Un
copyright
o
drit d'autor
a da a l'autor ed n'euvra creativa (per esempi, literatura, film, musica, pitura, programa anformatich) el drit esclusiv ed controle l'arprodussion dl'euvra per un period ed temp, a condission che costa euvra a sia dota d'un livel minimal d'originalita.
Cost drit a consist an general ant l'esclusivita ed realise e vende copie dl'euvra, ed fe d'euvre deriva, ed presente l'euvra an publich, e ed vende o tramude cost drit a d'autre person-e.
El drit d'autor a l'e na forma ed
propieta inteletual
. Al contrari ed na
patenta
ch'a da un drit ed
monopoli
dzora l'usage ed n'anvension, un drit d'autor a coata euvre d'espression creativa.
Chi a copia sensa permess d'euvre sota drit d'autor a peul esse puni da la laj, ed solit con na
multa
ma an dij cas estrem con l'
arestassion
e la prison.
Ant la pi part dij pais, la propieta del drit d'autor ed minca euvra as assigna automaticaman a so autor (gava che l'autor a gada el drit a cheidun d'autri), che a l'ha pa da manca d'argistre el drit. Sensa argistrassion a peul tutun esse malfe prove da na mira legal la propieta del drit d'autor; a l'e soens na bon-a ideja argistrelo, dzortut per d'euvre comersial.
Se n'autor a arseiv un pagament an cambi dla produssion d'euvre per cheidun d'autri, la person-a ch'a paga l'euvra (per esempi el padron ed travaj dl'autor) a arseiv soens edco la propieta del drit d'autor.
J'euvre ch'a son fora drit d'autor a causa ed soa veciaja o dont l'autor a l'ha bandona el drit a son dite ed
domini publich
e a peulo esse copia, dovra e cangia ed fasson libera.
El
fair use
a l'e na dutrin-a ant la laj del drit d'autor dje
Stat Uni
che a permet l'usage limita ed materiaj sota drit d'autor sensa el permess dij proprietari dij drit, per esempi per ed but academich o giornalistich. Costa dutrin-a as basa an sel drit ed liberta 'd parola del prime emendament a la
constitussion dje Stat Uni
.
Bele che l'espression
fair use
a l'e propia an sens legal dje Stat Uni, as deuvra edco ed fasson informal an d'autri pais per descrive drit simalar esistent an coj pais. An d'autre giurisdission ed
drit comun
a esist un drit simil sota 'l nom ed
fair dealing
. La giurisdission ed
drit sivil
a l'han d'autre limitassion e ecession al drit d'autor.
Pais diferent a l'han ed laj diferente ch'a goerno el drit d'autor. La pi part dle diferense a resguarda la question se j'euvre produvue dai goern a resto sota drit d'autor o pa, quant temp a dura el drit d'autor apress la mort ed l'autor, e le definission ed fair use. An rason ed coste diferense, n'euvra a peul a l'istess temp esse sota drit d'autor ant un pais e esse ed domini publich an n'autr.
Tanti a cherdo che le laj an sij drit d'autor a facilito le creassion ed neuve euvre e l'anvension ed neuve ideje, an permetend a l'autor d'arseive n'arcompensa finansiaria per so sfors e an dasendje n'ancentiv a la produssion d'euvre per l'avni. Ma ij critich a constato che le laj ed drit d'autor a ampedisso le scambi e l'ameliorassion creativa d'ideje, euvre e anvension.
Le ca editris a esisto per facilite le publicassion d'euvre, an fasend tut el travaj assossia con la publicassion, promossion e vendita dl'euvra an cambi ed na porsion dij profit. Le ca editris a son soens seletive quant a j'euvre vendue, e trove un ch'a publica n'euvra a peul esse motobin malfe.
Sensa publicator, tutun, la vendita ed n'euvra a peul esse ancor pi malfe: vaire merca a son sota 'l control scasi antregh ed poch editor amportant, e per ed rason pratiche ij negossi a vendo pa an general j'euvre publica da l'autor midem. Ij critich a diso che le laj ed drit d'autor a facilito cost control da part ed le ca editris, e a ampedisso l'intrada ant el merca d'autor indipendent.
Tanme solussion ed cost problema, dle partie d'autor indipendent a l'han anventa l'ideja ed
contnu duvert
, ch'a da a mincadun el permess ed copie, cambie e distribui o vende soa euvra, soget a cheiche regole stipula an na
licensa
ed contnu duvert. Cheiche condission tipiche an contn duvert a son:
- J'euvre cambia o deriva a deuvo include note che a dan credit a l'autor original.
- Se as distribuiss l'euvra cambia o deriva, coj ch'a arseivo le neuve euvre a deuvo arseive j'istess permess ch'a coato l'euvra antrega, compreis ij cangiament e le gionte.
- Sota cheiche license a l'e proibi vende l'euvra o dovrela per ed but comersial.
Le pagine ed
Wikipedia
a son disponibij sota la
Licensa GNU per documentassion libera
ch'a permet ed dovre el contnu sota, an efet, le prime due ed coste condission.
|