La mar Roja (var. Mar Arroja ) es un golf o brac de mar de l' ocean Indian situat entre Africa e Asia . Al sud es religada a l'ocean Indian per l'estrech de Bab al Mandab e lo golf d'Aden . Al nord de la mar Roja se trapa la peninsula de Sinai situada entre lo golf d'Aqaba e lo golf de Suez , ont lo Canal de Suez fa un passatge cap a la mar Mediterranea .

La mar Roja fa aproximativament 1900 km de long sus 300 km de larg ; la superficia marina es de 438 000 km² a 450 000 km². Lo fons marin ten una prigondor maximala de 2500 m e en mejana de 500 m. Mas ten tanben unas plataformas pauc prigondas, famosas per la sieuna vida marina e los coralhs. Es l'abitat de mai de 1000 especias d'invertebrats e de 200 de coralhs. La Mar Roja ocupa una partida de la Val del Rift .