Palermu

Palermu


Muttu : Senatus Populusque Panormitanus
Nomu ufficiali:	Palermo
Riggiuni:	Sicilia
Pruvincia:	Paliemmu (PA)
Cuurdinati:	38°6'56.369"N, 13°21'40.543"E Ammustra nta mappa
Superfici:	158,88 km²
Abbitanti:	663.173
Dinzitati:	4.188,28 ab./km²
Cumuni cunfinanti:	Parcu , Belmunti Minzagnu , Ficarazzi , Isula , Musulumeli , Murriali , Turretta , Villabbati
CAP:	90121-90151
Prifissu telefonicu:	+091
Situ ufficiali:	http://www.comune.palermo.it

	≪ Be??a e 'ranni citati, lu massimu e zizzu suggiornu [...] Palermu cci avi palazzi di tanta bi??izza ca li passijaturi si mettinu 'n caminu muvuti di la nomina di la magnificenzia ca cca rigala l'architittura, lu gustusu travagghiu, l'urnamentu di tanti pi??igrini attruvati di l'arti. ≫
	( Edrisi , giografu e caminanti arabbu, di: "U dilettu pi cu' si diverti a firrijari u munnu" )

Palermu (o Paliajmmu 'nta la parrata di la zona) e la capitali di la Sicilia, havi na pupulazzioni di 663.173 abbitanti (datu di lu 2007 ), e la quinta citati d' Italia pi pupulazzioni doppu Roma , Milanu , Napuli e Turinu e la 30esima citati 'nta l' Europa . Cunzidirannu la so' aria mitrupulitana, lu so' nummuru d'abbitanti acchiana a 1.024.064, la so' aria mitrupulitana cunta li 27 cumuni di la so' pruvincia . E la citati principali e lu capulocu cunomicu e amministrativu di l'umonima pruvincia e di la Sicilia . Arricogghi munumenta di tutti li piriudi storichi a cuminzari di li Finici 'nzinu a li nostri jorna. Pi chistioni curturali, artistichi e cunomichi ha statu 'ntra li maggiuri citati di lu Miditirraniu e oi e 'ntra li principali citati turistichi di la riggiuni e di la nazziuni.

Storia [ cancia | cancia la surgenti ]

L' aria unni ora c'e la citati di Palermu vinni abbitata gia nna pristoria , nfatti nta lu Munti Piddirinu s'attrovanu tistimunianzi di pupulazioni pristorichi, n particulari li graffiti ca lassaru d'intra li grutti . Palermu la funnaru nna l' uttavu seculu a.C. li Finici , ntornu a na nzinatura naturali e nto menzu di dui ciumi , lu Kemonia e lu Papireto , nna Sicilia nord-uccidintali.

Palermu arristo finicia finu a la Prima Guerra Punica ( 264 - 241 a.C. ), quannu la Sicilia cadiu sutta lu putiri rumanu . Stu piriudu fu unu di cchiu tranquilli di la so storia, sutta l'amministrazzioni pruvinciali di Sarausa . Lu nomu finiciu era Ziz , ma li grechi antichi la chiamaru Panormos , ca veni a diri tuttu portu . Quannu lu Mperu Rumanu si spartiu, la Sicilia, e macari Palermu, addivintaru parti di lu Mperu Bizzantinu .

La situazzioni stetti accussi n' finu nonu seculu , quannu li Mussurmani nvasiru l' Africa sittintriunali e appoi la Sicilia; iddi pigghiaru Palermu nnu 831 e lu restu da Sicilia nnu 965 . Li Mussurmani canciaru la capitali di la Sicilia di Sarausa a Palermu (ca pigghio lu nomu di Balarm ), e accussi idda addivinto pa prima vota nta so storia la citati da Sicilia cchiu mpurtati pu cummerciu e pa curtura; li funti dicinu ca la citati avia chiassai di 300 muschei e dicinu macari ca era n'ebbica di pruspiritati e li cristiani e l' ebbrei putianu campari n paci, o ciancu l'unu cu l'autru, nna stissa citati.

Doppu 200 anni arrivaru li Nurmanni (pricisamenti nnu 1071 ) e n picca tiempu cunquistaru la citati e tutta l' isula . Palermu arristo la capitali e, sparti, addivinto capitali di lu mperu. Doppu li Nurmanni , vinniru li Svevi di lu 1194 nzinu a lu 1266 ; la citati appi lu cchiu autu splinnuri cu l'arrivu di lu Mpiraturi Fidiricu II nnu tridicesimu seculu , ca, a la so morti, si fici accrozzar' nna Cattidrali di Palermu .

Appoi vinniru li Angioini , di lu 1266 nzinu a lu 1282 (ca spustaru la capitali a Napuli , picchi chissa era na citati cchiu facirmenti gistibbili e non suggetta a rivorti, comu anveci era Palermu); vinniru appoi l' Aragunisi di lu 1282 nzinu a lu 1500 e doppu li Spagnoli . Nto 1713 la citati veni pigghiata di li Burbona , ca spustaru la capitali a Napuli n manera difinitiva, e accussi arresta nzinu o 1860 cu la mmasioni da Sicilia fatta di piemuntisi, cumannati di Garibbaldi .

Di stu mumentu li ntiressi ecunomichi e pulitichi s'arrassaru da citati, ca avia stata mpurtanti nzinu a ddu mumentu. Pi unurari l' unitati taliana , lu cumuni di Palermu accumincia la custruzzioni di granni opiri architittonichi, tra chisti lu tagghiu da Via Roma e la custruzzione di li dui tiatri cchiu mpurtanti da citati: lu Massimu e lu Politeama .

Talia macari

Pupulazzioni [ cancia | cancia la surgenti ]

L'evuluzzioni di lu nummiru d'abbitanti di Palermu:

1550 : 55.000 ca.
1853 : 185.000 ca.
1861 : 199.911
1871 : 223.689
1881 : 244.898
1901 : 309.566

1911 : 339.465
1921 : 397.486
1931 : 379.905
1936 : 411.879
1951 : 490.692
1961 : 587.985

1971 : 650.645
1981 : 701.782
1991 : 698.556
2001 : 686.722
2004 : 679.730
2007 : 663.173

Palermu e l'unica granni citati taliana ca di lu 1971 a lu 2001 auminto lu so nummaru d'abbitanti.

Palermu, nnu 2007 , arrisurto la quinta citati d'Italia, ntra tutti li 103 citati capulochi di pruvincia, pi la pircintuali di pupulazzioni juvanili (15-29 anni) cchiu auta: 21,2 %.

Li quartera [ cancia | cancia la surgenti ]

Li quattru mannamenti - Li quartera storichi [ cancia | cancia la surgenti ]

Lu centru storicu di Palermu (prima circuscrizzioni), currispunnenti a chidda ca a l'ebbica era la citati d'intra a li mura cincucinteschi, e spartutu di dui strati ca s'ancrocianu a li Quattru canti e vannu a criari a "la cruci barocca" (chiamata macari lu "Tiatru du Suli"), la via Maqueda e Lu Cassaru . Sti dui strati crianu quattru quartera storichi accanusciuti comu a li quattru mannamenti :

La Kavusa o Mannamentu Tribunali,
La Loggia o Mannamentu Castellammari,
Lu Seralcadi o U Capu o Mannamentu Munt'i Pieta,
Briaria o Mannamentu Palazzu Riali.

Sti quartera foru sistimati nte seculi passati: la prima trasfurmazzioni vinni fatta nnu 1600 co tagghiu da via Maqueda , ca crio la cruci barocca ; la sucunna vinni fatta nnu 1885 cu tagghiu da Via Roma .

Frazzioni [ cancia | cancia la surgenti ]

Palermu havi diversi frazzioni; li cchiu mpurtanti sunnu Munneddu e Sferracavaddu . Sti frazzioni s'attrovanu tutti dui nta la parti nord di la citati e nti la zona custera. N'autra frazzione di Palermu e Baida, ca s'attrova supra la citati: e nicaredda, ma assai tranquilla n cunfrontu a ddu caos da citati.

Istruzzioni [ cancia | cancia la surgenti ]

Palazzu Steri, sedi do ritturatu di l' Univirsitati di li studi di Palermu

Univirsitati di li studi di Palermu , funnata nta lu 1805 , cu oltri 62 mila iscritta, eni una di li cchiu ranni univirsitati taliani e cumprenni li siguenti facultati:
- Scenzi da Furmazzioni
- Lettiri e Filusofia
- Lieggi
- Ngigniria
- Iconumia
- Scenzi Matimatichi Fisichi e Naturali
- Scenzi Pulitichi
- Architittura
- Miricina e Chiruggia
- Fammacia
- Aggraria
- Scenzi Mutorie
LUMSA - Libbira Univirsitati Maria Santissima Assunta eni n'atineu privatu cu sedi principale a Roma e prisenti a Palermu cu li siguenti facultati:
- Scenzi da Furmazzioni
- Giurisprudenza
Facultati Tiuloggica di Sicilia San Giuvanni Ivangilista
Cunsirbatoriu di Musica Vincenzu Billini
Accademia di Beddi Arti ri Palermu
Istitutu Supiriori di Giurnalismu di Palermu
Scola Nazziunale di Cinema - Centru Spirimentali di Cinematoggrafia (si sta rapiennu nu futuru)

Istituti ntirnazziunali pa diffusioni di la lingua e di la cultura [ cancia | cancia la surgenti ]

Sucitati Danti Alighieri - Lingua taliana
Goethe-Institut - Lingua tidesca
Instituto Cervantes - Lingua spagnola
Centre Culturel Francais - Lingua francisi

Ricecca [ cancia | cancia la surgenti ]

ISMETT - Istitutu Miditirraniu pi li Trapianti e Tirapii ccu Ghiauta Spicializzazioni

Strutturi di lu Cunsigghiu Nazziunali di li Ricerchi prisenti a Palermu [ cancia | cancia la surgenti ]

Istitutu di biumidicina e d'immunologgia muleculari "Albertu Monroy"

Articulazzioni tirrituriali di l'istitutu
- Istitutu di carculu e rita cchiu gghiauti pristazziona
- Istitutu di sturi supra li sistema ntelliggenti pi l'autumazzioni
- Istitutu pi lu studiu di matiriala nanustrutturati
- Istitutu di ginetica viggitali
- Istitutu pi li ticnuloggii didattchi
- Istitutu di biufisica

Monumenta [ cancia | cancia la surgenti ]

La citati di Palermu e china di monumenta di li diffirenti ebbichi e stili architittonichi. Li principali sunnu:

Palazzi:

Musei:

Casteddi:
- La Zisa
- La Cubba

Chiesi:

Tiatri:

Funtani:
- Funtana Pritoria
- Funtana du Geniu

Trasporti [ cancia | cancia la surgenti ]

Trasporti urbani [ cancia | cancia la surgenti ]

Lu trasportu urbanu e fattu da metropulitana e di l' autubussi .

Metropulitana [ cancia | cancia la surgenti ]

La Metropulitana di Palermu , gistita di l' AMAT e di l' FS , utilizza li binari du passanti ferruviariu e havi dui linii.

- La linia A havi 14 stazzioni: Stazzioni Cintrali, Vespri-Policlinicu, Palazzu Riali-Orleans, Notarbartulu, Francia, San Lorenzu-Colli, Cardillu-Zen, Tummasu Natali, Isula di li Fimmini, Capaci, Capaci-Turru Ciachea, Carini, Pirainetu, Ariuportu Falcone-Borsellino . Lu pruggettu pi l'ampliamentu da linia A, cumprenni la cutruzzioni di novi firmati: Ruccella, Brancacciu risidinziali, Guadagna, Palazzu di Giustizzia, Lolli, Lazziu-Ristivu, Belgiu, La Malfa, Sferracavaddu . La linia A camina di li 4:45 nzinu a li 22:00 agghiri a l'Ariuportu, e di li 5,30 nzinu a li 23,00 ammeri la Stazzioni Cintrali, tutti li jorna da simana e fa menu cursi nnu fini simana. A la fini di travagghi (ca foru accuminciati lu 22 di frivaru 2008 ) lu sirvizziu de cursi addiventa ogni 5/10 minuti.
- La linia B havi 4 stazzioni (Notarbartulu, Mpiraturu Fidiricu, Fera, Giachery). Li travagghi pa linia B ca foru appartati, privedunu la rializzazzioni di 4 novi firmati: Portu, Politeama, Malaspina-Catania, Lazziu-Libbirtati . La Linia B camina di li 6:40 nzinu a li 20:40, sulu nni li jorna firiali. A la fini di travagghi lu trenu passa ogni 5 minuti.

Autubussi [ cancia | cancia la surgenti ]

Lu trasportu citatinu supr'a umma e fattu di l' AMAT . Li linii di l' autubussi firrianu pi tutta la citati e agghicanu macari finu a nu pocu di cumuna cchiu vicini. L'urari vannu di li 4:00 di matina nzinu a menzanotti. Li linii N1 e N2 su linii nutturni e caminanu di li 23.00 finu a li 4.00. Lu capu-linia s'attrova nna zona "Passu di Riganu" . Chiossai di li autubussi tradizziunali, ci nni su autri n virsioni graputa, ca venunu utilizzati nta stati pi cullicari lu centru a Munneddu .

Trammi [ cancia | cancia la surgenti ]

Li linii du trammi sunnu n custruzzioni e quannu finisciunu li travagghi ci su appoi dui capulinii, unu nna zona Ruccedda e unu nna zona Brancacciu , cursii prutetti e 3 linii:

La linia 1 ca servi a cullicari la zona di Brancacciu ca Stazzioni Cintrali , cu nu passaggiu ogni 5 minuta.
La linea 2 ca veni a cullicari la Stazzioni Notarbartulu ca zona di Borgu Novu , cu passiggi ogni 10 minuta.
La linea 3 va a cullicari la Stazzioni Notarbartulu a la zona di CEP San Giuvanni Apostulu passannnu po Cursu Calatafimi, co passaggiu du mezzu ogni 10/20 minuta.

Mitrupulitana leggia [ cancia | cancia la surgenti ]

Ha statu pruggittata la custruzzioni da mitrupulitana leggia supra umma cu menzi sinza piluta. Dui linii avrianu a partiri di la rutunna da strata Oreto supra strata Riggiuni Siciliana e avrianu a agghicari n Munneddu , cu pircursi diffirenti. Li treni avrianu a passari unu pi 3 minuta e li stazziuni prividuti sunnu: Svincolo oreto; Oreto sud; Oreto nord; Piazza Giulio Cesare; Piazza Borsa; Teatro Massimo; Politeama; Archimede; Notarbartolo; Sciuti; Empedocle Restivo; Alcide De Gasperi ;Stadio; Liberta-Lazio; Via D'annunzio; Aldisio; Lanza Scalea; Villa adriana; ZEN San Filippo Neri; Tommaso Natale; Piano Verde; Partanna-Mondello.

Pisti ciclabbili [ cancia | cancia la surgenti ]

Sunnu prisenti dui pisti ciclabbili di 7 chilometri: una passa allatu a lu mari e l'autra purta di lu mari (zona portu) nzinu a la strata Riggiuni Siciliana.

Autustrati [ cancia | cancia la surgenti ]

La citati di Palermu e culliata, grazzi a la circunvaddazziuni o strata Riggiuni Siciliana (cu 2 cursii pi sensu di marcia, cchiu li cursii d'emirgenzia), a 4 autustrati:

A19 : cullia Palermu cu Catania , nun si paga, attravirsa arii cu picca abbitanti. Nnaugurata di l' ANAS nto 1975 , havi nu record: lu viaduttu cchiu longu d'Italia, ca va a serviri comu svinculu pi Enna .
A20 : cullia Palermu cu Missina , si paga, parziarmenti accabbata nto 2005 . Nto 2006 passaru di sta autustrata cchiu di 21 miliuna di autuveiculi.
A29 : cullia Palermu cu Mazara del Vallo n pruvincia di Trapani , nun si paga. Manca di arii di sirvizziu.
A29 dir : na parti da A29 cullia Palermu cu Trapani .

La pruvincia havi pruggittatu na nova tanginziali cchiu di fora rispittu a Palermu, ca avissi a culliari li autustrati Nord cu chiddi a Sud , jiennu di Villabbati a l' Aeroporto di Palermo-Punta Raisi .

Ariuporti [ cancia | cancia la surgenti ]

Ariuportu di Palermu-Punta Raisi , lu nomu ufficiali ha statu canciatu n Aeroporto Falcone e Borsellino : e lu nonu scalu talianu pi nummaru di passiggeri (4.511.000 nto 2007 ^[1]), s'attrova a circa 35 km di Palermu nta dirizziuni Trapani . Nto 2008 era ancora n fasi di allascamentu, pittantu avria a passari di 35.000 mq di spazzi pi li passiggeri di ora a 100.000 mq.
Ariuportu di Palermu-Vuccadifarcu : ex-ariuportu militari, nto 2005 l'ariuportu addivinto civili. S'attrova dintra a la citati e e usatu pi vuli riggiunali.

Porti [ cancia | cancia la surgenti ]

Porto Civile : e ntra li cchu granni porti du Miditirraniu pi passiggeri e merci. Lu nummaru di passiggeri nto 2007 fu di 2.400.000, cu nu ncrimentu du 30% rispittu a lu annu 2006 . E lu sestu portu talianu pi trafficu di passiggeri nta li navi di crucera cu 470.000 passiggeri nto 2007 ^[2].
La Cala : uno dei cchu vecchi porti attivi nnu munnu, fu fattu nnu VIII seculo a.C. .
Arenella : s'attrova sottu Monti Piddirino , era un portu pi piscatura ora addivinto porto turistico.
Sferracavallo : e macari oggi un portu pi piscatura.
Mondello : era un portu di piscatura ora e macari porto turistico
Acquasanta .
Fossa del Gallo .
Porto dell'Addaura .
Sant'Erasmo .
Bandita .

Firruvia [ cancia | cancia la surgenti ]

Li principali stazziuni di Palermu sunnu:

Stazziuni Cintrali : custruita nta la fini du XIX secolo , a la fini da guerra munniali furu custruita autri dui chiani cu stissu stili niuclassicu di la basi. Nto stissu piriudu furu costruiti li penzilini ncapu a li binari pi sustituiri dd'autri distrutti duranti la guerra. Accamora ( 2009 ) havi 12 binari e dintra s'attruvanu putii e lochi laschi pi pistiari.
Stazziuni Notarbartolo : custruita nti li anni '70 pi serviri la nova zona Nord da citati. La furma e assai particulari picchi la struttura da stazziuni e ntu liveddu da strata, mentri li binari s'attruvanu cchiu sutta. Havi 7 binari. Dintra cci sunnu lochi pi pistiari e putii vari. Nto 2008 accuminzaru a travagghiari pi renniri cchiu muderna la struttura e pi custruiri nu centru cummirciali.
Stazziuni Lolli : fu costruita nta la fini du XIX secolo grazzi la nizziativa di arcuni nobbili di Palermu pi culliarisi cu la zona di Trapani china di campi agriculi, ha stata chiusa nta mitati du seculu XX e accamora e abbannunata. Ha statu prisintatu nu chianu pi ricupirari lu mmubbili, macari comu nova stazziuni o frimmata pi la futura mitrupulitana.
Stazziuni Orleans : costruita nto 2001 , s'attruva sutta a lu liveddu stratali. Utilizzata comu frimmata da mitrupulitana, e misa nna pusizzioni fauriuli a lu trafficu du travagghiu. Nfatti s'attruva casi appressu a l' Universitati di Palermu , a lu Palazzo dei Normanni e a una di li cchiu mpurtanti chiazzi da citati Chiazza Nnipinnenza ).

Sport [ cancia | cancia la surgenti ]

Palluni [ cancia | cancia la surgenti ]

La principali squatra di cauciu e il' Palermo Football Club , funnata comu sula squatra da citati nto 1898 e funnata arreri nto 1987 , canusciuta comu Palermu , li so culura sunnu rusa e niuru; joca nta Seria A . La squatra usa lu Stadiu Renzo Barbera . Autri squatri, menu mpurtanti picchi jocanu n catigurii nfiriuri, sunnu: la Fincantieri e la Panormus .
Dui mmeci li squatri di cauciu fimminili: li Aquile Palermo ACF e la Polisportiva Ludos Palermo , ca jocanu nta Seria A2 .

Cursi autumubbilistichi [ cancia | cancia la surgenti ]

Targa Florio : arresta la cchiu antica cursa di machini du munnu. Nzinu a li anni '70, cursa valida pi lu campiunatu munniali, doppu trasfurmata n rally di mpurtanza ntirnazziunali.

Ciclismu [ cancia | cancia la surgenti ]

Nto maju du 1930 la sicunna tappa du Giro d'Italia ( Firriata d'Italia n sicilianu ) accabbo n Palermu.
Lu 12 di maiu 1986 la prima tappa du Giro d'Italia (cronometru) fu n Palermu.
Lu 30 di maiu 1993 l'uttava tappa du Giro d'Italia accabbo n Palermu.
Lu 10 di maiu 2008 di Palermu partiu lu Giro d'Italia.

Puggilatu [ cancia | cancia la surgenti ]

Nino Castellini ha statu unu di li cchiu granni puggili da boxe taliana e siciliana; a 25 anni era gia campiuni talianu superwelter, avia statu lu prutagunista n dui campiunati munniali ( 1970 e 1972 ) e avia participatu a li Olimpiadi di Monaco . Muriu nnu ncidenti stratali nta Palermo-Punta Raisi lu 26 di austu do 1976 .
Michele Orlando , campiuni europeu 2008 di li pisi welter, e urigginariu du quarteri Nuci e manteni auta la tradizziuni puggilistica siciliana nti ring d'Europa e di tuttu lu munnu.

Canoapolu [ cancia | cancia la surgenti ]

Ghisamestieri Palermo , culura suciali jancu e ble. E' la sula squatra di la citati ca vinciu nu scudettu pi la vittoria du campiunatu nazziunali nto 2000 , vinciu videmma dui Coppa Italia, nto 2004 e nto 2005 . Joca nti la massima seri du campiunatu nazziunali.
C.N.Marina S.Nicola , culura suciali jancu e azzurru. Joca nta massima seri du campiunatu nazziunali.
Societa Canottieri Trinacria , culura suciali giarnu e russu. Joca nta massima seri du campiunatu nazziunali.