Sinyal analog
nyaeta
sinyal
anu sinambung atawa
kontinyu
dina satiap waktu.
Sinyal analog ngagunakeun sababaraha sifat medium pikeun ngirimkeun informasi. Contona,
barometer aneroid
ngagunakeun sinyal gerakan jarum panunjuk akibat sifat ngariut jeung ngabeukahna medium sahiji cacai (basa Indonesia: cairan) akibat robahna tekenan udara. Sedengkeun dina widang kalistrikan (elektrik), sifat medium anu paling umum digunakeun nyaeta parobahan
voltase
anu dituturkeun raket ku parobahan
frekuensi
, parobahan
arus
, sarta parobahan
muatan listrik
.
Satiap informasi bisa dikirimkan ngaliwatan sahiji sinyal analog. Contona, dina ngirimkeun informasi ucapan kana rangkean listrik, ucapan anu dihasilkeun ngakibatkeun parobahan-parobahan dina
tekenan
udara. Tekenan hawa keuna kana diafragma sahiji
mikrofon
anu nyababkeun fluktuasi voltase atawa arus dina rangkean listrik. Voltase atawa arus dimaksud disebut salaku sahiji analog tina sora.
Lantaran sinambung, sinyal analog sacara teoritis miboga resolusi tanpa hingga, sinyal kasebut bakal salawasna miboga resolusi anu leuwih hade dibanding sistem digital di mana resolusina diskrit (henteu sinambung). Dina praktekna, mangsa alat anu ngolah sistem analog leuwih kompleks, efek-efek saperti non-linearitas jeung nois tungtungna ngaruksak resolusi sinyal analog sahingga panerapan sistem digital jadi leuwih alus. Dina alat anu leuwih kompleks kasebut, susah pikeun neangan (ngadeteksi) iraha jeung di mana lumangsungna karuksakan sinyal analog; tapi dina sistem digital, karuksakan sinyal lain wae bisa dideteksi, tapi oge bisa dibenerkeun.
Kakurangan utama sinyal analog nyaeta sakabeh alat atawa sistem anu diliwatan ku sinyal miboga
nois
– nyaeta, variasi gangguan anu sifatna acak. Mangsa sinyal dipancarkeun dina jarak nu jauh, pangaruh gangguan acak ieu jadi dominan. Sacara kalistrikan, pangaruh gangguan ieu bisa disingkahan atawa dieuweuhkeun ku cara digunakeunna panangtayungan (proteksi), sambungan nu alus, sarta sababaraha jinis kabel saperti
koeksial
atawa
pasangan kawat nu dibungkus
.
efek tina
nois
ngajadikeun sinyal tilelep atawa katutup ku gangguan. Sanajan resolusi sinyal analog leuwih alus ti batan sinyal digital anu satara, dina prak-prakannana, kauntungan resolusi sinyal analog nu alus jadi henteu mangfaat lantaran kaelehkeun atawa katutup ku nois. Nguatkeun sinyal pikeun ngahadean bagian nu geus lemah, bakal milu nguatkeun nois oge.
Metode (padika) lain pikeun ngirimkeun sinyal analog nyaeta ngagunakeun
modulasi
. Dina hal ieu, sababaraha sinyal dasar (misalna sahiji
gelombang carrier
sinusoida
boga sifat bisa ditumpangan (dimodulasi):
Sirkit analog
henteu ngalibetkeun
kuantisasi
informasi kana format digital.
Jam
dina leungeun disebut analog; tapi anu panembongna mangrupa digit disebut digital. Loba jam analog nu sabenerna mah digital ku sabab henteu gerak dina gerakan kontinyu nu lemes, tapi mangrupa lengkah-lengkah leutik unggal detik atawa satengah detikan, atawa malah mah unggal menit.
Tempo
digital
keur sawala ngeunaan
digital vs. analog
.
Sumber: Sababaraha tina versi samemehna tina artikel ieu aslina dicutat ti
Federal Standard 1037C
dina rojongannana ka
MIL-STD-188
.