Co l'atribusion de un vałore de ła scała Richter , se espresiona na mezura de ła magnitudo, o sia na stima de l' enerzia descaenada da un taremoto inte el ponto de ła fratura de ła crosta terestre , o sia a l' iposentro , drio i criteri indicai dal zeofizego statunitense Charles Richter .

Storia [ canbia | canbia el codaxe ]

Sviłupada inte el 1935 da Charles Richter in cołaborasion co Beno Gutenberg , tuti e do del California Institute of Technology , la scała ła zera stada orizenariamente studiada soło par esar doparada inte na partegołare area de ła California e soło so sismogrami rezistrai da un partegołare modeło de sismografo , cueło a torsion de Wood-Anderson.

Richter el ghea dopara inisialmente vałori rotondai al pi arente cuarto de magnitudo, ma in sevito i ga dopara i dezemałi de magnitudo. L'ispirasion par sta tecnega ła ze stada ła scała de łe magnitudeni ( aparente e asołuta ) doparae in astronomia par descrivare ła lumenozita de łe stełe e de altri ojeti sełesti.

Descrision [ canbia | canbia el codaxe ]

Definision [ canbia | canbia el codaxe ]

Inte ła definision data da Richter, la magnitudo de calsiasi taremoto ła ze data dal logaritmo in baze dieze del masimo movestamento de ła trasa rispeto al zero, esprimesto in micrometri , in un sismografo a torsion de Wood-Anderson całibra in magnera standar , se l'avegnimento el se fuse verifega a na distansa episentrałe de 100  km

.

Richter el ghea decidesto arbitrariamente na magnitudo zero par un taremoto che el mostree no movestamento masimo de un micrometro (1/1000 de m) sol sismografo de Wood-Anderson, se ponesto a 100 km de distansa da l' episentro del taremoto, o sia pi debołe de cuanto se podese rezistrar in cheła epoca. Sta decizion ła ga permetesto de evitare i numari negativi, almanco co i strumenti de l'epoca. La scała Richter paro, de conceto, no ła ga nisun limite inferior o superior e i sismografi moderni, pi sensibiłi, i rezistra normalmente taremoti co magnitudo negativa.

El problema pi grando de ła scała Richter el ze che i vałori i ze solche debolmente corełai co le carateristeghe fizeghe de ła colpa dei taremoti. In pi, ghe ze un efeto de saturasion verso łe magnitudeni 8,3-8,5, dovesto a ła leje de scała del spetro dei taremoti , par via del cuało i tradisionałi metodi de magnitudene i da el isteso vałore par avegnimenti che i ze ciaramente difarenti. A l'inisio del XXI secoło , la major parte dei sismołoghi i considera le tradisionałi scałe de magnitudeni vece e suparae ^[1] e łe ga renpiasae co na mezura ciamada momento sismego , pi diretamente rełasionada co i paramatri fizeghi del taremoto. Inte el 1979 el sismołogo Hiroo Kanamori , anca eło del California Institute of Technology , el ghea proponesto ła Moment Magnitude Scale ( M _W ), grasie a ła cuała ze pusibiłe descrivar el momento sismego in termani simiłari a łe presedenti scałe de magnitudo.

Ecuivałensa magnitudo e TNT [ canbia | canbia el codaxe ]

Ła formuła orizenałe ła ze: ^[2]

${\displaystyle M_{\mathrm {L} }=\log _{10}A-\log _{10}A_{\mathrm {0} }(\delta )=\log _{10}[A/A_{\mathrm {0} }(\delta )],\ }$

Notasion [ canbia | canbia el codaxe ]

1. ↑ De fati Richter el ga inventa sta scała inte el 1935 par mezurare i taremoti riłevai co un spesifego tipo de sismografo e drento del rajo de 600 km da ła Całifornia. Inte el tenpo łe ze stae inventae numarevołi scałe pi utiłi come che ne dize el sito de l'USGS Archivia il 18 gennaio 2015 Data inte l'URL no conbazante: 18 de zenaro 2015 in Internet Archive . .
2. ↑ William L. Ellsworth, The Richter Scale ML , in Robert E. Wallace (cura da), The San Andreas Fault System, California , USGS, 1991, Professional Paper 1515.

Altri projeti [ canbia | canbia el codaxe ]

Linganbi foresti [ canbia | canbia el codaxe ]

• ( EN ) John P. Rafferty, Richter scale Enciclopedia Britannica , Encyclopædia Britannica, Inc.