Una de łe linee guida de
Wikipedia
prevede che tute łe voxi sie tratae da un
ponto de vista neutrałe
. Secondo łe idee del fondator
Jimbo Wales
, el ponto de vista neutrałe el xe na regoła
asołuta e no discutibiłe
.
Te trovare speso 'l espresion abrevia come
NPOV
,
acronimo
del'espresion
inglexe
Neutral Point Of View
, o come
PVN
, acronimo del veneto
ponto de vista neutrałe
.
'
L uxo del ponto de vista neutrałe xe na regoła inderogabiłe de Wikipedia.
So exato contrario połe esar considera el ponto de vista personałe e/o unilaterałe asołutamente da evitar, abrevia in
POV
o
PVnN
.
El ponto de vista neutrałe el xe un conceto fondamentałe in Wikipedia: un'
enciclopedia
no asume alcuna poxision, ne de condivixion, ne de rigeto de alcuna interpretasion de cheło che ła descrive.
Na enciclopedia asume ła soła poxision de un ponto de vista neutrałe, su'l quałe tute łe parti interesae łe posa concordar.
No xe naturalmente senpre posibiłe otegner un
consenso
unanime su tuti i temi tratai: diferense ghe xe e ghe sara senpre, e xe inte el fondamento medeximo de ła
sienza
moderna evitar de asumer vałori asołuti come eternamente imodificabiłi. Xe pero posibiłe, e ansi preferibiłe, efetuar na rasionałe dixamina de i argomenti tratai, de modo che i conceti esposti i posa esare considerai da tuti i letori come ogetiva e afidabiłe baxe de considerasion.
Wikipedia no asume partanto alcuna poxisione de avało o de ricuxasion, nisuna idea xe prevałente se no, par sientifego rajonamento, ła gabia da rivelarse efetivamente preferibiłe a ła luse de ogetive e obietive considerasion xenerałi.
No uxe Wikipedia par esprimare poxision personałi (ideołoxiche, pułiteghe, fiłoxofeghe, rełigioxe, de mera partijaneria o... tifoxeria), sia parche łe vegnaria in breve tenpo sostituie o scansełae da altri utenti, sia parche i stesi
aministratori
i podaria intervegner co mixure precausionałi. Serchemo percio de meritare ła liberta che ne se consede de prexentar argomenti de i quałi dexideremo consentir 'l aprofondimento, uxando al mejo ła nostra abiłita diałetica.
Speso un exempio vałe pi de miłe parołe, percio ghi ne faremo do:
- Na voxe no deve mai contegner espresion del tipo: "
cheła fasion pułitega ła xe criminałe
", nemeno quando 'l autor de ła voxe el xe fermamente convinto che ła realta ła sie cheła descrita. Un bon
wikipedian
prexentera invece łe difarenti opinion en contrasto, segnałando lealmente łe raxon de i sostenidori e chełe de i opoxitori.
- Na voxe no ła contegnara mai judisi perentori del tipo: "
el capitałismo xe el małe del nostro tenpo
", parche, indipendentemente da come che na persona ła pense e da quanto consenso el ritegne de poder rancurar intorno a łu, en Wikipedia sara prexenti soło voxi che seriamente, ogetivamente e lealmente łe descriva ła realta de i fati e de łe situasion, posibilmente co'l suporto de fonti autorevołi e dati atendibiłi.
Na enciclopedia se uxa e se scrive par anpliar ła propia conosensa, no par discutare de łe propie opinion personałi: par questo ghe xe i
forum
, i
blog
e i siti
web
personałi.
Par superare 'l ovio coinvolximento, che naturalmente no podemo mai tralasar totalmente, descrivemo un fato secondo "cio che se ghin pensa", pitosto che secondo "cio che'l xe". Xe na picoła difarensa forsi, rispeto al comune parlare, ma un gran guadagno par tuti.