Turkeye
(
Nederlands
: Turkije
,
Turks
: Turkiye
), es 'n republiek land da vo 't grotste deel in
Oazie
ligt. E kleen deel round de grotste stad
Istanbul
ligt in
Europa
. De
oofdstad
van Turkeye es
Ankara
. 't Weunn in 't hele 71 meljoen menschn.
Turkeye ligt voun 't grotste deel in Azie, up e schiereiland die
Anatolie
noemt, tusschn de
Zworte
en de
Middellandsche Zee
. 't Europees gedeelte ligt teegn
Grieknland
en
Bulgareye
. De twee stikkn zyn van makoar eschid deur de
Dardanelln
, de
Zee van Marmara
en de
Bosporus
. Istanbul, de grotste stee van 't land, ligt up olletwee de stikkn.
De landn die teegn Turkeye liggn, zyn Grieknland en Bulgareye up 't Europees gedeelte en
Armenie
,
Georgie
,
Azerbeidjan
,
Irak
,
Iran
en
Syrie
.
Koerdistan
, die gin officieel land is, ligt voun e groot deel up 't groundgebied van Turkeye.
- Catalhoyuk
- Griekn
- WO I
- Mustafa Kemal
: de groundlegger van 't moderne Turkeye. Deur nem is Turkeye e stoat ekommn woa da polletiek en godsdienst van makoars escheen zyn. Zyn bynoame is Ataturk (
voader van de Turkn
).
- ...
- Ankara: d'oofdstee en me ze 4 meljoen inweuners de twidde stee van Turkeye. 't Is Ataturk die byn de uprichtienge van de republiek Ankara ekoozn et, Istanbul wos up da moment bezet deur de geallieerdn en dus nie echt e stik van 't groundgebied.
- Istanbul: in 'n tyde ouk
Constantinopel
en
Byzantium
enoemd, 't is oek de belangrykste stee. Ze noemn Istanbul de poorte nor Azie omdan der zowel Oostersche of Westersche invloedn zyn. In Istanbul weunn der tusschn de 10 en 15 meljoen menschn.
- Izmir: 3 meljoen inweuners
D'enigste officiele toale is Turks (e lid van de Altaische toalfamilie), die in verschillige vormn eklapt is deur 90 percent van de menschn in Turkeye. Doabuutn en is er mor een grote toale nemi: 't Koerdisch (e lid van de Indo-Europeesche toalfamilie), die deur oungeveer 18 percent van de menschn, surtout in 't oostn van 't land. 't Zyn nog e masse aar toaln, mo dedie zyn deur nie ol te vele menschn gebruukt.
De bekendste gerechtn van Turkeye zyn de diengn daj ol ier in pitakootn viendt (durum, doner en kebab bevoorbeeld). Turkn zevve gebruukn 't woord
pita
wel noois.
Oloewel da Turkeye styf bekend is voun ze
kaffie
(
kahve
), drienkn ze in Turkeye zevve vele meer thee (
cay
). Doamei daj doar oek indeliks vele "theetuunn" (
caybahce
) teegn komt. 't Bekendste dessert is
baklava
.
Turkeye is een van de weinige landn woa dat er e platselikkn drank is die ku concurreern me Coca Cola: Colaturk. 't Bekendste bier is
Efes
, daj oek ier en doar in
Belgie
ku viendn (oundermeer in
Brussel
). Wyn is er oek e masse verbouwd.
- Istanbul
(oundermeer Dolmabahce, Topkapıpaleis, moskeejn (Ayasofya en nog e masse aar) en de Galatatorre)
- Efeze
(Turks: Efes) en heel de westkust, woa dan der indeliks vele Grieksche ruinn te viendn zyn. Oloewel dan der bykan gin Griekn nemi weunn an de westkust, angt er nog ossan e indeliks Grieksche sfere, oundermeer deur de gebouwn en de muziek.
- Pammukale
: tope met Hierapolis up de weirelderfgoedlyste van 'n UNESCO, 't ountstoan doa terrassn deur d' ofzettienge van kook.
- Gallipolis
(Turks: Gelibolu): loopgroavn uut 'n
Eestn Weireldoorloge
, woa dan de Turkn ounder leidienge van Ataturk de ANZAC's (geallieerdn uut
Australie
en
Nieuw-Zeeland
kloptn).
- ...
Buutn de beziensweirdigeedn die ierboovn stoan, is Turkeye surtout ekend voun ze warm were en ze goedkope vakansn. Plekkn lik Antalya en Bodrum zyn indeliks populair.
- Foetbol
: de Turkn zyn zot van foetbol, surtout Galatasaray, Fenerbahce en Be?ikta? (olledrie uut Istanbul, Galatasaray ligt in 't Europees gedeelte). Bekende foetbolliestn zyn oundermeer Hakan ?ukur, Nihat Kahveci, Tungay ?anlı, Onder Turaci (vroeger by
Standard
) en Serhat Akin (
Anderlecht
).
- Backgammon
(Turks:
Tavla
): bordspel die deur e masse menschn espeeld is, up cafe, mor oek geweune buutn up stroate.
- Okey: e spel die surtout espeeld is in e
caybahce
, 't trekt e bitje up Rummikub.
- Ottosport: sedert eentige joarn is er e rally voun 't weireldkampioenschap en e Grote Prys Formule 1.