Pi autri significati talia
Vespri siciliani (disambigua)
Na pittura di Vespri siciliani du (1846), di
Francesco Hayez
Li
Vespri siciliani
forru n'abbinimentu storicu mpurtanti pi la
Sicilia
du
seculu XIII
.
Dopu la scunfitta di
Manfredi
a
Biniventu
lu
26 di frivaru
du
1266
e la dicapitazzioni di
Curradinu
a
Napuli
lu
29 di uttuviru
du
1268
lu
Regnu di Sicilia
avia statu difinitivamente assignatu a
Carlu I d'Angio
. Lu
Papa Climenti IV
, chi gia avia ncurunatu Re di Sicilia Carlu nto
1263
, spirava accussi di putiri mprimiri ultiriurmenti la so influenza supra lu Regnu di l'Italia miridiunali, senza subiri li veti chi foru mpunuti di svevi. Ma lu Papa si renni cuntu prestu chi in rialitati l'angiuini nun mantenunu li prumissi, pirsegunu na pulitica espansiunistica e nun sunnu
dilfini
du Puntefici. Cunquistatu lu Miridiuni d'Italia, Carlu pinsava gia a
Custantinopuli
.
In
Sicilia
la situazziuni era particularmenti critica: l'isula suffria lu pisu di la duminazziuni e tutti li classi suciali eranu in crisi. Li Angiuini si mustravanu nsinsibbili a li richiesti avanzati, applicaru un lurdu fiscalismu e spissi voti praticaru usurpazziuni, suprusi e la viulenza.
Danti Alighieri
(chi avia 17 anni nto
1282
) nto VIII cantu du Paradisu, dici comu
Mala Signoria
lu regnu angiuinu in Sicilia. Nta stu cuntestu avvinia l'elizziuni di Papa
Martinu IV
lu
22 di fivraru
1281
supra cui in Sicilia si ripunevunu li urtimi spiranzi. Inveci, lu Papa, chi era francisi ed era statu numinatu propriu grazzi o sustegnu di l'Angio a cui era particularmenti liatu, si mustro subbitu nsensibbili e siciliani.
Nto Regnu di Araguna la Rigina
Custanza
, figghia di
Manfredi
e unica discinnenti da dinastia sveva, primia lu maritu
Pietru III d'Araguna
pi riturnari in
Sicilia
, unni la pupulazzioni mantinia ancora lu ricordu di lu splinnuri di l'ebbica di
Fidiricu II
.
Tuttu appi inizziu all'ura du
vespru
du
31 di marzu
1282
, luni di
Pasqua
, nto sagratu di la Chiesa del Santu Spiritu, a
Palermu
. L'insurrizziuni dilagau immidiatamenti in tutta la Sicilia. A ginirari l'episodiu fu - secunnu la ricustruzziuni storica - la riazziuni o gestu di un surdatu di l'esercitu
francisi
chi si era rivoltu in manera irriguardusa a na picciotta nobbili accumpagnata di so maritu cu la scusa di circari armi ammucciati sutta la vestina. La riazziuni du maritu, a difisa da signura, ditti inizziu a rivulta. Nto cursu di la sirata e di la notti a pressu li palirmitani si abbannunaru a na vera e propria
"caccia e francisi"
, chi si trasfurmau nta na autentica carnificina.
O nnumani, la cita di Palermu si pruclamau innipinnenti. Bin prestu, la rivulta si estinniu a tutta la Sicilia. Doppu Palermu fu la vota di
Curliuni
,
Taurmina
,
Missina
,
Sarausa
,
Augusta
,
Catania
e tutti li autri cita.
Carlu I d'Angio
tintau nvanu di sidari la rivulta cu la prumissa di rifurmi. A fini dicisi di ntirveniri militarmenti. Cu 75.000 ommini e ducentu navi, sbarcau a Catuna-Gallicu (a nord di Reggiu) e inizziau l'assediu di Missina a fini maggiu 1282. Lu primu assaltu navali fu lu
2 di giugnu
, rispintu di siciliani; poi sbarcau supra li costi di Missina lu
25 di giugnettu
1282
, sapennu chi nun putia mai avanzari all'internu da Sicilia si non doppu aviri espugnatu la cita supra lu strittu. Lu 6 e l'8 d'austu si appi n'assaltu guelfu italu-francisi e spaddi da citta, assicutatu de siciliani.
A guerra participaru tutti li centri di l'isula, tranni
Spirlinga
(
Enna
), chi divintau l'unicu capusaldu angiuinu. Nto casteddu di la cittadina infatti, si po ancura leggiri di sta fidilta: "
Quod Siculis placuit, sola Sperlinga negavit
".
Avvinimenti storichi da Sicilia