmande s' i polent fe tni en ou tot droet so ene tave, dabord ki l' batea hossive et bloncner. Nouk ni sepa kimint fe. Lu purda l' ou, spotcha ene miete li ptit dbout, et l' ou tna dressi. Did la, li ratourneure e walon ≪ c’ est come Cristofe avou l’ ou ≫ (c' est simpe, mins il i faleut sondji).

Sourdant [ candji | candji l’?code wiki ]

I gn a so les cmons Wikipedia des imadjes ou fitchis son a vey avou Cristofe Colombe .

1. ↑ avou des grandes consecwinces, ca Leif Ericson, on Vikigne , i aveut ddja sti sacwants siekes divant, mins sins enonder des mouvmints d' peuplacion d' Urope vie l' Amerike.
2. ↑ live Michael Hart , p. 77-81.