El
galateucc
a l’e ne
sport
ch’as peul pratichesse a tute j’eta, bele che an
Italia
a sia anco' nen vaire desvlupa. An prim leu, el motiv a ven dal reu ≪mistich≫ e un poch
sofnin
che belavans anco' al di d'ancheuj a compagna cost esport.
Le prime regole ofissiaj del gieugh a son estaite stabilie del 1744 al parch Leith Links d'
Edimborgh
da l'
Honorable Company of Edinburgh Golfers
.
As peul ancaminesse con poche senten-e d'euro. A l’e costuma (e bon-a norma) ancamine an pijand quaich lession da un magister abilita. La speisa a l’e ed quaich senten-a d’euro. Dapress a 's moment inissial, l'anlev a l'avra capi se 'l galateucc a fa per chiel o chila opura no. An seguitand, ij cost a van dai mila ai 2mila euro a l'ann per l'iscrission a un circol; l’atressadura a costa dai 300 ai mila euro per ancamine; peui, a venta gionteje quaich senten-a d'euro a l'ann per gare, balin-e e via fort.
An Italia ij praticant a son anviron 85mila: na miseria, se confronta con ij 30 milion dje
Stat Uni
, ante ch'a l'e ne sport nassional. Ij circoj a son anviron 300: an
Piemont
a-i na j’e na quaranten-a, ma d'autri a son an costrussion. An particolar bin anandia a l'e el proget d'un camp publich a
Turin
, taca a la
Stura
: lon che a permettra ed conten-e ij cost dzora ed tut per chi che per la prima vira a se vzin-a a cost esport.
Dal
2007
a l'e anandiasse 'l tesserament diret: chi ch’a l’ha mai giuga a galateucc a l’ha la possibilita ed paghe mach ij 60 euro ed tessera federal e peui paghe minca vira ch’a vintra ant un circol per gieughe. A resta n'esperiment per avzine al galateucc pi 'd gent ch'as peul, dont l'arzulta a podra valutesse mach ant ij
temp
longh.
An
television
as peul seguisse dzora
Sky
, che a trasmet ij torneo pi amportant.
|