UNICEF teh wancahan tina   United Nations Children's Fund ^[2] . Lamun ditarjamahkeun kana basa Sunda , UNICEF teh hartina waragad keur barudak ti Pasarikatan Bangsa-Bangsa (PBB) ^[2] . Dibandingkeun jeung program kamanusaan anu lain, waragad keur barudak teh mangrupa program anu panglobana. UNICEF ngadeg ping 11 Desember 1946, kasang tukangna pikeun mantuan barudak di nagara Eropa , Tiongkok , jeung Timur Tengah anu kamusibahan lantaran perang ^[2] . Nalika mimiti ngadeg, udagan UNICEF pikeun mantuan barudak anu kamusibahan lantaran kaayaan nagarana darurat. Tapi, di taun 1953 , eta udagan teh diropea jadi leuwih lega pikeun mantuan sakabeh barudak anu cicing di nagara anu keur mekar ^[2] .

UNICEF mititi datang ka Indonesia taun 1948 ^[3] , pikeun mantuan kasus kalaparan di Lombok ^[3] . Sataun ti eta kajadian, Indonesia sapuk pikeun gawe bareng jeung UNICEF sacara resmi ^[3] . Program mimitina nyaeta ngawangun dapur susu di Yogyakarta ^[3] (harita Yogyakarta mangrupa pusat pamarentahan Indonesia ) ^[3] . Di taun 1969 , pamarentah Indonesia mikeun program rencana pangwangunan mimitina pikeun lima taun ^[3] .

Kagiatan [ edit | edit sumber ]

Di Indonesia , UNICEF miboga pancen dina widang kasehatan barudak , atikan , gizi , cai jeung sanitasi , sarta kawijakan sosial anu aya patalina jeung barudak ^[2] . Aya sababaraha program gawe UNICEF di Indonesia, di antarana:

• 14% kasus stunting ( orok anu gagal tuwuh) kudu turun ^[2] .
• Ngaronjatkeun 15% konsumsi cai beresih pikeun barudak ^[2] .
• Ngahontal 90% kagiatan imunisasi pikeun barudak anu yuswana 12-23 sasih ^[2] .
• Ngaronjatkeun program atikan pikeun barudak ti 63% ka 72% ^[2] .
• Ngaronjatkeun program kasehatan , sosial , jeung hukum ti 10% ka 20% ^[2] .

Struktur Organisasi [ edit | edit sumber ]

Sakabeh nagara anu kagabung jadi anggota UNICEF, kudu ngalaporkeun ngeunaan kaayaan barudak di nagarana sewang-sewangan ^[4] . Ieu laporan teh digunakeun ku UNICEF pikeun ngaevaluasi pasualan-pasualan anu keur disanghareupan ^[4] . Ku kituna, diperlukeun struktur organisasi anu puguh, sangkan sakabeh program anu direncanakeun laksana saluyu jeung udagan ^[4] . Kantor pusat UNICEF ayana di New York jeung di Tokyo ^[5] . Lain ti eta aya sababaraha kantor cabang di nagara anggota sewang-sewangan ^[5] .

Badan Eksekutif [ edit | edit sumber ]

Badan eksekutif atawa the ececutif board mangrupa bagian tina UNICEF anu miboga pancen pikeun ngarojong pamarentah jeung ngawas organisasi luyu jeung kaedah kawijakan majelis umum di PBB ^[4] . Lian ti eta, badan eksekutif oge miboga pancen pikeun nyapukan kawijakan, program nagara, jeung anggaran ^[4] . Badan eksekutif diwangun ku 36 anggota, anu ngawakilan lima kelompok regional di nagara anggota PBB ^[4] . Nagara anggota dipilih langgung ku Dewan Ekonomi jeung Sosial PBB ^[4] .

Biro Umum [ edit | edit sumber ]

Biro umum miboga pancen pikeun jadi cukang lantaran antara sekretaris UNICEF jeung kelompok regional pikeun nguruskeun administrasi jeung fungsional ^[4] . Lima anggota ti badan eksekutif mangrupa anggota biro umum ^[4] .

Direktur Eksekutif [ edit | edit sumber ]

Direktur eksekutif miboga pancen pikeun pikeun ngayakeun sawala jeung badan eksekutif UNICEF, ngalaksanakeun program gawe, sarta nyieun kaputusan anu cocog ^[4] .

Daftar Referensi [ edit | edit sumber ]

1. ↑ ^{a b} "Berita Internasional: Intip Perubahan Logo UNICEF dari Awal Berdiri hingga Saat Ini Ulang Tahun ke-73" . KhikWai.com (dalam en-US) . Diakses tanggal 2021-04-23 .   CS1 maint: Unrecognized language ( link )
2. ↑ ^{a b c d e f g h i j} "Pertanyaan umum" . www.unicef.org (dalam Indonesian) . Diakses tanggal 2021-04-23 .  
3. ↑ ^{a b c d e f} Info, Kumau. "Peran Dan Upaya UNICEF Indonesia" . Kumau Info (dalam id-ID) . Diakses tanggal 2021-04-23 .   CS1 maint: Unrecognized language ( link )
4. ↑ ^{a b c d e f g h i j} Bisnis, Lentera. "Struktur Organisasi UNICEF" . Lentera Bisnis (dalam id-ID) . Diakses tanggal 2021-04-23 .   CS1 maint: Unrecognized language ( link )
5. ↑ ^{a b} UNICEF .