Kareta api nyaeta sarana transportasi atawa kandaraan anu make tanaga penggerak, boh nu maju sorangan (KRL atawa KRD) atawa dicantelkeun kana kandaraan lianna, anu rek atawa keur maju dina rel . Kareta api nyaeta alat transportasi masal anu umumna aya lokomotif (kandaraan nu make tanaga penggerak sorangan) jeung rangkean kareta (pikeun panumpang) atawa gerbong (pikeun barang) (dicantelkeun kana kandaraan lianna). Eta rangkean atawa gerbong teh ukuranana relatif gede jeung lega nu antukna mampuh muat panumpang atawa barang kalawan loba. Alatan sipatna minangka angkutan massal nu efektif, sababaraha nagara ngusahakeun sangkan manpaatna bisa maksimal minangka alat transportasi darat boh di jero kota, antarkota boh antarnagara.