Un pianeta (dal grech πλαν?τη? [plan?ː?t?ːs] = vagabond) a l'e un corp celest ch'a orbita antorn a n’ esteila per via dla forsa d'atrassion gravitassional.

L' Union Astronomica Anternassional per s-ciairi la diferensa tra pianeta e d'aitr corp celest che a son nen ed pianeta ( asteroid , steile e satelit ) del 2006 a l'ha tira fora na definission pi precisa.

Sta definission a dis che un pianeta a l'e un corp celest che a orbita antorn a n’esteila, che a l'abia na massa ch'a basta per deje na forma sferica, ma ch'a basta nen per de l'andi a na reassion nuclear ; e ch'a l'abia nen an soa banda orbital dj'autri corp pi grand ed chiel o dla medema taja.

Pianeta del sistema solar [ modifica | modifiche la sorgiss ]

Ij pianeta ch'i conossoma mej a son coj ch'a orbito antorn al Sol . A son eut: Mercuri , Venere , la Tera , Mart , Gieuv , Saturn , Uran e Netun . Ij primi quatr, che a son dit pianeta terestr o pianeta rocos , a son coj ch'a smijo a la Tera, an essend pi cit e fait ed pera. J'aitr quatr, che a son dit pianeta giovian o gigant gaseus , a son coj ch'a smijo a Gieuv, an essend pi gross e fait ed gas .

Esopianeta [ modifica | modifiche la sorgiss ]

Fora del sistema solar i l'oma gia trovane na milen-a, combin che a sia nen facil s-ciaireje. Costi-si a son ciama pianeta extrasolar o esopianeta . A son tuti ed grossa taja e a giro dantorn a steile ed nostra galassia . Ma j'astronom a cherdo che quasi minca steila a n'abia quaidun e che a-i na sio 'co ed cit.