Bacteria

*Bacteria*
	;
Rezistrasion
	;
Dati
Malatia	malattia batterica (it) e Polmonite batterica (it)
Tasonomia
Dominio	Bacteria ; Woese , Kandler e Wheelis , 2024
Tipo tasonomego	Bacillus

I bateri i xe organismi picenini unisełułari , procarioti , (na volta ciamai anca schizomiceti ) de dimension de sołito del'ordene de pochi micrometri , ma łe pol desferensiarse anca da 0,2 μm, a ocio, dei micoplasmi fin a 30 μm de qualche spirocheta.

Drio el sistema tasonomego proposto da Robert Whittaker inte el 1969 , insieme a quee ciamade "ałeghe azure" o "cianoficee" (ancuo ciamade in maniera piu sceta cianobateri ) łe costituise el regno de łe monere . La piu resente clasifegasion (1990) proposta da Carl Woese ła vol tre domini : Bacteria, Archaea e Eukarya (chel contien tuti i eucarioti, monosełułari e plurisełułari).

Sudivixion e clasifegasion [ canbia | canbia el codaxe ]

I procarioti i se destingue in do grupi prinsipałi:

archeobateri , i vive de frecuente in situasion de tenperadura e pH davero inospitałe, ma i ga carateristeghe (de nutrision, riprodusion, strutura) simiłi ai eucarioti
eubateri , i contien ła magior parte dei altri bateri; qualche grupo inportante: i micoplasmi , łe rickettsie , i attinomiceti , łe spirochete , i pseudomonadi , e i azotofisadori .

Fra de łori i se destingue par forma i:

Bastonsełi : a bastonsin; i se divide in Clostridi (anaerobi) e Basiłi (anaerobi e/o aerobi)
Cochi : a sfera; se i se dispon a copia i vien ciamai diplocochi, a cadena i se ciama streptocochi, a graspo i se ciama stafilocochi, a forma de cubo i se ciama sarcine
Vibrioni : a virgoła
Spiriłi : a spiral
Spirochete : co parece curve

N'altra inportante sudivixion ła xe quea che mete conpagni quei bateri che i crese ben a serte tenperadure. Ghe xe tre clase:

bateri criofiłi o psicrofiłi (che i ama el fredo)
bateri mexofiłi (lett. che i ama el mexo, donca i sta ben a tenperadure medie)
bateri termofiłi (che i ama el caldo)

N'ultema clasifegasion ła se baxa su ła so rełasion verso n'altro organismo:

Batteri comensałi (simbionti), bateri che i xe prexenti de sołito su ła superfisie de un serto tesuo , sensa cauxar małatia e/o i pol svolxer funsion che łe pol eser utiłi al'organo steso.
Batteri patogeni , bateri che co i ghe xe, ghe xe anca na patołogia e infesion.
- Patogeni facoltativi , i no xe senpre cauxa de małatia, el sta inte ła persona e inte ła so quantita.
- Patogeni obligai , ogni volta i xe cauxa de małani.