Tefu gebs votik voda: Leibniz u Leibnitz, logolos padi: Leibniz (Telplanov) .

Gottfried Leibniz

Moted:	1 yulul 1646 Leipzig
Deadam:	14 novul 1716 Hannover
Cal(s):	himatematan [*] , higitavan [*] , hifusudan [*] , hifilosopan [*] , hidipan [*] , hijenavan [*] , hibukeman [*] , musigavan [*] , hitradutan [*] , music theorist [*] , hilautan [*] , diplomatician [*] , hipoedan [*] , hikaenal [*] , hinimavan [*] , archivist [*] , hilifavan [*] , hitalavan [*] , policy advisor [*] , philosopher of law [*] , tikavan [*]
Tatat(s):	Electorate of Saxony [*]
Matan(s):	no value
Pal(s):	Friedrich Leibniz [*] , Catharina Schmuck [*]
Dispenad:

Hiel Gottfried Wilhelm Leibniz (u Leibnitz u von Leibnitz ; 1646 yulul 1 - 1716 novul 14 ) abinom modatalenan Deutanik , kel apenom ledino in latin ed in Fransanapuk .

Labom pladi veutik in filosopajenav ed in matematajenav . Atuvom difakalkuli nesekidiko de hiel Isaac Newton , ab malatem omik pabuukon e pagebon junu. Atuvom i telnumatasiti : stabasuemod binodas nunomavik atimik ti valikas. As filosopan, pamemom junu ledino seku fredim , o. b. kludod omik, bai kel leval obsik binon, ma siam semik, leval gudikun, keli God akanom jafon. Abinom, kobu hiel Rene Descartes e hiel Baruch Spinoza , balan tikalimanas gretik tumyela 17id, ab filosop omik yumon leigo po vonaoloveikod skolik ed abuologom tikavi e diletami nuladik. El Leibniz akleblunom veutikosi i fusude e kaenave , ed abuologom suemodis, kels poso odavedons in lifav , sanav , talav , mogateor , lanav , pukav e nunav . Apenom i do bolit , gitav , sudav , godav , jenav e vonapukav , ed alautom igo i poedotis nemodik. Keblunots omik grupe gretik jafudas at patuvons in gaseds modik ed in degmilats penedas e namapenadas no papubolas. Ju atim, no dabinon pubot lolofik penadas valik ela Leibniz, klu bepenam lolofik keblunotas omik no nog mogon.