La
familha
[1]
o
familia
[2]
[3]
es un ensemble de personas unidas per de liames de
parentat
. Dins una vision pus reducha, es un grop de personas liadas per de liames de parentat que vivon ensemble. Es alora considerada coma una unitat sociala fondamentala presenta dins totei lei
societats
umanas
. D'efiech, permet de metre en placa de liames de
solidaritat
entre sei membres (
grands
,
parents
,
enfants
,
cosins
...) destinats a assegurar lor proteccion e lor desvolopament
fisic
,
morau
e
afectiu
. En foncion dei luocs e deis epocas, existis mai d'un model familhau coma la
familha indivisa
, la
familha soca
e la
familha conjugala
. Leis autrei sistemas son generalament de combinasons o de variacions d'aquelei tres tipes fondamentaus. La natura
matrilineara
,
patrilineara
o
multilineara
de la familha es tanben una dimension importanta.
Tres termes de basa permeton de definir lei diferents sistemas de
parentat
presents dins la mager part dei
societats
: lo
linhatge
, lo
clan
e la
tribu
. Lo
linhatge
es lo grop d'individus que descendon d'un meteis reire comun. De cops, un
linhatge
pot esser despartit entre de brancas multiplas e, dins certanei
societats
, pot esser forca estendut. Per exemple, es possible de remontar fins a la 8
a
, la 9
a
o la 10
a
generacion
e coneisser forca collateraus dins leis autrei brancas d'un meteis
linhatge
.
Lo
clan
es un grop d'individus que dison descendre d'un meteis reire comun e mai s'es pas possible d'identificar tota l'
aubre genealogic
. Dins certanei cas, l'existencia d'aqueu reire es forca
ipotetica
(
eroi
legendari
,
dieu
...). Aqueleis individus son generalament liats entre elei per de
tradicions
comunas (rites,
tabos
,
restriccions alimentarias
...) o per de simbols comuns (
patronim
,
totem
,
sepultura
familhala...).
La
tribu
recampa mai d'un
clan
e si definis en partida per son territori. Es generalament una estructura mens forta car son organizacion e son mantenement despendon d'elements exteriors a la familha coma la
politica
o l'
economia
. Frequentament, s'utiliza lo terme ≪
clan
≫ per definir una populacion vivent sus un territori donat onte de
clans
cambian de
fremas
entre elei. Pasmens, aquela utilizacion es
scientificament
abusiva.
Dins l'exemple aici dessota, son representats totei lei raports familhaus elementaris dins una familha tipe. Dins la realitat, s'observa de segur forca variacions.
Per rendre compte d'aquela estructura fondamentala, existis dos tipes de sistema d'apelacions dei
parents
. Lo sistema ≪ descriptiu ≫ depinta la situacion e la posicion deis individus. Es aqueu en vigor dins la societat
occitana
. Per ieu, ≪ ego ≫, n'ai qu'un
paire
e, donc, lo mot ≪ paire ≫ definis unicament mon paire. En revenge, podi aver mai d'un
oncle
car totei lei
fraires
e lei
sorres
de mon
paire
e de ma
maire
son, a respecte d'ieu, a la meteissa posicion. Lei sistemas ≪ classificatoris ≫ classan lei personas segon una apelacion qu'es pas necessiarament basada sus sa posicion a respecte d'ieu. Per exemple, dins certanei
tribus
, mon
paire
e lo
fraire
de mon
paire
son considerats coma mon
paire
. Utilizi lo mot ≪ paire ≫ per m'adreicar a elei e devi adoptar la meteissa conducha amb lei dos
[4]
. En certanei societats regardadas per de sistemas classificatoris, es tanben possible de considerar que lei
fraires
de sa
maire
son tanben mei maires
[5]
.
Dins lei dos tipes de sistema, lo
genitor
es rarament reconegut per la
societat
. Aquo es verai dins lei societats classificatorias onte la multiplicitat dau nombre de paires fa que totei lei paires podon pas esser lo genitor d'un
enfant
donat. Pasmens, es tanben lo cas dins mai d'una societat descriptiva. Ansin, dins la societat
occitana
, s'aplica un vielh principi dau
drech roman
que dispausa que
≪ Pater is est quem justae nuptiae demostrant ≫
.
Lei sistemas matrilinear, patrilinear e multilinear
[
modificar
|
Modificar lo codi
]
La natura
matrilineara
o
patrilineara
dau sistema familhau s'observa en estudiant l'organizacion dau
linhatge
sus plusors
generacions
. Dins lo sistema matrilineara, la
filha
demora dins son
ostau
. Aquo li permet de gardar son
clan
e son nom e de transmetre son
nom
, son clan e sei bens a seis enfants. Generalament, un de sei fraires es considerat coma lo
paire
de seis enfants. Regardant lo genitor, dos cas principaus existisson. Dins lo pus simple, quita l'ostau de la
maire
, sovent avans la
naissenca
. Dins lo segond, dich ≪ matrilocau ≫, lo genitor resta dins l'
ostau
de la maire dins una situacion d'
estrangier
o de
prince-consort
. Existis un tresen cas qu'es dich ≪ patrilocau ≫ : la maire va viure dins l'ostau dau paire. Pasmens, en causa dei complicacions regardant la succession, aquo es forca rar.
Lo sistema patrilinear es similar amb d'adaptacions liadas au
sexe
dei dos membres dau pareu. Es lo paire que transmet son nom, son clan e sei bens a seis enfants. Dins lei sistemas multilinears, totei lei brancas de la familha son consideradas coma egalas. Ansin, en
Occitania
, totei mei grands son mei grands e recauprai sei bens d'una meteissa maniera. Pasmens, si fau notar qu'en
Occitania
, la transmission dau
nom d'ostau
a luoc de paire en fiu. Lo sistema familhau occitan es donc dich
multilinear
de preferencia patrilineara
[6]
.
Un sistema de drechs e d'obligacion lia lei diferents membres d'una meteissa familha o, pus largament, d'un meteis clan. Aquelei
drechs
e
deures
son forca variats e despendon forca dau tipe de sistema e de la
cultura
locala. Podon comprendre d'obligacions de
cortesia
, de
respecte
, d'
ajuda
, de
proteccion
o d'
obeissenca
. De reglas determinan tanben la
transmission dei bens
ais
enfants
a la
mort
dei
parents
.
Entre dos membres d'una meteissa familha, lei raports individuaus son tanben forca diversificats :
autoritat
, respecte, somission, cooperacion, afeccion, agressivitat,
joc
, galejada... En generau, lei raports son ≪ serios ≫ (autoritat,
educacion
...) entre lei parents e leis enfants. Pasmens, dins lei societats
agricolas
, l'autoritat es frequentament tenguda per lo
grand
o la granda e lei raports serios alora s'establisson entre lei grands e lei felens. Dins la societat occitana moderna, la relacion seriosa es ansin sovent establida entre lei parents e leis enfants e, totjorn dins lo cas pus generau, lei grands e lei felens e leis oncles e lei
nebots
an de relacions d'afeccion. Un exemple de relacion de cops agressiva es aqueu de la relacion entre un enfant e sa
belamaire
.
Lo
maridatge
a per foncion fondamentala de liar dos
linhatges
o doas familhas qu'an pas de liames. Dins la mager dei societats, es la
frema
qu'assegura la liason entre aquelei doas familhas o aquelei dos
linhatges
. Ten lo rotle de liame sociau que recampa dins una meteissa societat lei linhatges diferents. Pot alora esser l'objecte de cambis, d'una maniera quasi identica a la
moneda
dins lei raports
economics
. Dins lei societats que practican aquelei cambis, cambiar de fremas permet d'entretenir de raports sociaus coma cambiar de sous permet de mantenir de relacions
economicas
. Dins mai d'una region, un cambi de
fremas
pot egalament esser compensat per un cambi de bens.
Dins aquelei societats, lo rotle de la
frema
es donc liat a l'
exogamia
. L'
ome
es obligat de trobar una companha dins un
linhatge
exterior per establir de raports amb d'autrei
linhatges
. Aquo permet tanben de respondre au
tabo
de l'
inceste
. D'efiech, l'
exogamia
permet pas totjorn de protegir leis essers umans contra lei problemas causats per la
consanguinitat
. En revenge, permet d'establir de liames de
solidaritat
amb au mens un autre
linhatge
[7]
.
Per resouvre la question de l'
inceste
, mai d'una societat a adoptat de
leis
qu'enebisson estrictament lo
maridatge
entre membre d'un meteis linhatge. En revenge, aquo empacha pas l'existencia de
maridatges
≪ recomandats ≫ amb de membres dau
clan
. Lo cas pus conegut pertoca lo maridatge entre
cosins crosats
qu'es frequent dins mai d'una societat. Dins d'autrei societats, a la mort dau conjunt, lo subrevivent esposa lo
fraire
o la
sorre
de son conjunt defuntat. Aquo permet de mantenir lei liames entre lei
linhatges
[8]
.
Dins forca societats, lo
maridatge
deis
enfants
es organizat per lei parents o per lei grands, generalament en foncion deis interes dau
linhatge
. Dins un nombre creissent de societats, lei dos espos son liures de si chausir mutualament. De situacions intermediarias existisson amb una chausida iniciala realizada per lei parents e un drech, mai o mens efectiu, per leis enfants de refusar lo conjunt selectionnat. Pasmens, quin que sieche lo tipe de societat, la chausida de l'espos es circonscricha per leis estructuras e lei costumas socialas. En particular, tenon un rotle decisiu lei grops professionaus, l'
estratificacion sociala
e la proximitat
geografica
.
≪ L'
omogamia
≫ significa esposar son semblabla. Un autre terme frequent en materia de maridatge es ≪
endogamia
≫ que significa si maridar au sen de son grop sociau. L'omogamia geografica es la pus frequenta per de rasons practicas. Pasmens, leis omogamias sociala e culturala son tanben pron desvolopadas coma va mostra lo nombre forca important de maridatges entre individus d'una meteissa
categoria socioprofessionala
. Dins lei societats de maridatge organizat, aquo s'explica per la presa en compte deis interes dau linhatge dins lei negociacions. Lei familhas pus importantas son sovent pauc desirosas de conclure una ≪ mesalianca ≫. En lei societats liuras, aquo s'explica per lo fach que la mager part dei rescontres an luoc durant d'eveniments sociaus (trabalh, estudis, relacions d'enfanca, relacions de vesinatge...) qu'implican de personas d'estatuts similars.
En mai d'una societat, si fau notar l'importancia de la question de la
virginitat
deis espos, especialament aquela de la frema. Pasmens, dins lei fachs, aqueu principi es pas totjorn ben respectat. Per exemple, en
Franca
dins leis ans 1960, una enquista avia conclut que 80% deis estatjants consideravan la virginitat avans lo
maridatge
coma una
vertut
importanta. Or, la meteissa enquista avia mostrat que solament 40% a 50% dei Francesas reconoissian esser encara verges lo jorn de la
ceremonia
. Lei
reglas de conducha morala
fixadas per una societat son donc pas automaticament traduchas en practicas socialas, compres au sen de la familha. De mai, la virginitat avans lo maridatge es pas una norma presenta dins totei lei societats. En certanei regions, au contrari, la
libertat sexuala
dei joves es quasi totala avans lo maridatge.
En revenge, dins la mager part dei societats, lei relacions sexualas en defora dau maridatge son normalament enebidas. De segur, d'excepcions existisson. Per exemple, era lo cas dins la
ciutat-estat
d'
Esparta
onte, amb l'acordi de son marit, una
frema
podia aver de relacions sexualas amb un autre ome en vista d'aver un enfant pus fort. Pasmens, mai d'una societat condamna l'adulteri car menaca lei liames establits entre lei linhatges regardats per lo
maridatge
. En particular, pausa de questions sus la legitimitat deis enfants e, donc, sus la succession e l'
eiretatge
. Lei ≪
bastards
≫, enfants eissits de relacions consideradas coma illegitims, son l'objecte de
discriminacions
dins mai d'un pais.
Lei relacions sexualas dins lo quadre dau maridatge implican pas necessiarament doas personas. D'efiech, la
monogamia
e la
poligamia
son doas tradicions forca frequentas. La
poliandria
existis tanben mai es un fenomen pus rar. Certanei societats an tanben institucionalizat l'
omosexualitat
. Enfin, dins lei societats aguent instituit un destriament entre lei nocions de paire e de genitor, la nocion d'
adulteri
es normalament inexistenta.
Li a tres tipes fondamentaus de cellulas familhalas que son illustrats per lei tres esquemas aici dessota :
La familha ≪ indivisa ≫ (o familha ≪ estenduda ≫) compren dos
grands
, seis
enfants
maridats
e sei
felens
eissits d'aqueleis unions. Totei aquelei gents vivon ensemble per oposicion a la ≪
parentela
≫ qu'es lo grop dei gents liats entre elei per lo
sang
. Lo ≪ grop domestic ≫ designa l'ensemble constituit per la
familha indivisa
e per lei
domestics
eventuaus que vivon dins la familha. La familha ≪ soca ≫ es pus reducha. Compren tres a quatre
generacions
mai amb un pareu unic a cada generacion. Dins aqueu sistema, la mager part deis enfants maridats quitan l'
ostau
familhau. Enfin, la familha conjugala es la pus pichona. Model predominant en
Occitania
, es compausada dei parents e deis enfants pas encara maridats.
Dins lo premier cas, la familha es nombrosa car pot aisament contenir un vintenau d'individus. Lei dos grands li son unics. Dins lei generacions seguentas, lei parents son d'enfants dei grands qu'an agut d'enfants. A cada generacion, mai d'un individu ocupa donc una meteissa posicion de
paire
, de
maire
, d'
oncle
o de
tanta
. Dins la darriera, totei leis
enfants
son tanben
fraires
,
sorres
,
cosins
,
nebots
o
felens
d'un autre membre de la familha. Dins un tau quadre, la familha conjugala presentada dins lo tresen cas existis gaire. D'efiech, lei liames d'un enfant amb son paire son quasi identics amb aqueleis entretenguts amb son
oncle
. De mai, si lei generacions si cavaucan, es possible d'observar de situacions onte leis enfants de la tresena e de la quatrena generacion ocupan de posicions similaras au sen de la familha.
Una autra caracteristica de la familha indivisa es sa continuitat. Gracias a son nombre, pot perdre quauquei membres sensa dispareisser. La situacion es identica s'una branca decidis de quitar l'ostau : lo grop sera demenit mai sa subrevida directa sera pas menacada. Pasmens, la
mort
dei grands pot pausar de problemas. D'efiech, es lo problema fondamentau d'aqueu tipe de familhas. A lor disparicion, lei diferentei brancas podon decidir de venir independentas, co que causa la separacion dau grop. Dins aquo, es tanben possible que l'ainat sieche reconegut coma ≪ patriarca ≫ o ≪ matriarca ≫. Dins aqueu cas, pot tenir lo rotle d'autoritat ocupat per lei grands e mantenir l'unitat de la familha. Lei doas autrei tipes de familha presentan pas de solucion de continuitat. En particular, la familha conjugala si forma per lo maridatge dei parents e si completa amb la naissenca deis enfants. Si desagrega amb lo maridatge deis enfants e dispareis a la
mort
d'un dei dos esp??os.
Lo ≪
patrimoni
≫ es un ben transmissible per lei parents ais enfants. Basa economica de la familha, permet d'assegurar sa subrevida e sa possession e sa gestion son normalament fisadas ai grands dins la familha indivisa e dins la familha soca. Aquo es normalament forca important dins lei mitans paisans, artesans e
borges
. La continuitat de la familha indivisa e la partenca de la mager part deis enfants maridats permeton d'assegurar l'unitat e la continuitat d'aqueu patrimoni
[9]
. En revenge, dins lei familhas conjugalas, es pusleu l'activitat dei parents que permet d'obtenir lei revenguts necessaris au foncionament ordinari de la cellula familiala
[10]
. La continuitat de la familha i es pauc importanta car cada membre adulte es capable de trabalhar. Per aquo, la mobilitat
geografica
pot esser un aspecte important.
Dins una familha conjugala, lei liames d'afeccion son normalament importants. D'efiech, dins lei
pais
onte leis espos podon liurament si chausir, la fondacion d'una familha es basada sus de liames d'aqueu tipe. Puei, aqueu liame afectiu s'estend ais enfants. Dins lei familahs indivisas, aquelei liames son, en revenge, sovent pauc desvolopats en causa de l'autonomia febla dau pareu dins una tala estructura. De mai, l'
amor
es pas sovent a l'origina d'un maridatge. En placa, si troban de consideracions foncionalas coma la cerca d'una forca de trabalh o d'una extension dau
patrimoni
. La centralizacion de l'autoritat entre lei mans dau patriarca o de la matriarca accentua sovent aqueu fenomen. De mai, dins un sistema de familha indivisa, l'
educacion
es donc una carga dei grands e dau resta dau grop familhau. Coma leis enfants son nombros, lor socializacion es collectiva. Totei leis adultes, compres lei
domestics
eventuaus, educan totei leis enfants e lei grands son lo darrier recors de l'autoritat. L'educacion essent fondada sus un raport sociau collectiu, l'afeccion es pas necessaria. La situacion es, de segur, totalament opausada dins la
familha conjugala
. L'
autoritat
e l'educacion li son individualizadas e fondadas sus l'afeccion.
Entre aquelei doas situacions, la
familha soca
es dins una posicion intermediaria. Coma la familha indivisa, lo
patrimoni
es sa basa economica e lei
logicas
afectivas devon donc normalament pas esser importantas. Pasmens, en causa dau nombre de membres pus pichon, l'
educacion
collectiva es pas possibla. Lo raport paire-enfant li es donc important. Dins aquo, es tanben lo cas per lo raport grand-felen. La posicion dau
paire
li es donc ambigua. D'una maniera simetrica, pot i aver de questions similaras a prepaus de la relacion entre la maire e seis enfants, la granda e sei felens e la granda e sa nora
[11]
. Lei familhas soca son donc sovent l'objecte de tensions importantas (conflicte economic entre lei grands que tenon lo
patrimoni
e lei parents qu'asseguran lo trabalh efectiu, conflictes sus l'
educacion
deis enfants...) que son generalament compensadas per lo respecte de normas estrictas de
disciplina
.
Cada tipe de familha es capable de cumplir certanei foncions. Gracias a son nombre, la familha indivisa es aquela que ne'n realiza lo maximom. D'efiech, pot protegir pus aisament seis enfants contra lei menacas exterioras, assegurar l'educacion de sei membres gracias a l'observacion dau rotle tengut per cada
adulte
[12]
e metre en placa lei lesers necessaris a cada generacion. Au bot opausat de l'espectre familhau, la familha conjugala es capabla de realizar un nombre limitat de pretzfachs. Aquo necessita donc la creacion d'institucions particularas per educar leis enfants (
escola
...), per assegurar lei lesers necessaris ais
adultes
e ais
enfants
e per protegir lei diferents membres.
Dins la societat occitana tradicionala onte la familha conjugala es venguda la norma, lo
paire
es generalament encargat de trabalhar e la maire s'ocupa de la gestion de l'
ostau
e de l'
educacion
deis
enfants
. Lo
paire
es alora la figura d'
autoritat
e la
maire
la figura de l'
afeccion
. Pasmens, dempuei la fin dau segle XX, aquelei rotles classics conoisson d'evolucions amb l'extension progressiva dau trabalh dei fremas (sovent una necessitat per assegurar de revenguts sufisents a la familha). De mai, dins certanei cas, la maire aquista una posicion d'autoritat au sen de la familha en causa de son rotle dins la gestion de l'ostau e dins l'educacion deis enfants. Dins aquela mena de ≪
matriarcat
≫, lo paire pot alora ocupar la figura de la comprenenca e de l'afeccion.
Dins forca societats modernas, si fau egalament notar l'aumentacion dau nombre de familhas recompausadas e de parents celibataris
[13]
. Aquo es una consequencia de l'aumentacion dau nombre de
divorci
. Entraina de variacions de la familha conjugala causada per l'absencia d'un parent e per la presencia eventuala d'un autre adulte. L'autoritat li es generalament gardada per lo parent originau e lei raports amb l'autre adulte varian generalament entre l'
afeccion
e l'
agressivitat
. En revenge, dempuei la fin dau segle XX, la legalizacion progressiva dau
maridatge omosexuau
s'es globalament inscricha dins lo quadre dau model familhau tradicionau amb un parent que ten la figura de l'autoritat e un autre aquela de l'afeccion.
Lei relacions entre leis estructuras familialas e leis estructuras socialas globalas podon esser forca variadas. En particular, es una error de considerar que l'
industrializacion
entraina lo desvolopament de la familha conjugala. Pasmens, d'una maniera generala, pot s'observar quauquei trachs pus frequents. Dins lei
societats tribalas
, la familha conjugala es sovent la norma mai s'integra dins un sistema de
parentat
fort. L'unitat familiala pot ansin esser descricha coma una unitat restrenha integrada dins un sistema de parentat estenduda. Dins lei mitans paisans e
artesanaus
, generalament caracterizats per una confusion entre la cellula de produccion e la cellula de consumacion, la familha indivisa e la familha soca es relativament importanta. Enfin, dins lei societats
industrialas
e
urbanas
, la familha conjugala es forca comuna. Es sovent acompanhada per un sistema de parentat feble. Pasmens, aquelei trachs frequents son l'objecte de forca adaptacions. Per exemple, dins la societat
occitana
, lei pareus joves podon demorar dins l'
ostau
dei parents durant d'annadas, especialament dins lei familhas
borgesas
e
obrieras
. La proximitat de grands o de
parents
(per gardar leis
enfants
, mantenir un contacte afectiu...) es tanben un parametre important dins la chausida d'un trabalh.
La familha permet tanben de definir l'
estatut sociau
de seis individus. Un cop de mai, aquela definicion varia forca segon lo model familhau en vigor. Per la familha indivisa, l'estatut sociau globau deis individus es comandat per l'estatut de la familha ela meteissa. En revenge, dins la familha conjugala, es determinada per l'estatut dau parent que trabalha (pus generalament lo paire). A sa naissenca, leis
enfants
li an generalament l'estatut d'aqueu
parent
. Pasmens, coma devon intrar dins d'estructuras situadas en defora de la familha per l'
educacion
o lei lesers, devon rapidament aquistar un autre estatut dins aquelei quadres. Puei, quand quitan la familha, son obligats d'aquistar un estatut noveu a partir de lor trabalh o de lor
maridatge
. Aquela tension entre la seguretat interna a la familha e l'inseguretat e la conquista d'un estatut a l'exterior marca forca leis
adolescents
. Dins aquo, li permet egalament d'aprendre a rompre sei liames amb sa familha d'origina e explica l'importancia de la ≪
civilizacion
dei joves ≫ dins aqueu tipe de
societat
.
Dins la familha indivisa, una tala ≪ civilizacion dei joves ≫ es generalament inutila car tota la familha participa a totei lei foncions de
civilizacion
. Ansin, s'existis normalament de categorias diferentas segon lo temps de cada individu, aquelei distincions evolucionan pas per formar una separacion estricta. Lei joves li an un rotle sociau de cumplir mai aqueu rotle participa a la vida de l'ensemble dau grop familhau.
- Philippe Aries,
L'Enfance et la vie familiale sous l'Ancien Regime
, Paris, Plon, 1960, 513 p.
- Fustel de Coulanges,
La Cite antique
.
- Eric de Dampierre,
Un ancien royaume Bandia du Haut-Oubangui
, Paris, Plon, 1967, 605 p.
- Jean Gaudemet,
Les Communautes familiales
, Paris, Plon, 1960, 513 p.
- William Goode,
The Family
, Englewood Cliffs, Prentice Hall, 1964, 120 p.
- Alain Girard,
Le Choix du conjoint
, Paris, P.U.F., 1964, 204 p.
- Jean Lacroix,
Forces et faiblesses de la famille
, Paris, Editions du Seuil, 1949, 156 p.
- Claude Levy-Strauss,
Les Structures elementaires de la parente
, Paris, P.U.F., 1949, 636 p.
- Didier Lett,
Famille et parente dans l'Occident medieval
, Paris, Hachette, 2000, 256 p.
- Talcott Parsons,
Elements pour une sociologie de l'action
, Paris, Plon, 1955, pp. 109-182.
- Frederic Le Play,
L'Organisation de la famille selon le vrai modele signale par l'histoire de toutes les races et de tous les temps
, Tors, Mame, 1870, 532 p.
- Alfred Radcliffe-Brown e David Forde,
Systemes familiaux et matrimoniaux en Afrique
, Paris, P.U.F., 1953, 527 p.
- Anne-Marie Rocheblave-Spendel,
Les Roles masculins et feminins : les stereotypes, la famille, les etats intersexuels
, Paris, P.U.F., 1964, 204 p.
- Jean Stroetzel, ≪ Les changements dans les fonctions familiales ≫, in Robert Prigent,
Renouveau des idees sur la famille
, Paris, P.U.F., 1954, pp. 343-369.
- ↑
Congres permanent de la lenga occitana
.
Multidiccionari Occitan Dicod'Oc
. Cerca
≪
Famille
≫
.
- ↑
Academia Occitana-Consistori del Gai Saber
.
Diccionari General de la Lenga Occitana (DPLO)
.
- ↑
Institut d'Estudis Aranesi-Academia Aranesa dera Lengua Occitana
. Diccionari der aranes [1a. ed. novembre de 2019] (Seccion aranesa).
ISBN 978-84-09-15095-3
.
- ↑
Aqueu tipe de familha era forca frequent dins la societat
iroquesa
. Totei lei
fraires
dau
paire
eran considerats coma de
paires
e totei lei
sorres
de la
maire
eran consideradas coma de
maires
. En consequencia, leis
enfants
deis ≪ autrei ≫
paires
e
maires
eran considerats coma de
fraires
e de
sorres
. En revenge, aquelei deis
oncles
e dei
tantas
, son considerats coma de
cosins
.
- ↑
Aqueu sistema conoissia una extension considerabla dins la societat
iroquesa
. Un enfant donat li considerava totei lei
fraires
de son
paire
coma de
paires
e totei lei
sorres
de sa
maire
coma de
maires
. Lei sorres de son paire eran dichas tantas e lei fraires de sa maire eran dichas tantas. Totei leis enfants eissits d'aquelei paires e maires se consideravan coma de fraires. Leis
enfants
deis
oncles
e dei
tantas
eran normalament considerats coma de
cosins
(Lafitau,
Mœurs des sauvages ameriquains comparees aux mœurs des premiers temps
, 1724).
- ↑
Lei termes ≪
matriarcat
≫ e ≪
patriarcat
≫, sovent utilizats per definir lei sistemas familhaus, designan en realitat lei mecanismes de partiment dau poder au sen de la familha.
- ↑
Aquela vision foncionala dau
tabo
de l'
inceste
es ben presenta dins forca societats tribalas. Lo
maridatge
li es l'ocasion d'obtenir de
beufraires
, una ajuda utila per la caca, per l'entretenenca dei
culturas
o per mantenir un liame sociau amb d'autrei linhatges.
- ↑
Aquo es forca important dins lei societats onte lei maridatges son negociats a l'entorn de cambis de bens. D'efiech, mantenir l'alianca entre lei linhatges permet de defugir una restitucion dei bens cambiats, operacion totjorn complexa.
- ↑
Aquelei familhas son consideradas coma d'unitats de produccion e de consumacion.
- ↑
Aquelei familhas son unicament consideradas coma d'unitats de consumacion.
- ↑
Dins l'ipotesi d'una familha de tipe patriarcala. Dins un sistema matriarcau, lei meteissei problemas s'observan amb d'adaptacions per tradurre la posicion dei diferents
sexes
.
- ↑
L'educacion completa deis enfants pot esser diferenta de l'instruccion.
- ↑
La situacion de parent celibatari es generalament provisoria. Per aquela rason, aqueu model es considerat coma una variacion de la familha conjugala.